Gjatë përmbytjeve që ndodhën mbrëmë në fshatin Shipkovicë të Tetovës së Maqedonisë e humbën jetën tre persona, ndërsa një tjetër konsiderohet i zhdukur. Po ashtu jane shkaterruar shume prona.
Sie sehen gerade einen Platzhalterinhalt von Standard. Um auf den eigentlichen Inhalt zuzugreifen, klicken Sie auf den Button unten. Bitte beachten Sie, dass dabei Daten an Drittanbieter weitergegeben werden.
/Klan-Kosova
Lëreni tentativat dhe shtyrjet e bërrylave për dominimin mbi fenë shkruan Prof.Dr. Xhabir Hamiti në Facebook, sepse atë askush deri më sot nuk ka arritur të fusë në grusht dhe as që të ketë monopol mbi të. Lëreni dhe mos e instrumentalizoni fenë për interesa të ngushta ditore në dëm të interesit të përgjithshëm të bijave dhe bijve tonë. Mos bëni tregti dhe politikë me fenë duke dëmtuar e nënçmuar tjetrin. Mos u bëni argat të agjendave të jashtme të cilat përmes fesë po mundohen që të brejnë dhe të luhatin bashkëjetesën dhe të ardhmen tonë të përbashkët. Thoni po respektit dhe përkatësisë së çdonjërit për bindjen e vet të zgjedhur fetare dhe thoni stop provokimeve dhe urrejtjes në emër të saj. Zoti është mbi fenë që ne e predikojmë, por njëkohësisht është edhe Krijues i të gjithë neve pa dallim. Të kaluarën lërjani historisë, sepse ajo më nuk kthehet. Shikoni të tashmen dhe punoni drejt të së ardhmes.
Shqiptarët më së paku kanë nevojë sot që fenë t`a bëjnë lajm ditor, kur dihet se para veti presin shumë punë për të bërë drejt rregullimit dhe funksionalizimit të mbarë e prosperues të shtetit tonë. E drejta e besimit dhe praktikimit të fesë duhet të institucionalizohet barazisht dhe për të gjithë pa dallim, por njëkohësisht edhe të sanksionohet abuzimi me të në dëm të tjetrit dhe në dëm të interesit të përbashkët shoqëror dhe kombëtar.
Të gjithë ata popuj që e kanë përdor emrin e Zotit për t`i dëmtuar të tjerët padrejtësisht, asnjëherë nuk kanë shpëtuar nga dënimi i Tij. Shembuj të tillë kemi edhe sot, përplot.
Lëni njerëzit të lirë në besimin e vet dhe mos bëni orvatje për supermaci fetare.
Shoqëria e jonë, përveç besimit në Zot ka nevojë si kurrë më parë për respektim të ligjit dhe drejtësisë, zhvillimit ekonomik dhe mirëqenies sociale si dhe luftimin e monopolit dhe korrupsionit të cilat i kanë fut thellë rrënjët në mesin tonë. Këto të këqija po e zbehin ndjeshëm shpresën e të rinjve tanë për një të ardhmen më të mirë të tyre.
Zoti nuk është problem i shqiptarëve sot e as që kanë qenë ndonjëherë, por jemi vet ne që ende nuk jemi këndellur e zgjuar si duhet; për të punuar drejtë, për të dashur njëri tjetrin pa hile, për t`i luftuar të ligat dhe keqen tonë bashkërisht.
Xhabir Hamiti – Facebook
02.08.2015
Deputeti Ilir Deda, i bërë pjesë e Lëvizjes Vetëvendosje para zgjedhjeve të fundit parlamentare po sfidon konceptin e subjektit politik të ndërtuar nga Albin Kurti.
Deda i ftuar në një emision argëtues në Klan Kosova përmes një veprimi të vogël ka dërguar një mesazh të madh.
Në emisionin ku mysafirët shtyhen të tregojnë talentin e tyre në pikturë, Deda ka zgjedhur të bëjë hartën e botës, duke e theksuar flamurin e Kosovës, simbol i cili nuk është pranuar asnjëherë nga subjekti politik i ndërtuar nga Albin Kurti.
Ai për këtë edhe ka marrë vërejtje të shumta pas postimit të fotografisë në Facebook. Shumë aktivistë të Lëvizjes Vetëvendosje e kanë parë këtë si fyerje dhe kanë kërkuar nga ai që të kërkojë falje.
“Lëvizja VETVENDOSJE! është kundër një flamuri artificial i cili iu është imponuar popullit shqiptar pa e pyetur atë! Pranimi i këtij flamuri nga një anëtar i kësaj lëvizje e dëmton rëndë VV-n!”, ka shkruar një komentues në fotografinë e postuar nga Deda.
“Ilir Deda ju duhet të kërkoni falje që keni bër foto afër një simboli i cili përqan kombin shqiptar”, ka shkruar një komentues tjetër.
Deputeti Deda në Vetëvendosje kaloi nga shoqëria civile, ndërsa më parë bashkë me kryetarin aktual të Prishtinës, Shpend Ahmeti, ishte edhe themelues i partisë Fryma e Re, e cila u shua pasi nuk mundi të marrë votat e mjaftueshme sa për t’u bërë pjesë e Kuvendit të Kosovës.
Koncepti politik i Dedës i treguar gjatë aktivitetit të tij gjatë kohës sa ishte pjesë e shoqërisë civile, por edhe i politikës ka qenë diametralisht i kundërt me atë të Lëvizjes Vetëvendosje.
Deda vazhdimisht kishte proklamuar një frymë liberale, për dallim nga nacionalizmi ekstrem që karakterizon Vetëvendosjen.
Këto veprime edhe mund të mos kalojnë pa u vërejtur në partinë të cilën tani e drejton Visar Ymeri, pasi në të kaluarën anëtarë të cilët kanë devijuar nga parimet e vëna nga Albin Kurti, janë përjashtuar nga ky subjekt politik. /lajmi.net
Por ju mund të zgjidhni që ti qaseni ditës me vetëdije të plotë. Duke qenë plotësisht i vetëdijshëm do ta ngritë përpjekjen tuaj për tu ndjerë mirë, të jeni më produktiv dhe të jeni të lumtur kur gjithçka përfundon.
Jo patjetër duhet që të jeni person që i do mëngjeset në mënyrë që të përfitoni nga ritualet e mëngjesit. Sumë njerëz gjëja e parë që bëjnë në mëngjes është shtyrja e alarmit për më vonë, rrotullohen për disa minuta në shtrat derisa më në fund vrapojnë për të filluar ditën pa ndonjë plan.
Por ju mund të zgjidhni që ti qaseni ditës me vetëdije të plotë. Duke qenë plotësisht i vetëdijshëm do ta ngritë përpjekjen tuaj për tu ndjerë mirë, të jeni më produktiv dhe të jeni të lumtur kur gjithçka përfundon.
1. Meditoni
Meditimi apo thjeshtë pak frymëmarrje e relaksuar mund të ju ndihmojë ta filloni ditën tuaj me qetësi. Në vend se të vraponi tek telefoni apo kontrollimi i e-mailit, menjëherë pasi jeni zgjuar. Ndaluni, shfrytëzoni disa minuta të uleni dhe ta përjetoni qetësinë.
2. Reflektoni duke qenë falënderues
Filloni ditën tuaj duke reflektuar për gjërat që jeni falënderues. Praktikimi konsistent i të qenunit vlerësues që kur zgjoheni në mëngjes do ta rritë vetëdijen tuaj që të jeni falënderues gjatë gjithë ditës.
3. Vendoseni qëllimin e ditës tuaj
Në qetësinë e mëngjesit, para se të ‘ndizen zjarret’ planifikojeni ditën duke u fokusuar në tri qëllime që doni ti arrini gjatë ditës.
4. Rregullojeni orarin
Përderisa i keni përcaktuar qëllimet e ditës, vazhdoni duke e vendosur në letër orarin i cili do të jua bëjë më të lehtë përballjen me ‘zjarret’ e ditës (mendoni edhe për kohë të lirë). Planifikimi i orarit me kohë të lirv do të ju japë mundësi më të mira që ti arrini qëllimet që i keni vendosur për atë ditë dhe gjithashtu do t’ju lejojë kohë edhe për pushim.
5. Hidratohuni (pini lëngje)
Kur zgjoheni nga gjumi trupi është i dehidruar, kështuqë është shumë e rëndësishme që të pini lëngje në mëngjes. Shumë këshillues për shëndetin sugjerojnë që gjysmën e ujit që e pijmë gjatë ditës duhet të pihet në mëngjes. Në këtë mënyrë ai pastron sistemin e organeve nga helmet, ju lë ndjenjën se nuk jeni të uritur dhe redukton kokëdhimbjen gjatë ditës.
6. Ndëgjoni muzikë
Fillimi i ditës me ritëm të muzikës që ju jep ndjenjën e qejfit jo vetëm që ju zgjon por edhe do t’ua mbushë ditën me energji pozitive.
7. Tërhiqni muskujt
Të gjithë ne kur zgjohemi në mëngjes jemi të tendosur. Jo çdoherë e kemi ‘luksin’ edhe të aspektit kohorë për të bërë ushtrime në mëngjes. Kështuqe mjektët sportivë këshillojnë që së paku sapo të zgjohemi nëse asgjë tjetër, atëherë duhet ti bëjmë disa tërheqje të vogla të muskujve.
8. Buzëqeshni
Fillimi i ditës duke buzëqeshur edhe me veten tuaj në pasqyrën e banjos. Buzëqeshja do të ketë efekt pozitiv në disponimin dhe të ndjehurit mirë gjatë gjithë ditës, madje edhe nëse dita ka filluar me pak tension. Buzëqeshja ju bën më lehtë të qas’shëm nga të tjerët dhe më të besueshëm.
9. Pastrohuni
Të gjithë jemi duke jetuar jetë të stër-ngarkuar, dhe rutina e mëngjesit është gjithnjë e ngutshme, dhe do të jetë shumë tunduese të vraponi që të bëni dush, përderisa rrobat të pa-lara, enë në kuzhinë mund ti leni prapa në mënyrë që të merreni me to më vonë kur të ktheheni. Por, mundohuni që të zgjoheni më herët dhe të planifikoni edhe kohën për të pastruar gjithçka.
10. Në fillim përfundoni detyrat e vështira
Mund të jetë më e ‘dëshirueshme’ që punët e lehta ti kryeni më herët, por është vërtetur në shumë mënyra dhe nga shumë njerëz se përfundimi i detyrave të vështira në fillim do t’ju ndihmojë që të keni një vazhdim të ditës më produktive dhe më të lumtur. /lajmi.net
(E plotësuar) Një person është vrarë ndërsa dy të tjerë janë plagosur gjatë shkëmbimit të zjarrit në Kumanovë në orët e pasdites së sotme.
I vrari është Xhamail Rexhepi, ish-pjesëtar i UÇK-së, i njohur si komandant Shqiponja, kurse janë plagosur Gani Demiri dhe Shefki Rexhepi, të cilët janë dërguar për trajtim mjekësor në spitalin e qytetit.
Lajmi është konfirmuar nga Ministria e punëve të brendshme e Maqedonisë, e cila po zhvillon hetime për shkaqet e këtij incidenti të rëndë.
Incidentit i ka paraprirë zënka mes anëtarëve të partisë Bashkimi Demokratik për Integrim (DBI), lidhur me zgjedhjen e kryetarit të degës partiake në Kumanovë.
Autor i vrasjes dyshohet të jetë, Bajram Limani, i cili ka deklaruar për mediat se aktin e ka kryer ne vetëmbrojtje pasi është sulmuar nga pjesëtarët e grupit tjetër.
Zënkat mes anëtarëve të BDI-së në Kumanovë janë të pranishme tash e një kohë të gjatë.(Rel) / RTKlive
