von Zemraadmin | Juli 6, 2015 | Kosova
Qeveria e Kosovës është në fazën finale që ta shpallë fituesin për ndërtimin e Termocentralit “Kosova e Re”.
Si ofertues më serioz po shihet një kompani amerikane. Zv/presidenti i kompanisë amerikane „Countour Global“, Garry Levesly tregoi për RTK-në si do të duket ky projekt.
Negociatat ndërmjet kompanisë amerikane Contour Global dhe qeverisë për ndërtimin e Termocentralit “Kosova e Re” janë në fazën finale dhe pritet që qeveria të marrë vendim për të zgjedhur këtë kompani si ofertues i preferuar për ndërtimin e termocentralit. Këtë e ka pohuar edhe zv/presidenti i kompanisë amerikane Countour Global.
„Ne jemi mjaft afër të qenit të zgjedhur si ofertues i preferuar për ndërtimin e termocentralit. Megjithatë ende nuk është zyrtare. Gati të gjitha çështjet tashmë janë zgjidhur, dhe qeveria thjeshtë duhet të marrë vendim për shpalljen tonë si ofertues të preferuar dhe besoj që kjo të ndodhë brenda pak javësh“.
Përfaqësuesi i kompanisë amerikane ka shpjeguar edhe kompetencat e tyre për këtë projekt.
„Ne do ta bëjmë zhvillimin e projektit, do të bëjmë edhe përzgjedhjen e projekteve ndërtimore, pra nuk jemi vetë ndërtues. Procesi i ndërtimit do të jetë me tender ndërkombëtar. Ka gjasë do të gjejmë kompani mjaft të mëdha si gjermane, franceze dhe amerikane që do të bëjë ndërtimin. Ndërsa ne do ta menaxhojmë kontratën dhe Countor Global do të operojë me centralin. Pra ne do ta udhëheqim edhe grumbullimin e parave, financave, dhe do të jemi menaxhuesi kryesor i projektit. Aktualisht jemi 100% aksionar, mund të ketë edhe aksionar të vegjël në të ardhmen, si psh kontrata e ndërtimit që mund t’i ketë 5 deri në 10% aksione“.
E sa i përket interesimit të kompanisë gjermane Filinger për rindërtimin e termocentralit Kosova A, Llevesly tha se nuk ka asnjë konflikt në mes dy projekteve.
„Nuk shohim asnjë lloj konflikti mbi atë se çfarë do të ndodhë apo çfarë duhet të ndodhë me projektin e Kosovës A. Sa i përket përvojës sime personale, përpjekja për të rehabilituar termocentralin 50 vjeçar s’ka kurrfarë kuptimi, s’ka kurrfarë logjike, nuk besoj që do të ndodhë, po ky është qëndrimi im personal, megjithatë nuk shohim konflikt. Kosova e Re do të ecë tutje, pavarësisht çfarë ndodh me Kosovën A“.
Megjithëkëtë, përfaqësues të kompanisë gjermane Bilfinger, kanë theksuar se janë të interesuar për rindërtim të Kosovës A. E sa i përket Kosovës së Re, sipas planifikimeve, ai pritet të hyjë në funksion në vitin 2020. / RTKLive
von Zemraadmin | Juli 6, 2015 | Kosova
Komuna e Prishtinës ka nisur ndriçimin e rrugëve dhe lagjeve të Prishtinës. Në kuadër të projektit për zgjerim dhe modernizim të rrjetit publik do të ndriçohen 35.5 kilometra rrugë.
Ndriçimi i rrugëve dhe lagjeve të Prishtinës, sipas Drejtorisë së Shërbimeve Publike,po bëhet edhe për sigurinë e qytetarëve.
Derisa, nënkryetari i Komunës së Prishtinës, Dardan Sejdiu, tha që kjo përveç kostos së lirë për Komunën, është edhe më e thjeshtë për mirëmbajtjen.
Sejdiu tha se do të vazhdohet me projektin për zgjerimin e ndriçimit dhe se rrugët dhe lagjet e Prishtinës të mos jenë me orar të punës.
“Do të krijojmë një model publik të qëndrueshëm, i cili edhe sa i përket kostos më i lirë për Komunës, por edhe sa i përket mirëmbajtjes është më i thjeshtë për Komunën. Në fakt, krejt këtë projekt të cilin e prezantoi drejtori Gashi është në vazhdën e angazhimit tonë që secili cepi Prishtinës të jetë i sigurt, dhe që rrugët dhe lagjet të mos jenë me orar të punës, pra deri në natë. Po mundohemi të bëjmë këtë si një punë që në fakt i angazhon edhe qytetarët në këtë aspekt, duke u siguruar që edhe ato që ndriçohen dhe të mirëmbahen”, tha ai.
Kurse, drejtori i Shërbimeve Publike, Mbrojtjes dhe Shpëtimit, Ardian Gashi, tha se çdo cep i Prishtinës do të bëhet me ndriçim.
“Është pjesë e ndriçimit dhe të projektit të ndriçimit në Prishtinë, në këtë kontratë janë diku 35.5 kilometra të parapara për me zgjeru ndriçimin, normalisht sikur vitin e kaluar, deri përafërsisht 40 km me të njëjtën kontratë, tash të shohim si do të na del situata në teren. Kjo shkon në vazhdën e zgjerimit dhe modernizimit duke parë të arsyeshme, se ndriçimi nuk është vetëm në aspektin e ndriçimit në atë mënyrë, por do të jetë edhe në aspektin e sigurisë, dhe në çdo cep të Prishtinës do të vazhdojnë me ndriçim”, tha Gashi.
Ndërkohë, të shtunën Komuna e Prishtinës ka rivitalizu ndriçimin e rrugës së Tokbahçes. Ata kanë bërë apel për qytetarët, që në mirëmbajtjen e hapësirave të tyre dhe se këto investime janë nga taksat e tyre./Kosovapress/
von Zemraadmin | Juli 6, 2015 | Shqiperia
Cili është vendimi që i dha lirinë e parakohshme Sokol Mjacajt dhe dosja gjyqësore ku akuzohej që bashkë me dy vëllezërit Kodra vranë fëmijën 13-vjeçar, Agim Lera.
Krimi për një varëse floriri dhe vendimi i çuditshëm i Gjykatës së Apelit të Shkodrës, që një prej të dyshuarve kryesorë për vrasje nga dënim me burg përjetë i dha 25 vite dënim, ndërsa Mjacajt menjëherë i fali gjashtë vite
Nëse ngjarjet do viheshin në peshore, nuk dihet se cila është krimi më i madh; vrasja e dy turistëve çekë nga një 20-vjeçar me rekorde të rënda kriminale, apo lirimi i autorit të dyshuar nga burgu, pa kryer as gjysmën qesharake të një dënimi të dhënë.
Kështu, duke parë dosjen gjyqësore të të dyshuarit Sokol Mjacaj, ngjan se gjyqësori i ka dhënë lirinë e parakohshme jo vetëm për t’u rehabilituar, por indirekt për të kryer një tjetër krim të rëndë, vetëm një muaj pasi la qelinë e burgut.
Burgosja e parë e Mjacajt nis në vitin 2010, kur ai ishte 15 vjeç, pasi mori pjesë në masakrimin për vdekje të 13-vjeçarit, Agim Lera. Kjo ngjarje e rëndë ndodhi në fshatin Pjollë të komunës Shalë, në vitin 2010.
Dyshohet se Mjacaj në bashkëpunim me vëllezërit Edmond dhe Besnik Kodra vranë në rrethana rënduese një fëmijë vetëm 13 vjeç, për një varesë floriri. Pasi i rrëmbyen varësen, ndaj fëmijës krejt të mitur ushtruan dhunë të rëndë duke i përplasur kokën në gurë dhe më pas mbytur me duar. Për të humbur gjurmët, trupin e fëmijës e hodhën në lumë.
Pak muaj më pas u arrestuan Mjacaj dhe dy vëllezërit Kodra, të cilët ishin në moshë madhore. Ata në gjykatë nuk e pranuan krimin, por sërish për treshen gjyqësore të Gjykatës së Shkallës së Parë të Shkodrës dënoi me burgim të përjetshëm Besnik Kodrën, vëllanë e tij Edmondin me 11 vjet, ndërsa të miturin 15-vjeçar me dhjetë vite. U konsiderua si një “lehtësim” për familjarët e djalit 13-vjeçar të vrarë në mënyrën më të tmerrshme të mundshme, por “drejtësia” di të manovrojë.
Apeli
Që në fillim dy vëllezërit pretendonin pafajësinë, duke mohuar çdo akuzë, por prokuroria përveç disa provave shkencore, kishte edhe dëshminë e Sokol Mjacajt. Ai kishte treguar ngjarjen dhe më pas edhe vendin ku ishte hedhur trupi i fëmijës.
Që të gjitha deklarimet e tij rezultuan të sakta, duke e rënduar pozitën edhe të dy vëllezërve. Për institucionin e akuzës, goditjen fatale të përplasjes së kokës në gurë e kishte dhënë Besnik Kodra, ndërsa vëllai i tij Edmondi dhe Sokol Mjacaj kishin bashkëpunuar dhe dhunuar fëmijën. Gjithashtu rezulton se personi që kishte çuar në “pritë” fëmijën dyshohet se është Sokol Mjacaj.
Teksa vendimi ishte marrë në shkallën e parë të gjyqësorit, avokatët mbrojtës të dy vëllezërve apeluan vendimin. Pikërisht në këtë gjykatë do vinte ndryshimi i madh për të akuzuarit. Gjykata e Apelit, në dhënien e vendimit në vitin 2013, ka pranuar pjesërisht kërkesën për rihapjen e hetimit në ngarkim të tre të pandehurve, ka vendosur lënien në fuqi të vendimit të gjykatës së shkallës së parë për Edmond Kodrën, pra dënimin e tij me 11 vjet burg, ndryshimin e vendimit për vëllanë e tij, Besnik Kodra, nga burgim i përjetshëm në 25 vjet burg, si dhe ndryshimin e vendimit për të pandehurin Sokol Mjacaj.
Ai, nga dhjetë vite që ishte dënuar në shkallën e parë, u dënua me vetëm katër vjet. Pala gjykuese në Apel kryesohej nga gjyqtarja Marina Rraboshta, ndërsa kishte në krah edhe dy anëtarët, kolegët e saj, që ishin në një mendje për ndryshimin e vendimit.
Teksa u dha vendimi, menjëherë në sallën e gjyqit dhe pas saj pati përleshje të ashpra mes familjarëve të të akuzuarve dhe atyre të fëmijës së masakruar. U gjakosën mes tyre, u vranë fizikisht e shumë shpirtërisht familjarët e djaloshit vetëm 13-vjeçar, por kjo ishte drejtësia e dhënë.
Vendimi i diskutueshëm
Fakti që edhe Gjykata e Apelit njohu fajësinë, por zbuti dënimet, ngjalli jo pak reagim. Së pari ajo i njohu si fajtorë të tre personat, por bëri dy “ndere” fort të mëdha. Së pari për të akuzuarin kryesor, Besnik Kodra, pasi për të nga dënim me burg përjetë i dha 25 vite, por pa argumentuar qartë se përse ky vendim gati në ekstrem.
Ndërkohë ka lënë në fuqi vendimin me 11 vite për të vëllanë, ndërsa “mëshiroi” thuajse krejtësisht Sokol Mjacajn, kur për të dha vetëm katër vite burgim, paçka krimit të rëndë që kishte ndodhur. Por sërish asnjë nga gjyqtarët që morën vendimin nuk u procedua, ndonëse familjarët u rivranë pasi vendimi ishte pro të akuzuarve.
Nuk dihet tashmë se çfarë do të ndodhë me treshen e Gjykatës së Apelit të Shkodrës, ku pas vrasjes së tre turistëve çekë është rikthyer edhe një herë problemi i madh që ndodh me drejtësinë. Ku persona të akuzuar për krime të rënda dënohen pak dhe në një kohë të shkurtër fitojnë lirinë, duke iu rikthyer krimeve dhe lënë pasoja të rënda.
Ai vetëm para një muaji kishte lënë qelitë e burgut të Shën Kollit në Lezhë, por tashmë kreu një krim mjaft të rëndë, duke lënë të vdekur në vend dy turistët çekë që erdhën në Shqipëri për turizëm, por u kthyen në vendlindje me arkivole, pasi ranë në pritë nga një grabitje e mundshme.
Ministri i Rendit dhe kryepolici shigjetojnë gjyqësorin
Në momentin që u konfirmua zyrtarisht se autori i dyshuar i vrasjes së dy turistëve ishte arrestuar nga policia në fshatin Grudë e Re në Shkodër, reagoi edhe ministri i Brendshëm, Saimir Tahiri. Në postimin e tij, Tahiri falenderon forcat e policisë dhe banorët e Dukagjinit. Ministri i Brendshëm shprehet se personi i arrestuar ndoshta duhet të ishte në burg për krimet e mëparshme.
“Faleminderit policisë dhe banorëve të Dukagjinit për arrestimin në kohë rekord të njeriut, që ndoshta duhet të ishte ende në burg për krimet e mëparshme, e jo të vriste përsëri”, shkroi ministri.
Në këtë mënyrë ai ka lënë të kuptohet se vendimi i gjykatës dhe problemi i drejtësisë në vend po shkakton mjaft probleme. Sepse direkt gjyqtarë të ndryshëm duke dhënë dënime të ulëta, shumë më pak seç e parashikon ligji, sjellin pasoja të rënda. Gjithashtu, edhe Drejtori i Përgjithshëm i Policisë së Shtetit, Haki Çako, në një prononcim të shkurtër nga Drejtoria e Policisë së Shkodrës ishte në të njëjtën linjë me ministrin, ndërkohë ka siguruar se rendi do të jetë prioritet kryesor në zonat turistike.
“Dua të siguroj që të gjithë shtetasit shqiptarë dhe të huaj që bëhen pjesë e guidave dhe lëvizjes në Shqipëri se ata do të jenë më se të sigurt tash e tutje. Do të marrim masa që t’u vëmë në dispozicion çdo shërbim”, – tha Çako. Ndërkohë në lidhje me vendimin e gjykatave, duke iu referuar rastit të Mjacajt, kreu i Policisë së Shtetit tha se “jemi duke analizuar në mënyrë të detajuar edhe arsyet pse ky kriminel gjendet jashtë, pasi ka qenë edhe më parë i dënuar për tentativë vjedhjeje me pasojë vdekjen e një fëmije”. (Mapo.al
von Zemraadmin | Juli 6, 2015 | Kosova
Agjencia për Regjistrim Civil e MPB-së, sot fillon lëshimin e certifikatave të gjendjes civile me elemente të avancuara të sigurisë në gjithë territorin e vendit.
Sipas një njoftimi të MPB-së, është avancuar sistemi i pajisjes me dokumente të gjendjes civile, konform ndryshimit legjislativ dhe ngritjes së kualitetit të të dhënave, si dhe ofrimit të shërbimit në mënyrë më efikase.
Me këtë rast, Ministria e Punëve të Brendshme po e përmbush edhe një ndër kriteret themelore të Udhërrëfyesit për Liberalizim të Vizave. / RTKLive
von Zemraadmin | Juli 5, 2015 | Nachrichten
Ende März 2015 lebten 1 967 844 Ausländerinnen und Ausländer in der Schweiz.
68 % der ständigen ausländischen Wohnbevölkerung stammen aus den EU-28/EFTA-Staaten. Der Wanderungssaldo lag im ersten Quartal bei 22 942 Personen.
Die Einwanderung hat im Beobachtungszeitraum zwischen Januar und März 2015 im Vergleich zur Vorjahresperiode um 2,6 % zugenommen. Gleichzeitig hat die Auswanderung im gleichen Zeitraum um 0,3 % abgenommen. Von Januar bis März 2015 sind 39 102 Personen in die ständige Wohnbevölkerung eingewandert, 16 892 Personen sind ausgewandert.
Zwischen Januar und März 2015 sind gesamthaft 40 161 Staatsangehörige aus der EU-28/EFTA zur Aufnahme einer Erwerbstätigkeit in die Schweiz eingewandert. Diese Zahl schliesst auch Personen mit Kurzaufenthaltsbewilligungen ein. Gegenüber der gleichen Periode im Vorjahr bedeutet dies eine Zunahme von 10,4 %.
Im gleichen Zeitraum sind gesamthaft 11 835 Ausländerinnen und Ausländer im Familiennachzug in die ständige Wohnbevölkerung der Schweiz eingewandert. Knapp 20 % von ihnen kamen im Familiennachzug einer Schweizerin bzw. eines Schweizers in die Schweiz.
Ein Viertel der Kontingente für Drittstaatenangehörige beansprucht / Albinfo.ch
2015 stehen für Erwerbstätige aus Drittstaaten 4000 Kurzaufenthaltsbewilligungen und 2500 Aufenthaltsbewilligungen zur Verfügung. Die Ausschöpfung dieser Kontingente lag Ende März bei 25 % für die Kurzaufenthalter und bei 23 % für die Aufenthalter.
68 % der ständigen ausländischen Wohnbevölkerung stammen aus den EU-28/EFTA-Staaten. Der Wanderungssaldo lag im ersten Quartal bei 22 942 Personen.
Die Einwanderung hat im Beobachtungszeitraum zwischen Januar und März 2015 im Vergleich zur Vorjahresperiode um 2,6 % zugenommen. Gleichzeitig hat die Auswanderung im gleichen Zeitraum um 0,3 % abgenommen. Von Januar bis März 2015 sind 39 102 Personen in die ständige Wohnbevölkerung eingewandert, 16 892 Personen sind ausgewandert.
Zwischen Januar und März 2015 sind gesamthaft 40 161 Staatsangehörige aus der EU-28/EFTA zur Aufnahme einer Erwerbstätigkeit in die Schweiz eingewandert. Diese Zahl schliesst auch Personen mit Kurzaufenthaltsbewilligungen ein. Gegenüber der gleichen Periode im Vorjahr bedeutet dies eine Zunahme von 10,4 %.
Im gleichen Zeitraum sind gesamthaft 11 835 Ausländerinnen und Ausländer im Familiennachzug in die ständige Wohnbevölkerung der Schweiz eingewandert. Knapp 20 % von ihnen kamen im Familiennachzug einer Schweizerin bzw. eines Schweizers in die Schweiz.
Ein Viertel der Kontingente für Drittstaatenangehörige beansprucht
2015 stehen für Erwerbstätige aus Drittstaaten 4000 Kurzaufenthaltsbewilligungen und 2500 Aufenthaltsbewilligungen zur Verfügung. Die Ausschöpfung dieser Kontingente lag Ende März bei 25 % für die Kurzaufenthalter und bei 23 % für die Aufenthalter.
– See more at: http://www.albinfo.ch/de/shtohet-numri-i-te-huajve-ne-zvicer-2/#sthash.MPEc3v7U.dpuf
Ende März 2015 lebten 1 967 844 Ausländerinnen und Ausländer in der Schweiz. – See more at: http://www.albinfo.ch/de/shtohet-numri-i-te-huajve-ne-zvicer-2/#sthash.MPEc3v7U.dpuf
