von Zemraadmin | Mai 24, 2015 | Lifestyle
Meshkujt mund të jenë miq dhe partner shumë të mirë, por nganjëherë mund të bëjnë edhe më shumë.
Disa fjali që femrave u vijnë gjithmonë ndër mend janë: ‘’Nuk ka bërë asnjë sakrificë’’ ose ‘’Është gjithmonë me miqtë’’ ose ose ‘’Nuk më kushton rëndësi’’.
Ja pra djem për të mos dëgjuar këto frazat e zakonshme, më poshtë keni disa këshilla për atë se çfarë ka nevojë vërtetë një femër.
Detajet kanë rëndësi
Disa meshkuj mendojnë se gjërat e mëdha bëjnë të lumtur një femër, por çdo ditë e më shumë tregon se çdo gjest i vogël është shumë i rëndësishëem.
Arrogant-jo, të sigurt në vetvete – gjithmonë
E keni pyetur ndonjëherë veten se përse disa meshkuj që nuk janë të bukur ose të pasur kanë pas vetes shumë femra? Kjo quhet siguri: femrat preferojnë një mashkull që është me këmbë në tokë në çdo situatë. E bënë të ndihet e mbrojtur dhe kjo është diçka e rëndësishme.
Mos jini burra-fëmijë
Po, është e vërtetë na pëlqen të përkdhelemi. Femrat dëshirojnë të kujdesen për mashkullin që kanë në krah, por kujdes mos e ktheni në marrëdhënien mama-bir. Pranojeni: jeni burra me shpirt djaloshar, por kjo nuk ju lejon të kërkoni kujdesin si të një nënë të shqetësuar.
Mësoni të thoni ‘’ Më fal’’
Boll me të qenit kokëfortë. Nëse gaboni pranojeni gabimin pa drama dhe thoni atë fjalën e vogël magjike që fshin çdo problem. Të thanit ‘’më fal’’ shpesh ndihmon lidhjen për të bërë përpara, kështu praktikojeni para pasqyrës dhe thuajeni më shpesh.
Respektoni
Disa meshkuj nuk e trajtojnë partneren e tyre ashtu siç duhet. Duajeni si në ditën e parë dhe vlerësojeni gjithmonë për atë që ju jep dhe bën çdo ditë për ju.
Pranojeni: Ju s’mund të jetoni pa femrat!
Meshkujt ndonjëherë nuk i vlerësojnë vërtetë femrat, por çfarë do të bënit ju pa to ? Në rregull do të luanit Playstation, po pastaj?
von Zemraadmin | Mai 23, 2015 | Lifestyle
Disa njerëz i duan banjat e gjata. Sikur të mos kenë obligime, dushi apo banjo e tyre nuk do të mbaroi kurrë. E, një gjë që vërehet më pas, janë gishtat e rrudhosur.
Për këtë, shkenca ka një përgjigje, transmeton Telegrafi. Është e tëra tek osmoza, me ujin që rrjedhë nëpër shtresën e fundme të lëkurës.
Uji e zgjeron shtresën e jashtme të lëkurës, por jo edhe atë të poshtme, duke i krijuar rrudhat.
Në studimet më të hollësishme, kuptohet se ata që kanë sistem nervor më të dobët, ju rrudhosen më shumë gishtat.
Në këto raste, lëkura e tërheqë ujin, në mënyrë që të rruaj lagështinë për më gjatë.
Rrudhat ndihmojnë që të depërtoi uji, njëjtë sikur të thepisurat në rrotën e automobilit.
von Zemraadmin | Mai 23, 2015 | Kosova
[iframe type=“text/html“ width=“640″ height=“360″ src=“http://www.euronews.com/embed/306386/“ frameborder=“0″ allowfullscreen ]
Të afërm të shqiptarëve të Kosovës, të arrestuar në Maqedoni pas luftimeve të fundit në Kumanovë, kanë bërë thirrje për lirimin e tyre.
Familjet, që dolën në qendër të Prishtinës, mbanin flamuj të Shqipërisë dhe afishe me mbishkrime: “Lironi djemtë tanë” dhe “Ata nuk janë terroristë”, raporton Euronews.
Nëntë persona të armatosur dhe tetë policë u vranë në luftimet e 9 dhe 10 majit në Kumanovë.
Edhe 26 persona tjerë, kryesisht nga Kosova, po mbahen nën arrest në lidhje me këto përleshje të armatosura.
Detajet e sakta se çfarë ka ndodhur atje ende nuk dihen. Disa thonë se autoritetet në Shkup e kanë nxitur dhunën, në tentim të tërheqjes së vëmendjes nga skandalet i korrupsioni që kërcënojnë largimin nga pushteti të konservatorëve.
von Zemraadmin | Mai 23, 2015 | Kosova
Prokuroria e Shtetit në Kosovë ka miratuar kërkesën e familjarëve të kosovarëve të vrarë në Kumanovë, që trupave të pajetë t’u kryhet një autopsi e re nga Mjekësia Ligjore kosovar
Top Channel ka mësuar se tre nga nëntë të vrarët janë masakruar deri në shpërfytyrim dhe do të jetë pikërisht autopsia e re ajo që pritet të japë përgjigje ndaj dyshimeve të familjarëve, nëse ndonjë prej tyre është vrarë dhe masakruar pasi është kapur i gjallë.
“Medoemos që autopsia tregon çdo gjë. Çdo gjë do të filmohet, çdo gjë do të shenjëzohet dhe ajo do të tregojë gjithçka. Ajo që do të mësohet, në formën e një raporti të autopsisë së dytë, do t’i prezantohet prokurorit të Shtetit të Republikës së Kosovës”, ka thënë Arsim Gërxhaliu, drejtor i Departamentit të Mjekësisë Ligjore.
Gërxhaliu tha se ekipet e tij janë gati për nisjen e autopsisë, por shtoi se janë duke pritur raportet mjekoligjore maqedonase, për të parë dhe krahasuar ndërhyrjet, që kanë bërë gjatë autopsisë së parë.
“Stafi i mjekëve të Departamentit të Mjekësisë Ligjore, sapo mori vendimin që, me të ardhur raportet e autopsisë nga Instituti i Mjekësisë Ligjore në Shkup, ne jemi të gatshëm në çdo minutë të hyjmë dhe t’i kryejmë brenda ditës, autopsitë e të gjithëve në departamentin tonë”, tha më tej Arsim Gërxhaliu.
Mësohet se Ambasada e Kosovës në Maqedoni është duke punuar me autoritetet në Shkup, që të merren sa më parë raportet e Institutit të Mjekësisë Ligjore atje, e t’u dorëzohen mjekëve në Departamentin e Mjekësisë Ligjore në Prishtinë.
Trupat e pajetë të nëntë të vrarëve në Kumanovë u kthyen në Kosovë mëngjesin e së premtes, ku u pritën me flamuj kombëtare nga të afërm dhe shumë qytetarë, në pikën kufitare në Hanit të Elezit. /Top Channel/
von Zemraadmin | Mai 23, 2015 | Kosova
Lutfi Haziri, kryetar i LDK-së në Gjilan dhe kryetar aktual i Komunës së Gjilanit, njëri nga figurat më karizmatike të LDK-së, ka vendosur t’i jap fund dilemave dhe ka vendosur se do të futet në garën për kryetar të LDK-së. “Kysmet po, do shpall kandidaturën për kryetar të LDK-së, të partisë së Rugovës”, ka thënë Luta për xlpress.tv.
Haziri i vlerësuar nga LDK si përfaqësues i shkollës së politike të Ibrahim Rugovës, ka bërë të ditur se kandidatura e tij, është rregulltat i presionit të vazhdueshëm i anëtarësisë së gjerë të Anamoravës dhe rugovistëve të përbetuar anembanë Kosovës që të nisë garën për kryetar të LDK-së.
Vetëm pak ditë pasi ai kishte kërkuar që kryetari i LDK-së duhet të zgjedhet me “marrëveshje politike”, Luta, i futet garës për kryetar të LDK-së duke e bërë kështu garën për timonin e LDK-së, garë me epilog të pa parashikuar. /xlpress.tv/
