Para pak çastesh ka ndodhur një përleshje brenda Kuvendit. Glauk Konjufca është larguar me forcë nga ulësja e Kadri Veseli. Së bashku me të është larguar edhe Shqipe Pantina. /Zeri.info
Mit dem Laden des Videos akzeptieren Sie die Datenschutzerklärung von YouTube. Mehr erfahren
Ekonomia kosovare ka kohë që është në gjendje të vështirë dhe kryesisht kjo ka ardhur si pasojë e vakumit institucional të vitit 2014.
Kështu tha kryetari i Odës gjermano-kosovare në debat me temë „Implementimi i Pakos së re Fiskale, efektet një muaj pas“.
Ndërsa, ministria e Tregtisë dhe Industrisë, Hykmete Bajrami ka kërkuar nga bizneset bashkëpunim në luftimin e evazionit fiskal dhe korrupsionit. Ajo po ashtu tha se politikat e reja fiskale kanë ndikuar në rritjen e të hyrave të Doganave dhe Administratës Tatimore të Kosovës.
Bajrami po ashtu tha që qeveria nuk hap vende të reja të punës por krijon kushte për bizneset që këta të fundit të hapin vende të reja të punës. / RTKLive.com
Ish-kryetari i Lëvizjes Vetëvendosje, Albin Kurti, në një intervistë për Televizionin Shqiptar, ka folur për humbjet e mëdha territoriale, që sipas tij, do t’i pësojë Kosova me Asociacionin e Komunave
Kurti ka deklaruar se Asociacioni është i ngjashëm me Republikën Serbe në Bosnjë dhe se Kosova vazhdimisht që nga paslufta është copëtuar.
“Produkti ynë çlirimtar po gjymtohet tërë kohën. Serbia ndoshta do ta njohë pavarësinë e Kosovës, por pasi që Kosova ta njohë Serbinë brenda Kosovës”, ka deklaruar Kurti.
“Politikanët tanë janë servilë ndaj ndërkombëtarëve, por edhe ndaj Serbisë. Ata kanë ambicie të mëdha individuale, por shumë të vogla në aspektin kombëtar”, tha ish-lideri i VV-së.
Kurti ka deklaruar se ka ardhur koha kur shqiptarët e Kosovës e Shqipërisë, duhet të fillojnë ta shohin vetën si pjesë të një kombi.
“Kosova dhe Shqipëria duhet të fillojnë ta parafytyrojnë vetën si pjesë të një kombi. Besoj edhe në Kosovë edhe në Shqipëri, populli është shumë më tepër për bashkim shqiptar, sesa janë elitat politike. Prandaj udhëheqësit tanë duhet ta ndjekin popullin në këtë rast, s’kanë nevojë t’i prinë atij, ka deklaruar Kurit.
Ai tha se shqiptarët më nuk kanë nevojë për aleat të ri, por për krijim aleancash me aleatët ekzistues.
“Ne nuk kemi nevojë për aleatë të ri, SHBA, Gjermania dhe Turqia, këta janë aleatë. Në Ballkan mund të kemi aleat, Bullgarinë, Kroacinë dhe Bosnjën”.
“Por ne kemi nevojë për aleancat të reja, ushtarake, ekonomike. Cili është kuptimi që jemi aleat me SHBA-të dhe nuk kemi mundur të negociojmë për të pasur ushtri”, tha ai. / RTKLive.com
Përveç institucioneve të arsimit të lartë shtetëror, Agjencia e Kosovës për Akreditim, sivjet ka akredituar edhe 23 kolegje private, 1 akademi dhe 2 shkolla të larta profesionale.
Të gjitha këto institucione janë akredituar pasi ekspertë ndërkombëtarë kanë vizituar institucionet përkatëse dhe më pas kanë hartuar një raport të vlerësimit, i cili është përcjellë për votim për vendim në Këshillin Shtetëror të Cilësisë.
Këtë e ka konfirmuar për KosovaPress përmes emailit Furtuna Mehmeti nga Agjencia e Akreditimit, e cila thotë se i gjithë procesi i akreditimit bazohet në Ligjin mbi Arsimin e Lartë.
Ndërkaq, institucionet e arsimit te lartë të cilat kanë aplikuar për riakreditim është dashur të dëshmojnë se plotësojnë standardet e AKA-se në mënyrë që të marrin vendim pozitiv nga Këshilli Shtetëror i Cilësisë.
Bashkangjitur janë edhe lista e institucioneve me programet e tyre te akredituara, si dhe Raportet e eksperteve ndërkombëtarë te akreditimit, dhe vendimet e KSHC-se për institucionet private te arsimit te lartë, të cilat janë të publikuara në ueb faqen zyrtare të AKA-së.
Sipas Mehmetit, të gjitha kolegjet që kanë qenë të akredituara kanë dëshmuar se i plotësojnë kriteret për riakreditim, përveç Kolegjit “Vizioni për Arsim” në Ferizaj, i cili edhe nuk është riakredituar në këtë vit.
“Në mbledhjen e datës 7 korrik 2015, Këshilli Shtetëror i Cilësisë ka marrë vendim negativ për riakreditimin institucional të Kolegjit “Vizioni për Arsim” në Ferizaj. Kolegji VPA ka qenë më herët i akredituar për një periudhe trevjeçare 2012 – 2015, ndërsa në procesin e riakreditimit, përkatësis ht në vitin 2015, ka dështuar të dëshmojë se plotëson standardet e AKA-se, dhe rrjedhimisht vendimi për riakreditim për këtë institucion është negativ. Raporti i vlerësimit nga ekspertet ndërkombëtarë për Kolegjin VPA është i publikuar në ueb faqen zyrtare te AKA-se në të dy gjuhët (www.akreditimi-ks.org)”, ka thënë Mehmeti.
Kurse, për profesorët është përcaktuar se ata nuk mund të kenë kontratë apo angazhim më shumë se në tri institucione, pasi që, sipas Mehmetit, këtë e përcakton Udhëzimi Administrativ për Akreditimin e Institucioneve të Arsimit të Lartë në Kosovës.
“UA për Akreditimin e IAL-ve në Kosove, neni 11, pika 3.4, përcakton që një mësimdhënës nuk duhet te këtë kontrate apo angazhim me shume se ne tri institucione. Kjo nënkupton që një ligjërues në të njëjtën kohë mund të k etë një angazhim me kohë të plotë në një institucion (Full Time) dhe dy të tjera me angazhim (Part Time). AKA bënë vlerësimin e institucioneve të arsimit të lartë në bazë të deklaratave të angazhimit të dorëzuara nga stafi akademik në sektorin privat. AKA gjatë vlerësimit merr parasysh vetëm stafin e deklaruar akademik ne AKA”, ka shkruar Mehmeti.
Sa i përket degëve të këtyre kolegjeve nëpër qytete tjera, sipas Mehmetit deri më tani në Kosovë janë vetëm 5 institucione të arsimit të lartë të cilat kanë të akredituara degët e tyre edhe në qytete tjera.
“Të gjitha institucionet e arsimit të lartë të cilat dëshirojnë që të ofrojnë programe të studimit edhe në qytete të tjera përpos kampusit kryesor, duhet të aplikojnë për akreditim. AKA organizon proces të akreditimit, përfshirë vizitën me ekspertë ndërkombëtarë, edhe ne degët e Institucioneve të Arsimit të La rtë. Pa vendimin e Këshillit Shtetërorë të Cilësisë, asnjë nga degët e IAL-ve nuk është ligjore. Deri më tani ne Kosovë janë 5 institucione të arsimit të lartë të cilat kanë të akredituara degët nga AKA dhe ato janë: Kolegji AAB, dega ne Ferizaj dhe Gjakove; Kolegji Biznesi, dega ne Gjakove; Kolegji FAMA, dega ne Prizren, Gjilan dhe Mitrovice; Kolegji UBT, dega ne Ferizaj; Kolegji Universum, dega ne Gjakove dhe Ferizaj”, ka thënë ajo.
Ndërkaq, sa i përket kufizimit të numrit të studentëve nëpër kolegje, Mehmeti ka njoftuar se AKA nuk merret me një gjë të tillë, vetëm në rastin e programeve të Mjekësisë ku ata kanë bërë kufizimin e studentëve në një numër të caktuar, për shkak të kufizimeve në laboratorë.
Sipas saj, listat e studenteve, apo listat me numrin e studenteve të pranuar në institucionet e arsimit të lartë, parashihen me Udhëzimin Administrativ për Librin Amë, dhe dorëzohen në MASHT. RTKLive.com
Lideri i Aleancës për Ardhmërinë e Kosovës, Ramush Haradinaj, vazhdon të këmbëngulë se dy marrëveshjet e fundit të Qeverisë, njëra me Serbinë dhe tjetra me Malin e Zi, janë të dëmshme dhe duhet të parandalohen.
Në intervistën dhënë “Zërit”, Haradinaj tha se opozita e bashkuar njëherë po vazhdon kundërshtimin nëpërmjet peticionit, ndërsa më pas do të shkohet me protesta të fuqishme. Ai edhe një herë e konsideron kriminal komisionin qeveritar për Demarkacionin me Malin e Zi, kurse kërkon nga institucionet e drejtësisë të merren me pasurinë milionëshe të Murat Mehës.
“Kish qenë mençuri prej kryetarit të Qeverisë që të pezullojë këtë kryetar të komisionit, ose t’i ngrijë aktivitetet e tij derisa gjyqësori, prokuroria nuk e jep versionin e vet se a është ky njeri i inkriminuar në vepra kriminale”, tha Haradinaj për Mehën, duke kërkuar gjithashtu të shfuqizohen vendimet e tij.
Ish-kryeministri i Kosovës i dha mbështetje edhe Asociacionit të Komunave me shumicë shqiptare në Serbi, duke dëshmuar se ky asociacion nuk është i njëjtë me Asociacionin e Komunave Serbe. Sipas tij, Asociacioni në Luginë nuk interferon në Kushtetutën e shtetit serb, kurse Asociacioni i komunave serbe ka kompetenca ekzekutive sa një republikë.
“Asociacioni i komunave në Luginë nuk është i karakterit të njëjtë me Asociacionin në Kosovë. Është krejt i zakonshëm dhe nuk ish dashur me qenë problem as për Serbinë, por për askënd, për shkak se ai nuk po bie në konflikt në asnjë variant me Kushtetutën e Serbisë”, tha Haradinaj. /Zëri/
Besnik Berisha, këshilltar i kryeministrit Isa Mustafa, thotë se kryeministri nesër do të dalë para deputetëve me argumentet e ditura tashmë për Asociacionin e Komunave Serbë në Kosovë.
Ai ka thënë se kryeministri është për atë që debati të zhvillohet në Kuvend e jo në rrugë. “Kryeministri do të informojë Kuvendin. Do t’u drejtohet deputetëve për t’i sqaruar të gjitha shqetësimet. Apeli i kryeministrit ka qenë qe debati të zhvillohet në Kuvend, jo në rrugë”, ka thënë Berisha në një intervistë për RTK’në. I pyetur se me cilat argumente do të dalë kryeministri Mustafa para deputetëve, Berisha ka thënë se janë argumente që kryeministri në vazhdimësi i ka bërë të ditura si për qytetarët ashtu edhe për skenën politike në vendin tonë. “Argumentet e Kryeministrit janë në linjë me atë që opinioni deri tani i ka kuptuar dhe i ka dërguar. Kryeministri ka sqaruar të gjithë se është bërë e pamundura për të respektuar Kushtetutën e Kosovës, që çdo kompetencë është në përputhje me Kushtetutën e Kosovës sikur që besohet fuqishëm se do t’i prijë integrimit të serbëve të Kosovës”, ka thënë ai. “Opinioni duhet ta dijë se nuk është kryeministri Mustafa i vetmi që negocion për këto marrëveshje. Është fakt që kryeministri ka vënë firmën, por ligji ka qenë që ka pasur 90 vota të cilat kanë qenë edhe prej deputetëve të opozitës. Detyrimi që kishte trashëguar Kuvendi tani po e ekzekuton qeveria dhe nuk ka asgjë tjetër”, tha veç tjerash Berisha në këtë intervistë. / RTKlive.com
