von Zemraadmin | Juli 1, 2015 | Kosova
Të ndodhur përballë presionit ndërkombëtar, ekzekutivi dhe legjislativi i vendit pritet t’i kthehen sërish përpjekjeve për themelimin e Gjykatës Speciale.
Të premten e kaluar, Kuvendi dështoi t’i miratojë ndryshimet kushtetuese që i hapin rrugë themelimit të kësaj gjykate. Por analistët politikë rekomandojnë që mos të përsëritet e njëjta që ndodhi në atë seancë, ngase sipas tyre, kjo Kosovës do t’i kushtojë shumë në arenën ndërkombëtare.
Themelimi i Gjykatës Speciale është detyra më e madhe me të cilën është ballafaquar Qeveria e Kosovës që prej shpalljes së pavarësisë së Kosovës, vlerësojnë analistët politikë, sipas të cilëve, themelimi i kësaj gjykate mbetet kushti kryesor për vazhdimin e raporteve të mira të Kosovës me partnerët ndërkombëtarë. Analisti Artan Muhaxhiri thotë se nëse nuk kalohet ky test, do të ketë pasoja shumë të mëdha për të ardhmen ndërkombëtare të Kosovës. Ai thotë se nuk bën të përsëritet ajo që ndodhi në seancën e javës së kaluar.
“Ajo që ndodhi të premten ishte një neglizhencë e liderëve kosovarë dhe ishte një episod i pakëndshëm në raportet mes Kosovës dhe partnerëve tanë ndërkombëtarë, gjë që nuk guxon të përsëritet në të ardhmen. Pra shteti i Kosovës nuk e ka luksin që ta përsërit atë gabim të së premtes, i cili do t’i kushtojë shumë në arenën ndërkombëtare”, tha Muhaxhiri për Radio Kosovën.
Ndërsa analisti Imer Mushkolaj thotë se institucionet nuk kanë rrugëdalje tjetër dhe se duhet ta themelojnë Gjykatën Speciale, pasi që është obligim ndërkombëtar, të cilin madje edhe një pjesë e opozitës e ka përligjur kur ka votuar letërkëmbimin e presidentes Jahjaga me ish shefen e diplomacisë evropiane.
“Sa më herët që ne çlirohemi nga barra e së kaluarës aq më mirë për ne, për shkak se do të mund të shkojmë tutje dhe absolutisht për ne, sidomos në këtë kohë shumë të ndijshme, edhe për shkak të proceseve nëpër të cilat po kalon vendi, është e panevojshme që të bëhet kjo lojë politike ose partiake për interesat e kujtdoqoftë”, tha Mushkolaj për Radio Kosovën.
Mushkolaj thotë se Kosova ka humbur shumë gjatë viteve të pasluftës duke mos marrë iniciative për themelimin e një gjykate që do të merrej me krimet e luftës, ndërsa propozimin e opozitës pas dështimit të votimit në Kuvend, e quan të vonuar dhe qesharak.
“Propozimet shumë të vonshme të opozitës për mua janë qesharare, për faktin se edhe opozita priti se çfarë po ndodhë në Kuvend, në mënyrë që të dalë me propozime konkrete”, tha Mushkolaj.
Ndryshe, pas dështimit të ndryshimeve kushtetuese në seancën e javës së kaluar, është rritur presioni ndërkombëtar për themelimin e Gjykatës Speciale. Me këtë presion është përballur kryeministri Isa Mustafa gjatë vizitës në Berlin ku u prit nga kancelarja gjermane Angela Merkel. E në të njëjtën kohë mesazhin amerikan për themelimin e kësaj gjykate, tek presidentja e Kosovës dhe institucionet tjera, e përcolli përfaqësuesi i Kongresit amerikan, Eliot Engel, i cili po qëndron për vizitë në Kosovë. / RTKLive
von Zemraadmin | Juni 29, 2015 | Kosova
Pas videos së publikuar nga organizata terroriste ISIS, përmes të cilës disa xhihadistë shqiptarë dhe boshnjakë kërcënojnë me sulme terroriste Ballkanin, nëpër rrjetet social filloi tallja me ta, por institucionet e sigurisë, duket ta kenë marrë seriozisht situatën.
Burime të lajmi.net brenda Policisë së Kosovës kanë bërë të ditur se institucionet e sigurisë në vend, duke përfshirë edhe ato të inteligjencës, kanë siguruar informacione në bazë të të cilave konstatohet se xhihadistët shqiptarë me bazë në Siri dhe Irak, në koordinim me bashkëpunëtorët e tyre në Kosovë, Maqedoni, Shqipëri dhe vende të tjera të rajonit, janë duke përgatitur sulme terroriste.
Karshi kësaj situate, Policia e Kosovës, sipas këtyre burimeve, e ka ngritur shkallën e mobilizimit në pikën më të lartë, duke aktivizuar policinë civile, e cila ka për obligim identifikimin eventual të elementëve të rrezikshëm, duke mos rënë në sy.
Përveç mobilizimit nëpër gjithë qytetet e vendit, Policia e Kosovës, ka marrë urdhër për kujdes të veçantë përreth dhe në objektet shtetërore, siç janë Kuvendi, Presidenca, Qeveria dhe ministritë.
Ajo sipas të njëjtit burim, është urdhëruar që të kontrolloj secilin automjet që futet në hapësirat e këtyre institucioneve
Ndërsa, objektiv i terroristëve dyshohet të jenë edhe ngjarjet që mbledhin numër të madh të njerëzve.
Një ngjarje e tillë, tashmë tradicionale në Kosovë, është festimi i Ditës së Pavarësisë së Shteteve të Bashkuara të Amerikës, me një koncert të madh në sheshin qendror të Prishtinës.
Burime të lajmi.net, brenda policisë së Kosovës, kanë thënë se ky koncert i paraparë për datën 4 korrik, datë e cila shënon Ditën e Pavarësisë së SHBA-ve, ka shumë gjasë që të anulohet.
Institucionet e sigurisë po frikohen se ai koncert mund të jetë shumë joshës për xhihadistët, në radhë të parë se mbledh shumë njerëz, dhe tjetra, ndoshta edhe më e rëndësishme, pasi shënon ngjarjen më të madhe shtetërore amerikane.
Mobilizimi Policisë së Kosovës, mund të vërehet edhe nga masat që kanë ndërmarrë pjestarët e rendit gjatë patrullimit nëpër qytet. Për dallim nga ditët e kaluara, tani kadetët e rinj dhe shoqëruesit e tyre, janë pajisur edhe me jelekë anti-plumb.
Vlen të theksohet se mobilizim i njejtë sikurse në Kosovë, është ndërmarrë edhe në Serbi.
Mediat atje sot kanë raportuar se institucionet e sigurisë kanë dhënë alarmin se elementë xhihadistë tanimë ndodhen në territorin e Serbisë, me qëllim sulmet terroriste.
Edhe atje, si pika ku terroristët mund t’i pretendojnë për sulme nga ana e tyre, janë identifikuar objektet e institucioneve, por edhe koncertet, siç Exit i Novi Sadit, koncert me famë në gjithë Evropën dhe më gjerë. (lajmi.net)
von Zemraadmin | Juni 29, 2015 | Kosova
Kryetari i Kuvendit Kadri Veseli nuk ka arritur që t’i bindë shefat e grupeve parlamentare për të mbajtur një seancë tjetër në Kuvend për Gjykatën Speciale.
Kryetari i Kuvendit të Kosovës Kadri Veseli, nuk ka arritur ndonjë konsensus politik sa i përket krijimit të Gjykatës Speciale. Ai, sot mblodhi shefat e grupeve parlamentare me qëllim përafrimi të qëndrimeve rreth riprocedimit të amendamenteve Kushtetuese mirëpo, nuk pati sukses.
Pajtueshmëri mes pozitës dhe opozitës nuk po gjendet as për dhomat e specializuara. Këtë e pranoi sot edhe kreu i Kuvendit Kadri Veseli, i cili thekson se në të ardhmen duhet të gjendet një rrugë për krijimin e kësaj gjykate.
Kreu i Kuvendit Kadri Veseli, shoti tutje se moskrijimi i kësaj Gjykate mund të vejë në pikëpyetje bashkëpunimi me partnerët ndërkombëtarë.
Opozita po vazhdon të refuzoj riprocedimin e amendamenteve Kushtetuese duke e parë si zgjidhje që Gjykata të krijohet brenda territorit të Kosovës.
Një zgjedhje të tillë e shohin edhe zyrtarë të Aleancës për Ardhmërinë e Kosovës. Donika Kadaj – Bujupi nga kjo parti thotë se krijimi i një gjykate brenda territorit të Kosovës do t’i trajtonte edhe pretendimet e supozuara të Dick Marty-t.
Por, kryetari i Kuvendit Kadri Veseli nuk është i sigurt nëse opsioni i opozitës mund të merret në konsideratë.
Ai, njoftoi se Kuvendi i Kosovës do të mbajë seancë të enjten, por nuk do të jenë ne rend dite amendamentet ligjore për Specialen, por do të jetë vazhdimësi e seancës së te enjtes së kaluar
von Zemraadmin | Juni 29, 2015 | Kosova
Qeveria e Kosovës ka paralajmëruar riprocedimin për në Kuvend të amendamentit 24, që dërgon në ndryshimet e nevojshme kushtetuese për themelimin e Gjykatës Speciale.
Kurse opozita është përgjigjur se një gjë e tillë nuk është e mundur pa ndryshuar formati i kësaj gjykate.
Njohësit e rrethanave politike në vend i kanë ftuar të dyja palët të gjejnë një kompromis për këtë çështje, në mënyrë që Kosova ta përmbushë obligimin ndërkombëtar për themelimin e kësaj gjykate, shkruan Epoka e Re.
Analistët thonë se janë befasuar me mosvotimin e ndryshimeve kushtetuese të premten në Kuvendin e Kosovës, duke shtuar se mosvotimi i kësaj gjykate mund ta izolojë Kosovën.
Analisti politik Behxhet Shala ka deklaruar për Epokën e re se themelimi i Gjykatës Speciale është përgjegjësi e pozitës dhe opozitës, duke shtuar se drejtësisë askush nuk mund t’i ikë.
“Mendoj se është dashur të jetë një konsensus paraprak, para votimit, midis pozitës dhe opozitës, e jo tash, pasi ka dështuar, pozita t’i dërgojë ftesë opozitës, duke deklaruar se kjo çështje është e përgjithshme dhe duhet të merren vesh”. /epoka e re/
von Zemraadmin | Juni 28, 2015 | Kosova
Pensionisti Emin Avdyli kishte vizituar njërin nga tregjet e Prishtinës, por nga aty është kthyer tejet nevrik. Kjo pasi që, sipas tij, tregtarët, kanë rritur çmimet edhe në kohën e muajit të shenjtë të Ramazanit.
Ai, thotë të ketë dëgjuar për uljen e TVSH-së në disa produkte, por nuk pret se kjo do të ketë ndonjë ndikim për ulje çmimesh.
I po të njëjtit mendim është edhe, Fehmi Vllasaliu.
Në një analizë të bërë nga instituti GAP, del se ulja e TVSH-së në 8% për disa produkte esenciale nuk do të ndikojë në uljen e shpenzimeve të qytetarëve, pasi që në rritjen e TVSH-së nga 16 në 18% janë futur një numër produktesh, po ashtu esenciale, raporton KTV.
Sie sehen gerade einen Platzhalterinhalt von Standard. Um auf den eigentlichen Inhalt zuzugreifen, klicken Sie auf den Button unten. Bitte beachten Sie, dass dabei Daten an Drittanbieter weitergegeben werden.
Weitere Informationen
Qytetarët s’presin ulje çmimesh von GazetaExpressTV
Me këto ndryshime, sipas tij, do të përfitojë vetëm buxheti, me të cilin do të mundësohet kompensimi i rritjes së pagave në sektorin publik, që e ka ngarkuar në masë të madhe buxhetin, ndërkaq do të pësojnë të gjithë ata që nuk janë të punësuar në sektorin publik.
Zyrtarë të Ministrisë së Financave, kanë thënë vetëm se shpresojnë që do të ketë ulje të çmimit të produkteve, që do t’u ulet TVSH-ja, mirëpo nuk mund të detyrojnë tregtarët të bëjnë një gjë të tillë, për shkak se Kushtetuta e përcakton vendin me ekonomi të lirë. / GazetaExpress.com
von Zemraadmin | Juni 28, 2015 | Kosova
Ish- kryetari i Lëvizjes Vetëvendosje, Albin Kurti tash deputet i Kuvendit të Kosovës, ka ripërsëritur se mos votimi i Gjykatës Speciale nuk do të sjellë dëme për Kosovën.
Ai në një shkrim autorial, ka thënë se të vetmit që mund të humbin nga mos votimi i Specialës janë udhëheqësit e shtetit.
Shkrimi i plotë i Kurtit:
Kuisja e izolimit
Më 14 nëntor 2013, ambasadori amerikan në Shqipëri kishte deklaruar që “SHBA-të do të ndjeheshin të zhgënjyera në rast se kryeministri Edi Rama do të përgjigjej negativisht për këtë kërkesë”. Më 15 nëntor 2013, Edi Rama, pas një serie protestash gjithandej Shqipërisë, refuzon që shkatërrimi i armëve kimike të bëhet në Shqipëri. Megjithë zërat e ngjashëm me ata të sotshëm në Kosovë, mbi rreziqet që do ta prisnin Shqipërinë nga ky refuzim, raportet e saj me Shtetet e Bashkuara mbeten shumë të mira, sot e asaj dite. Shqipëria nuk ka pasur asnjë konsekuencë negative. As Kosova nuk do të ketë pasoja për Gjykatën që nuk ia bëri vetes. E gjithë kuisja vendëse për ndëshkimet e mundshme ndërkombëtare, në thelb, është (rrymë) e induktuar: kjo kuisje është veçse kujisje ndërkombëtare se mos Kuvendi i Kosovës po mësohet me këso padëgjueshmërie (psh. duke ia vazhduar atë edhe ‘Zajednicës’).
Nuk e di se si do të mund të izolohej Kosova më shumë se kaq. Sipas ueb faqes së Ministrisë së Punëve të Jashtme të Kosovës, shtetet në të cilat qytetarët e Republikës së Kosovës mund të udhëtojnë pa viza janë: Shqipëria, Turqia, Maqedonia, Mali i Zi dhe Ishujt Maldive. Mund të udhëtojnë edhe për në Serbi me kusht që nuk e marrin me vete pasaportën ose e fshehin atë duke e treguar vetëm letërnjoftimin. Kosovës pa Gjykatë Speciale nuk do t’i ndërrohet kjo gjendje për të keq. Kosovës nuk do t’i vendosin viza Shqipëria, Turqia, Maqedonia, Mali i Zi dhe Ishujt Maldive kurse Serbia nuk do të na e pamundësojë kalimin e kufirit me letërnjoftim. Pushimeve verore në Shqipëri, Ulqin, Ohër dhe në Ishujt Maldive sërish ua jep vizën vetëm trashësia e kuletës. Paradoksalisht, kuisja do ta ndërtojë një lajm të mirë për qytetarët e Kosovës: urime, nuk do të bëhet më keq, përkatësisht, nuk do të bëhemi më të izoluar se kaq.
Të vetmit që do të mund të kenë pasoja nga burokratët ndërkombëtarë për shkak të këtij vendimi të Kuvendit do të mund të jenë krerët e institucioneve të Kosovës të cilët i zhgënjyen ndërkombëtarët duke mos ua mbajtur premtimin atyre. Mustafa, Thaçi e Veseli sigurisht që u kanë premtuar shumë politikanëve e diplomatëve ndërkombëtarë se miratimi i ndryshimit kushtetues në Kuvendin e Kosovës është punë e kryer dhe, kësisoj, shtegu për Gjykatën Speciale është tashmë i hapur. Nuk ndodhi ashtu dhe të tre këta do të mund të qortohen ashpër në takimet në vijim që do t’i kenë me ndërkombëtarët e ndoshta edhe të izolohen ca prej tyre. Mirëpo, nga kjo nuk humbet gjë shteti e populli i Kosovës por vetë këta uzurpues të shtetit që sundojnë duke u thirrur në marrëdhënien e shkëlqyeshme që paskan me faktorët ndërkombëtarë. Mustafa, Thaçi e Veseli i kanë zhgënjyer për shumë e shumë vite qytetarët e Kosovës. Kjo do të duhej të na brengoste neve dhe jo fakti që më në fund ata i zhgënjyen një herë të vetme edhe ndërkombëtarët. Pra, përveçse nga ndërkombëtarët kuisja është (rrymë) e induktuar edhe prej vetë krerëve të koalicionit PDK-LDK-Srpska.
Tash që nuk ia bëmë Gjykatën vetes, në këto çaste të kuisjes lart që jehon poshtë dhe të panikut special që transmetohet medialisht, ftoj për qetësi dhe gjakftohtësi, për arsye dhe durim. Le të mbizotërojnë paqja dhe logjika. / RTKLive.com
