von Zemraadmin | März 30, 2015 | Kosova
Protestuesit veteranë kanë hyrë me forcë brenda rrethojave të objektit të Qeverisë së Kosovës.
—-
Ka nisur protesta e veteranëve të luftës përballë ndërtesës së Qeverisë së Kosovës.
Protesta është tensionuar nga fillimi për shkak se veteranët kanë provuar afrimin e rrethojave të ndërtesës së Qeverisë. Ata janë penguar nga policia, e cila kishte rrethuar objektin.
Veteranët po bëjnë thirrje qeverisë për publikimin e listave të plota dhe permisimin e tyre, dhe po ashtu po kërkojnë nga institucionet të mos përkrahin themelimin e gjykatës speciale.
von Zemraadmin | März 30, 2015 | Kosova
I plotësuar: Rasti ka ndodhur në katin e tretë të "Albi Mall", ku roja e qendrës tregtare e ka parë grabitësin duke tentuar të vjedhë një kasafortë me të holla, dhe me ç’rast në tentim për ta penguar grabitësin, ky i fundit e ka qëlluar për vdekje, kanë bërë të ditur burime të Indeksonline.
Viktima mësohet të jetë 44- vjeçar.
Zëdhënësi i Policisë së Kosovës, Daut Hoxha e ka konfirmuar rastin duke bërë të ditur se ai ka ndodhur rreth orës 1:30 pas mesnatës, kur edhe është pranuar informata se në atë lokacion është duke u bërë një vjedhje në proces, dhe se një person ka marrë plagë në gjoks.
Ndërsa nga mjeku i emergjencës është konfirmuar vdekja, dhe njësitë relevante, sipas zëdhënësit Hoxha, kanë ndërmarrë veprimet fillestare.
“Policia me të arritur në vendin e ngjarjes ka intervistuar disa persona dëshmitar. Hetimet me rastin janë duke vazhduar”, ka thënë ai.
______________________________
Sot në orët e para të mëngjesit tre persona kanë hyrë në qendrën tregtare ‘Albi Mall’ dhe kanë vrarë një person që ka punuar si roje sigurimi.
Sipas burimeve të KosovaPrres, që të tre personat kanë qenë të maskuar dhe janë takuar në katin e tretë të kësaj ndërtese.
Ende nuk ka të dyshuar për këtë vrasje.
/Reporteri.net/
von Zemraadmin | März 1, 2015 | Kosova
Një video amatore tregon momentet e ndërhyrjes së policisë në ambjentet e grevës së urisë për të nxjerrë studentët e Fakultetit të Shkencave Teknike që qendronin prej dy ditësh të ngujuar.
Pamjet e filmuara nga një celular tregojnë se studentët janë gjendur të papërgatitur.
Edhe pse pamjet nuk janë të qarta, dëgjohen zërat e oficerëve të policisë por edhe studentëve.
“Çohu, çohu.. Shpejt shpejt.. vishni vishni”. Ka dhe disa britma vajzash.
Thuhet se ndërhyrja është bërë rreth orës 02:00.
Pas shpërndarjes së grevistëve, punonjësit e policisë kanë larguar xhamat e thyera të hyrjes së fakultetit.
{media id=1418,layout=blog}
von Zemraadmin | Feb. 8, 2015 | Kosova
Kosova, po ballafaqohet me krizën më të madhe ekonomike dhe sociale prej përfundimit të luftës deri më sot. Akumulimi i problemeve për 15 vite me radhë si papunësia e lartë, varfëria e skajshme, mungesa e perspektivës, janë shkaktarët kryesorë që kanë bërë që mijëra qytetarë të Kosovës të largohen nga vendi. Arsye tjetër e largimit të qytetarëve është humbja e besimit tek qeveria e krijuar me 9 dhjetor.
Lidhur me këtë çështje, Lëvizja VETËVENDOSJE! sot organizoi një aksion simbolik pranë Qeverisë së Republikës së Kosovës, ku vendosi një autobus brenda të cilit shiheshin politikanët, të cilët duhet të largohen nga vendi, për t’iu kthyer shpresa qytetarëve të Republikës. “Është interesant të përmendet fakti që derisa qytetarët prisnin ndryshimin përmes krijimit të një qeverie pa PDK-në numri i të larguarve nga Kosova ishte shumë i vogël. Të dhënat zyrtare për azil në Austri thonë se në muajin qershor të vitit 2014 në atë shtet kërkuan azil 40 qytetarë nga Kosova, në muajin korrik 41, ndërsa në dhjetor, menjëherë pas themelimit të qeverisë, ky numër u shtua në 784. Vetëm në Gjermani deri më 31 dhjetor, sipas të dhënave zyrtare gjermane, kanë kërkuar azil 6.908 qytetarë nga Kosova”, tha para mediave deputeti i Lëvizjes VETËVENDOSJE!, Faton Topalli, duke shtuar se mosveprimi i Qeverisë përballë kësaj situate lë të nënkuptohet se pushtetarët përmes ikjes së qytetarëve po tentojnë ta sigurojnë paqen sociale në Kosovë.
“Qeveria po harron se në Kosovë janë të gjithë të varfër. Pra, jo vetëm 121.000 qytetarët që jetojnë me nga 63 cent ne ditë, jo vetëm 90% e rinisë që janë të papunë, jo vetëm 90% e grave të papuna, jo vetëm pensionistët me nga 75 euro, por edhe ata 300.000 të punësuar që nuk arrijnë t’i mbulojnë shpenzimet e veta pa u zhytur në kredi. Këta 300.000 të punësuar, i kanë 450.000 kredi. Pra, mesatarisht secili nga ata e ka nga një kredi e gjysmë”, theksoi Topalli.
Ne si Lëvizje VETËVENDOSJE! i patëm propozuar në Kuvend disa ndryshime në projektbuxhet që ndërlidheshin me ngritjen e mirëqenies së qytetarëve, përfshirë këtu edhe dyfishimin e buxhetit për ndihma sociale, por këto propozime u kundërshtuan ashpër nga partitë në pushtet dhe nuk u miratuan. “Masat emergjente që do duhej t’i merrte Qeveria për këtë çështje, nuk do duhej të ishin kërcënime të ndryshme e aksione policore, as thirrjet për të mos u larguar nga vendi, as shlyerja e borxheve të vjetra që nuk kanë ndikim në zbutjen e varfërisë dhe që as nuk mund t’i inkasojë me ligjet në fuqi, por do duhej të ndaheshin të paktën 30 milionë euro për punësimin e mbi 10 mijë qytetarëve. Meqë këta qeveritarë nuk kanë plan ekonomik, më e mira që do të mund të bënin është t’i hipin autobusit e të dalin jashtë vendit të kërkojën azil. Këta janë të vetmit që i plotësojnë kushtet për azil, sepse kur dalin jashtë vendit mund të thonë se për 15 vite me radhë i kemi bërë keq popullit tonë, e kemi vjedhur, ia kemi shitur pasuritë dhe në fund edhe po e rrahim. Sa më gjatë që të rrijë kjo qeveri, aq më vështirë do të jetë për qytetarët e Kosovës. Andaj, këta duhet të ikin, që populli të mbetet”, tha në fund Topalli.
{gallery}vetevendosje-galeri-autobus{/gallery}
von zemra_de | Feb. 1, 2015 | Kosova
Kryetarja e Gjakovës, Mimoza Kusari, ka thënë se partitë opozitare po synojnë të marrin pushtetin përmes organizimit të protestave.
Ajo ka thënë se përtej kërkesës për shkarkimin e Jabllanovicit dhe Ligjit të Trepçës opozita po synon ndërrimin e pushtetit përmes rrugës.
“Tashmë është e qartë se agjenda është e qartë politike. Përtej Jabllanovicit, përtej Ligjit të Trepçës, kjo agjendë ka të bëjë më tepër me ndërrimin e forcave që dëshirojnë të qeverisin me Kosovën”, ka thënë Kusari.
Zëvendëspresidentja e AKR’së ka thënë se partitë kanë pranuar rezultatin e zgjedhjeve të fundit dhe duhet të gjejnë zgjidhje brenda institucioneve.
“Besoj se është tepër e rëndësishme të kuptojnë se përderisa mbahen zgjedhjet e lira dhe demokratike, përderisa partitë i pranojnë këto zgjedhje dhe nuk i kontestojnë, atëherë, duhet të synojnë që zgjidhjet t’i gjejnë brenda Kuvendit dhe brenda institucioneve të Kosovës”, ka thënë Kusari, për RTV21
von zemra_de | Feb. 1, 2015 | Kosova
Kryeministri Isa Mustafa, duke iu përgjigjur ultimatumeve të partive opozitare për shkarkim të ministrit Aleksandar Jabllanoviq, thotë se zgjidhjet e problemeve nuk arrihen me ultimatume.
Deklaratën e tij të plotë të postuar në rrjetin Facebook, mund ta lexoni të plotë më poshtë.
“Kemi kaluar 15 vite të pasluftës dhe shtatë vite nga shpallja e pavarësisë duke bërë përpjekje që të ushtrojmë pushtetin në tërë territorin e Republikës së Kosovës dhe të integrojmë të gjithë qytetarët në institucionet e vendit, ku veriu i vendit nxori shumë sfida. Është hera e parë në këtë mandat të Kuvendit të Republikës së Kosovës të kemi deputetë nga veriu i vendit dhe anëtarë të Qeverisë së Republikës së Kosovës. Është interes jetik i Kosovës që të krijojmë ura bashkëpunimi me të gjitha komunitetet, për të përmbyllë mosmarrëveshjet, mosbesimin ndaj institucioneve dhe për tu kthyer në zgjidhjen e problemeve që po i brengosin çdo ditë qytetarët tanë.
Jam i vetëdijshëm se kjo nuk është punë e lehtë, ka moskuptime të cilat janë thelluar nga lufta dhe për një periudhë të gjatë të pasluftës, por ne duhet të jemi të vetëdijshëm që moskuptimet duhet ti kapërcejmë, jo përmes ndarjes por, përmes komunikimit.
Është me interes të punojmë së bashku pozitë dhe opozitë dhe me minoritete për ta integruar vendin. Ky është interes që na bashkon, jo që na ndan.
Zgjidhjet nuk mund t’i gjejmë përmes ultimatumeve dhe kushtëzimeve por me përkushtimin tonë që të ballafaqohemi me sfidat më të mëdha të këtij vendi. Një ndër sfidat më të rëndësishme është të krijojmë ura bashkëpunimi me të gjitha komunitetet për të ushtruar sovranitetin në tërë territorin e Republikës së Kosovës, për të bërë Forcat e Armatosura të Kosovës dhe për të përmbushë kriteret e anëtarësimit në Bashkimin Evropian.
Ne së bashku mund ta luftojmë krimin e organizuar dhe korrupsionin, të zhvillojmë ekonominë dhe të hapim vende të punës, për çka nuk dyshoj se nuk kanë interes pozita dhe opozita, nuk kanë interes shumica dhe komunitetet joshumicë. Nuk ka asnjë çështje e cila nuk mund të zgjidhet, por nevojitet mirëkuptim dhe përkushtim pozitiv i të gjithëve. Unë jam I përkushtuar të punoj me të gjithë dhe për të gjithë qytetarët e Kosovës”
