Kryetari i Unionit të Studentëve të Kosovës, Arben Mehmeti në emër të USK-së si organi më i lartë i përfaqësimit të studentëve në Republikën e Kosovës.
Ftojmë Qeverin, Kuvendin e Republikës së Kosovës si dhe komunen e Prishtinës që sa më parë të zgjedhin problemin objektit të jashtëligjshëm në Kampusin e Universitetit të Prishtinës. Objekt ky i ndertuar gjatë kohës së fashizmit të Milloshoviqit.
Dhe te mos lejojnë priftërinjtë serb të provokojnë durimin e studentëve duke tentuar rimëkëmbjen e objektit pa leje te quajtur Kishë. Si dhe tendencat e këtyre priftërinjëve që të mbajnë meshë në objektin që gjendet në Kampusin Universitar.
Hapsira në oborrin e Universitetit i takon vetëm studentëve dhe askuj tjeter.
Nëse nuk merren masa nga ana e institucioneve të Shtetit ne si studentë nga të gjitha universitetet publike dhe private në Republika e Kosovës do të organizohemi në protesta gjithë studentore për të kundërshtuar uzurpimin e hapsires që na takon ne si studentë.
Nuk jemi kundër institucionit të Kishës Ortodokse ,por jemi kundër uzurpimit të hapsirës tonë për të vendosur objekte fetare të cilës do fe.
Po ashtu i bëjmë thirrje Rektorit dhe organeve të Universitetit të Prishtinës që menjëherë të reagojnë dhe të kërkojë nga komuna e Prishtinës që sa më parë të kthejnë pronën e Universitetit e cila është uzurpuar nga Kisha Ortodokse gjatë kohës milloshoviqiane.
Universiteti është vatër e dijes dhe duhet të mbetet e tillë. /RTKLive.com
Protestuesit tanimë kanë filluar të mblidhen në sheshin “Skënderbe”. Ata po mbajnë në duar flamuj dhe pankarta të ndryshme.
Aty po qëndron edhe një numër i madh i mediave, të cilët nuk po lejohen të hynë në objektin e Kuvendit të Kosovës deri në ora 11:00.
Në sheshin “Zahir Pajaziti” fillojnë të vijnë protestuesit e parë
Në sheshin “Zahir Pajaziti” në kryeqytet tashmë kanë filluar të vijnë protestuesit, me pankarta dhe flamuj në duar.
Nga fotografitë e dërguar nga ekipet e KosovaPress-it në terren, shihen pankarta me mbishkrime “Fqinjësi të mirë me kufinjë të mirë”, “Demarkacion Po, koucensione Jo”.
Po ashtu në fotografi shihen protestuesit që po mbajnë flamurin e ish-presidentit të ndjerë, Ibrahim Rugova.
Në serinë e XXIV-të të Dosjes së Shefave, Insajderi sjell katër biseda telefonike të Adem Grabovcit me Bekim Haxhiun, Safete Hadergjonajn, Fadil Fazliun, e Xhevat Bislimin. Pos sharjeve që ia bëjnë me nënë Flora Brovinës, protagonistët fyejnë me epitete raciste deputetët e pakicave. Fadil Fazliu, një anëtar i Lartë i Lëvizjes për Bashkim, intervenon tek Adem Grabovci që profesori Arsim Bajrami, t’ia jep një notë kaluese djalit të tij, në Fakultetin Juridik.
Humanisten të cilën dikur PDK-ja e kishte kandiduar për presidente të Kosovës, Adem Grabovci e quan “idiote”.
Epitetin e të padijshmes, Grabovci ia jep deputetes Flora Brovina për shkak të pjesëmarrjes së saj në një debat televiziv në emisionin, “Jeta në Kosovë”.
Brovina ishte e ftuar për të debatuar për Ligjin për veteranët e luftës së bashku me Xhavit Jasharin, Xhevdet Qeriqin dhe një zyrtar të Ministrisë së Punës dhe Mirëqenies Sociale.
Për këtë debat, Grabovcin e informonte kolegu i tij i partisë, deputeti, Bekim Haxhiu.
Në serinë e XXIV-të të Dosjes së Shefave, Insajderi sjell katër biseda telefonike të Adem Grabovcit me Bekim Haxhiun, Safete Hadergjonajn, Fadil Fazliun, e Xhevat Bislimin.
Pos sharjeve që ia bëjnë me nënë Flora Brovinës, protagonistët fyejnë me epitete raciste deputetët e pakicave. Romët, ashkalitë e egjiptasit, deputetja e PDK-së, Safete Hadergjonaj i quan “gabel” e “magjupë”, ndërsa serbët i quan “shkije”.
Ndërkohë, Fadil Fazliu, një anëtar i Lartë i Lëvizjes për Bashkim, i cili ka një pozitë të lartë në KEK, intervenon tek Adem Grabovci që profesori Arsim Bajrami, t’ia jep djali të tij një notë kaluese në Fakultetin Juridik në mënyrë që ta zë kushtin për ndjekjen e ligjëratave të vitit pasues.
Mit dem Laden des Videos akzeptieren Sie die Datenschutzerklärung von YouTube. Mehr erfahren
Në bisedën e parë, Grabovci flet me kolegun e tij partiak, deputetin Haxhiu.
“Ish kanë Jeta n’Kosovë, ajo farë Flora Brovina, s’guxojke me ju përgjigj atynev. Shkoi u kuq, u sarrakuq aty”, i tregon Bekim Haxhiu, i njohur si “Kamishi”, Grabovcit.
“Ku, ku… ja kom qi nanën, ku ka shku ajo idiote”, nervozohet Grabovci. Kamishi i thotë se Brovina nuk guxonte t’u përgjigjej, përfaqësuesve të veteranëve, Xhevdet Qeriqit e Xhavit Jasharit.
“Jo more, ja çkërdhefsha nanën. Ajo u shku e ka bo bërbllog atje n’komision, tash u munojke me mbrojt aty gabimet e veta. Aty u tut prej Xhavitit a s’guxoi me fol prej Xhavitit, as Qeriqit”, shton Kamishi.
Grabovci, e pyet kolegun se çfarë thoshin Qeriqi e Jashari.
“S’ke ba kurfarë ligji, katastrofë, qisi farë sene. Jo e kom ligjin e dobët veç e përmisojna. Qisi farë senesh. Pa lidhje. Bile ma mirë ai djali, ai Rraci ai i.. ministrisë. Bile ai ma nom, ma nivel ke ai”, vlerëson debatin, Bekim Haxhiu për t’i quajtur demagogë përfaqësuesit e shoqatave të luftës.
Grabovci, thotë se po të kishte qenë ai në debat, do ta kishte mundur Xhavit Jashari. Shton se ai është dashur të marrë pjesë në këtë debat.
Ndërkaq në bisedën tjetër, Grabovci flet me Safete Hadergjonajn, deputete e PDK-së.
“E ke pa? Na jemi njerëz që përfaqësojmë krejt Kosovën… Me hashkali, e me…”, i thotë Grabovci, Hadergjonajt.
Ajo nis tregimin për takimin e fundit në Komisionit Parlamentar për Financa.
“Kuku, shuj, mos m’i kujto! N’takim t’fundit, ti je kon për financa… Unë, Naiti, Lumnia edhe ni mjekrosh. Kërkush tjetër me neve”, thotë Hadergjonaj.
“E Naiti, paradite ke i mrekullushëm aty, kur foli për drejtësi. I thash je kryesues i grupit a? Thash çka po dike ti m’u bo politikan. Thash po na kishe neve, pse me marrë mashën me djeg dorën ti. Masdite boni hajgare edhe tash i thash qyre, ken krejt, gabel, e magjup, e shkije. Thash kur Ademi e kishte knaqësinë e përfaqësimit, thash ishte ai kur na iki kjo kënaqësi e të përfaqësuarit. Thash na ikën, gabel, e magjup, e turq, e boshnjak, s’ken mo. Thash ta la ty…, e qa kemi bo tu kesh”, tregon duke qeshur deputetja, Hadergjonaj.
Ndërkohë, Fadil Fazjiu i njohur me nofkën “Zjermi”, kishte një hall tjetër. I duhej ndihma e Grabovcit për të ndikuar tek Arsim Bajrami që djalit të tij student, t’ia falë një notë kaluese.
Mit dem Laden des Beitrags akzeptieren Sie die Datenschutzerklärung von Facebook. Mehr erfahren
“Me t’u lutë për…, e, me Arsim Bajramin qysh i ki raportet, qysh i ki raportet me Arsim Bajramin”, e pyet Fajziu, Grabovcin.
“Mirë”, i thotë shefi.
“Djali, e ka ni provim aty, e s’ka mujt me… me tha tash e ka kushtin, me kanë që e jep…”, sqaron Fazliu.
“Hjade, hajde…, nesër, n’daq të pimë kaj kafe…”, e fton Grabovci duke mos dashur të flasin më shumë në telefon për këtë çështje.
Grabovci, shihej se kishte raporte të mira me kolegun e dikurshëm partiak, Xhevat Bislimin. Bislimi, në kohën e përgjimeve ishte deputet i PDK-së. Ai ishte larguar nga kjo parti për t’ju bashkuar Nismës për Kosovën, të udhëhequr nga Fatmir Limaj.
Por, pak javë më parë braktisi edhe këtë subjekt dhe iu bashkua Lëvizjes Vetëvendosje.
Biseda mes tyre nis në gjuhën serbe.
Grabovci i thotë Bislimit që në seancën e radhës të marrë pjesë për shkak se do të votohej Ligji për Prizrenin. Bislimi, që tash ka ndryshuar krejtësisht qëndrime lidhur me funksionimin e shtetit dhe ndarjen e pushtetit me pakicën serbe, kishte marrë pjesë në seancë duke votuar pro këtij ligji të kontestueshëm asokohe.
Biseda Grabovci – Haxhiu
Haxhiu: Hë…, bos?
Grabovci: Aj…ku, ku…, kush o tu fol bre?
Haxhiu: Paj…, ish kanë Jeta n’Kosovë, ajo farë Flora Brovina, s’gucojke me, me…, me ju përgjigj atynev, shkoi u kuq, u sarrakuq aty, thash…
Grabovci: Ku, ku… ja kom qi nanën, ku ka shku ajo idiote?
Haxhiu: A vallain qitash Jeta në Kosovë ke, veç sa u kry, emi…, debati.
Grabovci: Jo tybe, në paqa ditë.
Haxhiu: Jo more, ja ç’kërdhefsha nanën, ajo u shku e ka bo bërbllog atje n’komision, tash u munojke me mbrojt aty gabimet e veta. Aty u tut prej Xhavitit a guxoi me fol prej Xhavitit, as Qeriqit.
Grabovci: E çka i thojshin ata?
Haxhiu: S’ke ba kurfarë ligji, katastrofë, qisi farë sene. Jo e kom ligjin e dobët veç e përmisojna. Qisi farë senesh. Pa lidhje. Bile ma mirë ai djali, ai Rraci ai i, i… ministrisë. Bile ai ma nom, ma nivel ke ai.
Grabovci: Ëhë…
Haxhiu: Ai, ai djali i departamentit, ai Rraci, i… Ministrisë Punës dhe Mirëqenies Sociale.
Grabovci: Ëhë.
Haxhiu: Ma nivel ke ai, se kjo.
Grabovci: Po de po.
Haxhiu: Qishtu dostit. Okej thash mos e ke përcjell valla.
Grabovci: Jo tybe, jo tybe, se jom kanë diçka…, jo jom kanë shtrit.
Haxhiu: Se edhe këta farë demagoga. Ky far Xhaviti o katastrof.
Grabovci: Jo unë me Xhavitin, kisha, kisha…, u duft me shku na. Unë ta kisha ditë…
Haxhiu: Jo more… edhe ai farë Qeriqi kon e përfaqëson.
Grabovci: Unë, unë atynev ju thom…
Haxhiu: Po kon, po kon e përfaqëson…
Grabovci: Ju kisha thanë çka paraqitni ju…
Haxhiu: Kon e përfaqëson ai Qeriqi? S’përfaqëson kurgjo, ma shumë kom ushtarë unë mas veti se ai.
Grabovci: Po çfarë ushtarë mas veti ai, ai kon e ka, as s’e ka pas kurrë, as se ka. U bo shoqi hajt mos u nervozo.
Haxhiu: Hajde shoqi, jo, jo.
Grabovci: Hajde.
Haxhiu: Hajde, tung.
Biseda Grabovci – Hadergjonaj
Grabovci: Alo.
Hadegjonaj: Alo.
Grabovci: Ku je?
Hadergjonaj: Qe, n’shpi.
Grabovci: A…, s’ke dal n’kit an a?
Hadergjonaj: Jo qitash jom ka nisna.
Grabovci: Jo unë thash, me shku, me shku në…?
Hadergjonaj: Ku?
Grabovci: Në, festën shqiptare.
Hadergjonaj: Uhhh…, a sonte u kon a?
Grabovci: Sonte u kon, e ke harru domethon krejt
Hadergjonaj: Uhhh… qyqe, e prej sa ora, se kom harru…
Grabovci: Qyqja e përtej qyqes, po thotë Lata.
Hadergjonaj: Hahaha…, ej kuku…
Lata: Oj… kryetare…?
Hadergjonaj: Oj…, kryetare mu ka, mu ka lodh kryt a, qysh je?
Hadergjonaj: Hahahah…
Grabovci: Hahahahaha…, duhet, duhet me dal, n’pension ju deputet.
Hadergjonaj: Hahaha…
Grabovci: Jeni lodh.
Hadergjonaj: Jo, pom doket se po, na veç me shku me (nuk kuptohet) hahahaha…
Grabovci: Hahahaha…
Hadergjonaj: Shkurten, na qit ku s’duhet, e tash na bohet për spital.
Grabovci: Shuj, shuj, se mirë jena bo, ec mos mos, t’bohet dert.
Hadergjonaj: Jo, jo mirë shumë, mirë shumë.
Grabovci: Ai…
Hadergjonaj: Ani, a kokit ka shkoni ju a?
Grabovci: E ke pa, na jemi, jemi njerëz që përfaqësojmë krejt Kosovën.
Hadergjonaj: Po, po.
Grabovci: Me hashkali, e me…, hahahahah…
Hadergjonaj: Kuku, shuj, mos mi kujto, n’takim t’fundit, ti je kon për financa, unë…
Grabovci: Ti, ti…, a i ke tregu Latës?
Hadergjonaj: Unëë…, jo se kom pa Latën hala, unë Naiti, Lumnia edhe ni mjekrosh, kërkush tjetër me neve.
Grabovci: Seriozisht.
Hadergjonaj: Jo, vallahin. Tha ai… kur ti unë, qyre kur t’vi, ki me na qit ka ni kafe, ko mi thirr Laten, e ka me ja kallu historitë e tua, a more vesh.
Grabovci: Hahahah…
Hadergjonaj: (nuk kuptohet)
Grabovci: (nuk kuptohet)
Hadergjonaj: I thash Naitit, i thash Naitit.
Grabovci: (Nuk kuptohet), m’shele gojën.
Hadergjonaj: E Naiti, paradite ke i mrekullushëm aty, kur foli për drejtësi, i thash je kryesues i grupit, a thash çka po dike ti mu bo, thash politikan, thash po na kishe neve, pse me marr mashën me djeg dorën ti, masdite boni hajgare edhe tashi thash qyre, ken krejt, gabel, e megjup, e shikje, thash kur Ademi e kishte knaqësinë e përfaqësimit. Thash ishte ai kur na iki kjo knaqësi e të përfaqësuarit, thash na ikën, gabel, e magjup, e turq, e boshnjak, s’ken mo. Thash ta la ty…, e qa kemi bo tu kesh, hahahah…, e qishtu.
Grabovci: U bo.
Hadergjonaj: Ani, hajde shihum.
Grabovci: T’fala, t’fala Lata po t’bon edhe familjes…
Hadergjonaj: Kalofshit mirë, t’fala edhe ju.
Grabovci: Hajt, tung tung.
Biseda Grabovci – Fazliu
Grabovci: Alo.
Fadil Fazliu: O shoq, përshëndetje.
Grabovci: Tungatjeta.
Fadil Fazliu: Fadili, n’telefon, zjermi, si je?
Grabovci: Kush?
Fadil Fazliu: Zjermi, Fadil Fazliu.
Grabovci: Ooo, zjermi, t’flakt.
Fadil Fazliu: (nuk dëgjohet)
Grabovci: Vallahin qe.
Fadil Fazliu: A je lodh?
Grabovci: Flak, jem ka lshojm, n’tona antë.
Fadil Fazliu: Jo ishalla, mos jeni (nuk kuptohet)
Grabovci: Hahahaha…, ça i ki puntë, ti a je mirë?
Fadil Fazliu: Mirë faleminderit, shnosh.
Grabovci: A je lodh, a si kalon a?
Fadil Fazliu: Mirë, me shnetë?
Grabovci: Mirë, mirë.
Fadil Fazliu: Familjen vetë, t’kom thirrë…
Grabovci: Krejt, mirë.
Fadil Fazliu: T’kom thirr, sdi sa herë, t’kom thirr, dje e sot, kom harru valla, tash e morra ni numër 49-sh, temin, se i kom dy numra, thash t’thirri, a je gjallë a jo a, ku osht ai njeri.
Grabovci: Jo mirë, mirë mirë, po vallahi…, pe sheh, jem t’ngarkum, pe, pe, sheh edhe vetë, me qito telashe, ma shumë na ka dal, n’qatana, ka ka veriu telashe.
Fadil Fazliu: Po, more e rregullojmë atë punë.
Grabovci: Po me kysmet.
Fadil Fazliu: Hahahaha…
Grabovci: Pa hi n’rrugë edhe ajo osht e rregullume.
Fadil Fazliu: Po more, e…, me tu lutë për…, e, me Arsim Bajramin qysh i ki raportet, qysh i ki raportet me Arsim Bajramin.
Grabovci: Mirë.
Fadil Fazliu: Djali, e ka ni provim aty, e s’ka mujt, me tha, tash e ka kushtin, me kon që e jep…
Grabovci: Hjade, hajdeee…, nesër, n’daq te pimë kaj kafe…
Fadil Fazliu: Ka, sa ora?
Grabovci: Mas orës 10-të.
Fadil Fazliu: Mas 10-të…
Grabovci: 10 dej, 11 mas larti.
Fadil Fazliu: Unë, vi…, dhetë e dhetë, aty jom.
Grabovci: Okej, okej, dost.
Fadil Fazliu: Edhe kem diçka tjetër, për çka bisedojmë aty bashkë.
Grabovci: Hajt hajt, okej okej.
Fadil Fazliu: Hajt, faleminerës, hajt.
Biseda Grabovci – Bislimi
Grabovci: Po.
Xhevat Bislimi: Mirëmbrëma, shkelqësi.
Grabovci: Koje u telefon tamo molim… Prestvali.
Xhevat Bislimi: Ova je neki neki Xhevat Bislimi
Grabovci: Ii ime prezime …
Xhevat Bislimi: Od Vitina, poznajesh Vitina….
Grabovci: (nuk kuptohet) Nallashiq.
Xhevat Bislimi: Republiko (nuk kuptohet)…
Grabovci: Hehehehe…
Xhevat Bislimi: Hahahaha…
Grabovci: Ku je more, ku je more?
Xhevat Bislimi: Jo ku je ti se?
Grabovci: Jo vallahin unë, ti adresën ma din… kur t’dush.
Xhevat Bislimi: Po s’ish kanë reni me t’bo shef more ty, (nuk dëgjohet) kjo parti.
Grabovci: Hej, kqyre se me kon, me kon, mi thon dikujt tjetër, thotë qy çfarë demagogi a din po tybe në paqa pas për qef.
Xhevat Bislimi: Po de po.
Grabovci: Se, sot sot, sot me gjithë qef, dal edhe shëtiti.
Xhevat Bislimi: E ku je?
Grabovci: N’zyre hala.
Xhevat Bislimi: Hala, n’zyre a?
Grabovci: Po, ku je ti?
Xhevat Bislimi: Unë ika (nuk kuptohet). Nesër a je n’Prishtinë?
Grabovci: Po jom, n’Prishtinë, po nesër e kem buxhetin.
Xhevat Bislimi: Buxhetin, uh.., dreqi jau hanktë buxhetin.
Grabovci: Hajde, hajde, hajde në ndërkohë, n’zyrë, hajde n’zyre teme edhe dal prej, buxhe…
Xhevat Bislimi: N’sa, n’sa e keni?
Grabovci: Po, n’10 dikun, hajde ti llogarite, kah (nuk kuptohet) ora dy.
Xhevat Bislimi: A e keni, pikë t’parë.. pikë t’parë, a dytë?
Grabovci: Pikën e parë, e kem edhe pikën e dytë, s’guxojmë me lëviz hiq, se e kem edhe Ligjin e Prizrenit.
Xhevat Bislimi: A jo, jo…
Grabovci: Dyjat…
Xhevat Bislimi: Ani, ani dikur ma vonë, masdite pra.
Grabovci: Hajde kah, ora, ora 2, 2 e gjysë, qatëherë, unë n’zyre, nalt, kur t’vish, i shtin kto çikat em thirrin, e vi tani nalt.
Xhevat Bislimi: Hajt se vi n’zyre, n’2, n’3, hajt.
Kryeministri i Kosovës, Isa Mustafa ka reaguar ndaj kritikëve të marrëveshjes kufitare me Malin e Zi duke përsëritur se kufijtë e njohur nga arena ndërkombëtare janë kufijtë e përcaktuar nga Komisioni Shtetëror dhe ka bërë thirrje të mos helmohet opinioni politik me deklarata sipas orekseve politike.
“Ne mund ta helmojmë opinionin me lloj lloj “argumente”, mund edhe të kërcënojmë se kurrë nuk do të ratifikohet marrëveshja, por duhet të jemi realist se kufij tjerë të këtij shteti nuk do të ketë. Janë këta kufij që i njohin Shtetet e Bashkuara të Amerikës dhe komuniteti ndërkombëtar.” thekson Kryeministri Mustafa në një postim në Facebook.
Ja postimi i plotë i tij:
Kufiri me Malin e Zi është ai në të cilin ka ndërhyrë Aleanca Veriatlantike në krye me SHBA-të, i definuar në Marrëveshjen e Kumanovës, i “vizatuar” me Planin e Ahtisarit, i respektuar me Planin Hapësinor të Republikës së Kosovës dhe me Planin Zhvillimor të Komunës së Pejës.Komisioni Shtetëror për shënjimin e vijës kufitare nuk ka përcaktuar kufij të rinj, ka respektuar kufijtë në të cilët kemi shpallur pavarësinë.
Prandaj , garat me harta dhe me dokumentacion kadastral, ndërmjet Komisionit Shtetëror dhe disa ekspertëve që kanë marrë bajrakun për të treguar se cilët duhet të jenë kufijtë e Kosovës e humbin rëndësinë. Kufijtë për Kosovën janë caktuar kur është çliruar Kosova dhe kur është shpallur pavarësia. Nuk caktohen sot, as në mbledhjen e 1 Shtatorit. Ne mund ta helmojmë opinionin me llojlloj “argumente”, mund edhe të kërcënojmë se kurrë nuk do të ratifikohet marrëveshja, por duhet të jemi realist se kufij tjerë të këtij shteti nuk do të ketë.
Janë këta kufij që i njohin Shtetet e Bashkuara të Amerikës dhe komuniteti ndërkombëtar. Në deklaratat tona munda ta zgjerojmë Kosovën sipas orekseve dhe kuteve politike, por realiteti është se kufijtë ndërkombëtar nuk janë vullnet i vetëm një pale. Janë vullnet i dy palëve, i cili në rastin tonë është nënshkruar në nivel qeveritar, dhe vullnet i atyre që na kanë ndihmuar të çlirohemi, ta shpallim pavarësinë dhe po na përkrahin në shtetndërtim. Ne duhet të ndihemi të nderuar dhe të respektuar që me çështjet tona merret edhe zëvendëspresidenti i Shteteve të Bashkuara të Amerikës.
SHBA nuk i kanë borxh Kosovës, ne u kemi borxh Shteteve të Bashkuara të Amerikës dhe komunitetit ndërkombëtar për gjithë atë që e bënë për lirinë dhe pavarësinë e Kosovës përfshirë edhe viktimat njerëzore të tyre. Asnjëri nga deputetët dhe ne qeveritarët nuk është aq i ri sa mos të kujtojë kohën e luftës dhe apelin që të na ndihmojë bashkësia ndërkombëtare. /RTKLive.com
Qytetarët e fshatit Llukë e Epërme dhe përfaqësuesit e fshatrave tjera të vijës kufitare me Malin e Zi, sot ia kanë mësyrë për të vizituar pronat dhe bjeshkët te Kulla e Zhlepit, por ata janë ndaluar nga forcat të shumta policore të Malit të Zi.
“Ne qytetaret e fshatit Llukë e Epërme dhe përfaqësuesit e fshatrave tjera të vijës kufitare me Malin e Zi, qe i kemi pronat dhe bjeshkët tona te Kulla e Zhlepit, sot përderisa ishim duke shkuar për te vizituar bjeshkën dhe varrezat e të parëve tanë, u ndaluam në mënyrë arbitrare nga forcat të shumta policore të Malit të Zi”, thuhet në një komunikatë nga përfaqësues të Këshilli i Fshatit Llukë e Epërme!
Sipas tyre, kjo ndalesë ishte e padrejtë, pasiqë ishte 5 km në thellësi të territorit të Kosovës, ani pse marrëveshja ende nuk është ratifikuar.
“Ne në shenjë proteste bllokum rrugën kryesore për orë të tëra, shprehem pa kënaqësinë tonë për gabimin e madhe të Komisionit Qeveritar, të Presidentit Thaçi, të Kryeministrit Mustafa, dhe në mënyrë kolektive i bëjmë thirrje deputetëve të Parlamentit të Republikës së Kosovës te të gjitha subjekteve politike që të mos e ratifikojnë marrëveshjen dhe ta bashkojnë votën kundër demarkacionit. Në të kundërtën kjo është tradhti e madhe Kombëtare, tradhti ndaj qytetarëve dhe shtetit të Republikës së Kosovës, dhe historia do të ju ndëshkoj rënd, duke u bërë njollë e zezë në historinë e këtij vendi. Ne kurrë nuk do të pajtohemi me marrëveshjen si të tillë, dhe nuk do të ketë stabilitet e pajtueshmëri qytetare, dhe nuk do të qëndrojmë indiferentë, e veprimet tona do të radikalizohen. Të nderuar deputet mos e votoni këtë marrëveshje”, përfundon komunikata e tyre./BS//Botasot.info
(E plotësuar) – Media njofton se sapo është lëshuar gaz lotsjellës në takimin e Komisionit për Punë të Jashtme ku po diskutohej për kalimin e Projektligjit për demarkacionin me Malin e Zi.
Gazi është lëshuar nga deputetët e opozitës në momentin kur po pritej të votohej kalimi I këtij projektligji nga ky Komision për në seancën e Kuvendit.
Të gjithë e kanë lëshuar sallën në pamundësi të qëndrimit aty.
Mobilizohet opozita tek Komisioni për Punë të Jashtme, kundërshton demarkacionin
Shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, nga Komisioni i Punëve të Jashtme, ka kthyer në tryezë edhe anëtarët nga opozita.
Ky projektligj sot ka marrë vëmendjen edhe të deputetëve tjerë që nuk janë anëtarë të këtij Komisioni. Të pranishëm aty ishin edhe Albulena Haxhiu, Donika Kadaj Bujupi, Driton Çaushi, Ismail Kurteshi, Pal Lekaj dhe Shapi Muja.
Debat i nxehtë po bëhet nga ana e anëtarëve të Komisionit. Madje nuk kanë munguar as fyerjet për njëri tjetrin.
Puhie Demaku e Vetëvendosjes, anëtare e këtij Komisioni, tha se Qeveria edhe përkundër kundërshtimit të demarkacionit ka insistuar ta sjell këtë projektligj në Komision. Ky projektligj duhet të hidhet poshtë. Nëse ne e kalojmë këtë projektligj atëherë ne Komisioni bëhemi bashkëpjesëmarrës në këtë krim. Tryeza e 3 gushtit nëse ne jemi serioz si shtet nuk guxojmë të mbajmë tryeza me ekspert që tregojnë se demarkacioni është i gabuar, nuk guxojmë ne si anëtarë të këtij Komisioni të kalojmë një tryezë pa i marrë parasysh rekomandimet. Ky projektligj duhet t’i kthehet qeverisë dhe mos të lejoni që të jemi bashkëpjesëmarrës në krim.”, tha Demaku.
Edhe Zafir Berisha nga Nisma, anëtarë i këtij Komisioni, tha se deputetët e Kuvendit nuk duhet të ndihen komod kur në pikëpyetje është territori i Kosovës, sidomos pasi është dëshmuar se Komisioni Meha ka bërë gabime. “Tryeza e 3 gushtit ka qenë përmbledhje e argumenteve dhe mendoj se rekomandimet e tryezës Komisioni duhet t’i ketë në konsideratë, me qëllimin që të mos ngutemi me bë gabime dhe me qit Parlamentin në pozite të keqe. Kjo marrëveshje nuk duhet të procedohet për seancë plenare. Komisioni qeveritar edhe parlamentin e ka vë ne lajthitje. Nuk është mire me i keqpërdor vendimet historike dhe politike. Vijëzimi me Malin e Zi s’ka të bëjë asgjë me deklaratën e pavarësisë dhe pakon e Ahtisaarit. Ky Komision ka një rol të rëndësishëm në këtë moment për mbrojtjen e tërësisë territoriale. Me arrogancën e votave ju do ta votoni, por kjo nuk do t’i shërbej askujt dhe as ne si deputet. Kjo marrëveshje nuk duh et të kaloj kësisoj”, ka thënë Berisha.
Nga ana tjetër, Ismet Beqiri i LDK-së tha se debati i sotëm është dashur të mbahet që më herët, dhe keq që kjo ndodhi pas një viti. “Ka qenë me rëndësi me e pa bazën ligjore. Është çështje e ndjeshme dhe unë do ta përkrahë që ky projektligj të shkojë në seancë të Kuvendit”, ka thënë Beqiri.
Ndërsa Pal Lekaj i AAK-së, tha se ky ligj është kontrabanduar.
“Në asnjë vend në rruzullin tokësor nuk e ka marrë kriterin kadastral për shenjëzimin e kufijve. Këta kanë shkuar me kriterin më të dobët të mundshëm. Që në start Komisioni ka gabuar dhe mendoj që çdo procedim i tij në parlament është në kundërshtim me të gjitha ligjet e Kosovës. Deputetët duhet t’i thonë jo kësaj marrëveshje që lë një trashëgimi të keqe për qytetarët…Deputetët duhet t’i thonë jo dhe të fillojnë negociatat me Malin e Z”, ka thënë Lekaj.
Deputetja e Vetëvendosje, Albulena Haxhiu, tha se në këtë mbledhje është dashur të jenë edhe përfaqësuesit e Qeverisë, kryeministri apo ministri i Jashtëm. “Qeveria me nguti e procedoj këtë marrëveshje. Është shqetësuese arroganca e Qeverisë dhe heshtja e deputetëve të këtij Komisioni. Më shqetëson fakti se si këta deputet janë shndërruar në makina votimi. Shqetësuese që një çështje kaq e rëndësishme kalon me kaq lehtësi. Si mundet të forcohet shtetësia duke i fal territor Malit të Zi. Nuk e kuptova arsyetimin se pse po e përkrahni këtë marrëveshje. A i keni pare hartat e Murat Mehës, atë cka ka nënshkruar Hashim Thaçi. Ajo çka ka nënshkruar Thaçi i bie që Kosova nuk është republikë por bashkësi e ngastrave kadastrale. Janë një sërë argumentesh që ky projektligj nuk duhet të përkrahet. Qeveria po e provokon situatën dhe do ta tensionon nëse vepron me arrogancë. Ne si VV nuk do të ndalemi, vetëm po i u paralajmëroi”, tha Haxhiu.
Ndërsa Ismet Beqiri tha se për shkak të deputetëve të VV-së ata e kanë pas të pamundur që të diskutojnë në Kuvend për këtë çështje.
“Ju jeni shumë të mençur krejt senet i dini, ju s’mund të mi impononi mendimet. Me deputet të tillë që fyejnë dhe janë provokator nuk du me bë debat me këta. Ju keni nivelin e tillë dhe mbajeni këtë. Nuk du me bë presion te askush me njoh Republikën e Kosovës dhe simbolet e saj. Është e pamundur me thënë mendimin në një ambient të tillë. Janë të tillë këta dhe zoti u ndihmoftë”, Ka thënë Beqiri.
Ndërkohë deputetja Haxhiu i ka thënë në fund Beqirit se “të njohim ne Ismet, të njeh krejt Kosova”.
Përderisa debati po vazhdon, edhe kryetari i Komisionit, Elmi Reçica, pati një vërejtje për deputeten Donika Kadaj Bujupi, duke i thënë që të mësohet të dëgjojë dhe mos ta teprojë.
Demarkacioni mbledhë deputetët e opozitës
Projektligji për demarkacionin ka bërë që në Komisionin për Punë të jashtme, të jenë të pranishëm dhe deputetë të opozitës, të cilët nuk janë anëtarë të këtij komisioni.
Për të debatuar për këtë projektligj, në komision të pranishëm janë dhe deputetët e Lëvizjes Vetëvendosje, si Donika Kadaj, Albulena Haxhiu, Driton Qaushi dhe Ismail kurteshi, përveç Puhie Demakut dhe Zafir Berisha, të cilët janë anëtarë të këtij komisioni.
Në këtë mbledhje të Komisionit për Punë të Jashtme, do të shqyrtohet projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.
Demarkacioni sot nis ‘shëtitjen’ nëpër Komisione
Projektligji për ratifikimin e marrëveshjes për kufirin shtetëror në mes të Republikës së Kosovës dhe Malit të Zi, fillon të shqyrtohet nëpër komisionet e Kuvendit të Kosovës
Ky projektligj sot do të shqyrtohet në Komisionin për Punë të Jashtme. Pas shqyrtimit të këtij projektligji edhe në komisione të tjera, i mbetet kryesisë së Kuvendit që ta caktojë datën e seancës për shqyrtim të këtij projektligji.
Ndërkohë, kufiri sipas kësaj marrëveshje është i pa pranueshëm për banorët e asaj pjese, ekspertët dhe opozitën. Këta të fundit kanë paralajmëruar se do të protestojnë si brenda Kuvendit, ashtu edhe jashtë tij, për ta parandaluar miratimin e këtij projektligji. /Botasot.info
