von Zemraadmin | Aug. 8, 2016 | Kosova
Deputeti i Lëvizjes “Vetëvendosje” në Kosovë, Albin Kurti, analizon për “Shekulli” debatin për ndarjen e kufirit me Malin e Zi, veprimet e qeverisë së Kosovës dhe ndërkombëtarëve.
Mendoni se mosmiratimi i marrëveshjes me Malin e Zi mund të rrezikojë marrëdhëniet ndërkombëtare të Kosovës?
Jo. Kosova i ka të gjitha kapacitetet të rinegociojë për kufirin me Malin e Zi, në mënyrë transparente e profesionale, në përputhje me të drejtën ndërkombëtare. Mjaft të përfshihen ekspertët më të mirë dhe të negociohet nga negociatorë të denjë, e jo nga pazarxhinjtë si Mustafa e Thaçi. Këta të dy e mbrojnë këtë marrëveshje, ashtu siç kanë mbrojtur e nënshkruar edhe shumë marrëveshje të tjera të dëmshme që e sulmojnë Kosovën, pasi “ua kanë zënë bishtin me derë”, domethënë janë të shantazhuar. Përgjimet që po publikohen, por edhe shumë dokumente e dosje që vetë ne i kemi dorëzuar në prokurori dëshmojnë se këta pushtetarë janë të stërkequr në korrupsion, dhe për pasojë janë lehtësisht të shantazhueshëm. Ata janë gati të nënshkruajnë pra çdo gjë, sado e dëmshme për Kosovën, sepse dosjet e tyre i mbajnë peng.
Marrëdhëniet ndërkombëtare të Kosovës më shumë dëmtohen prej qëndrimit në pushtet të këtyre dy pushtetarëve dhe të të tjerëve si ata. Sa i përket demarkacionit, edhe vetë Mali i Zi e pranon se do të mund të rinegociohej pa problem, e ne s’po kërkojmë gjë tjetër. Pra nuk ka asnjë dëm ndërkombëtar nga ndalimi i kësaj marrëveshjeje. Qysh më 15 dhjetor 2015 Qeveria e Malit të Zi pat shprehur gatishmërinë për rishqyrtimin e demarkacionit, por Qeveria e Kosovës nuk ishte e interesuar për këtë gjë në mënyrë që të mos merrej vesh konkretisht përmbajtja e tradhtisë dhe krimit të tyre.
A ka mundësi klasa politike dhe institucionet e Kosovës t’i thonë “Jo” një marrëveshjeje që ka marrë edhe bekimin e SHBA, NATO e BE-së?
Shpesh abuzohet me këto “bekimet”. Në debatin me ekspertët që u bë në Kuvendin e Kosovës, ambasadori amerikan në Kosovë tha se marrëdhëniet e Kosovës me SHBA mbeten të forta, pavarësisht votimit apo jo të kësaj marrëveshjeje. Po ashtu edhe përfaqësuesit e BE kanë thënë se liberalizimi i vizave për Kosovën nuk varet nga kjo marrëveshje dhe me gjasë nuk do të ndodhë edhe nëse marrëveshja miratohet. Në rajonin tonë, e kemi rastin e Kroacisë me Slloveninë, të dyja vende të cilat janë anëtarësuar në NATO, janë anëtarësuar në BE, dhe kanë marrëdhënie shumë të mira me SHBA, megjithatë vazhdojnë të kenë probleme me kufirin, për të cilin nuk kanë rënë dakord as sot e kësaj dite dhe e kanë çuar në arbitrazh ndërkombëtar. Po ashtu kemi rastin e kufirit detar të Shqipërisë me Greqinë. Edhe atëherë, ju e mbani mend mirë, u lidh një marrëveshje e cila ishte në dëm të Shqipërisë. Marrëveshja u prish, sajë aksionit opozitar dhe popullor, por kjo nuk e pengoi Shqipërinë që të jetë pjesë e NATO-s, që të ketë marrëdhënie të mira me SHBA, apo që të vazhdojë rrugën e integrimit për në BE. Pra, kur ka pasur mundësinë t’i thotë jo një marrëveshjeje të tillë Kroacia, Sllovenia apo edhe Shqipëria, pse mendoni se Kosova nuk e paska këtë mundësi? Është shumë naive të mendosh se marrëdhëniet strategjike të Kosovës me NATO, SHBA dhe BE, varen prej një vije kufitare me Malin e Zi. Pushtetarët e korruptuar e të shantazhuar të Kosovës i keqpërdorin faktorët ndërkombëtarë për t’u shfajësuar për servilitetin e tyre ndaj ndërkombëtarëve e për të justifikuar zullumin e tyre ndaj qytetarëve.
Shikoni, SHBA-të i duan edhe qeveria e Kosovës edhe Lëvizja VETËVENDOSJE!. Mirëpo, dallimi midis nesh është që ne i duam SHBA-të e Franklin Delano Roosevelt, Martin Luther King, Jr., e të vëllezërve John e Bobby Kennedy, ndërkaq Qeveria e Kosovës i do SHBA-të e Al Kapones e të Senatorit Joseph Mçarthy. Pra, çështja është se cilën Amerikë e do. /Botasot.info
von Zemraadmin | Aug. 8, 2016 | Kosova
Deputetët e opozitës, Aleanca për Ardhmërinë e Kosovës dhe Nisma për Kosovën, po hyjnë në muajin e gjashtë të mos pjesëmarrjes së tyre në seancat e Kuvendit të Republikës së Kosovës.
Për dallim nga deputetët e partisë opozitare ‘Nisma për Kosovën’, deputeti i AAK-së Daut Haradinaj është rikthyer në krye të Komisionit për Punë të Brendshme dhe Siguri, kjo pasi që Aleanca për Ardhmërinë e Kosovës kishte vendosur të bojkotonte punët e Parlamentit të Kosovës nga muaji mars i këtij viti.
Sipas Rregullores së Kuvendit të Republikës së Kosovës, pas gjashtë muaj mospjesëmarrjeje në punën e Kuvendit, deputeti humb mandatin nëse nuk arrin që ta argumentojë mungesën e tij.
Neni 25, paragrafi E thotë: Nëse në periudhën gjashtëmujore deputeti nuk merr pjesë në asnjë mbledhje të Kuvendit, nëse deputeti nuk ia dëshmon faktet bindëse për çështjen kryetarit të Kuvendit, kryetari e kërkon rekomandimin e Komisionit për Mandat, Imunitet dhe Rregullore. Pas rekomandimit të Komisionit kryetari ia propozon Kuvendit pushimin e funksionit të deputetit. Kuvendi vendos për çështjen në mbledhje të radhës
Edhe në Ligjin e Republikës së Kosovës Nr.03/L-111, ‘Për të Drejtat dhe Përgjegjësit e Deputetit” në nenin 8 sqarohet përfundimi i mandatit në pikën 1.5 ku thotë: Mandati i Deputetit/es përfundon para kohe nëse deputeti/ja për 6 muaj nuk merr pjesë në sesionet plenare të Kuvendit ose në mbledhjet e komisioneve, ku është anëtar/e. Në raste të veçanta, Kuvendi mund të vendosë ndryshe.
Tash mbetet të shihet se si do të veprojnë deputetët tjerë të AAK-së dhe Nisma për Kosovën. /Botasot.info
von Zemraadmin | Aug. 8, 2016 | Kosova
U publikua raporti „Rekomandimet e politikave për kujdesin shëndetësor në Kosovë”. Në raport thuhet se sistemi kosovar i kujdesit shëndetësor ballafaqohet me disa sfida që e frenojnë atë në arritjen e qëllimit përfundimtar të ofrimit të kujdesit cilësor dhe të qasshëm për qytetarët.
Julie Coleman, nga Qendra për Hulumtim, Dokumentim dhe Publikim, gjatë prezantimit tha se si vend në zhvillim, burimet financiare të Kosovës janë të kufizuara dhe shpenzohet më pak në kujdesin shëndetësor sesa në cilin do sektor tjetër.
Ajo tha se sikur në çdo sektor tjetër edhe në shëndetësi ka korrupsion,ku duhet dhënë mito (mitmarrje) për të marrë shërbime më të mira shëndetësorë.
“Fatkeqësisht vetëm 15 përqind e popullatës janë të përfshirë në fondin e sigurimeve, kurse pjesa tjetër janë të obliguar të paguajnë prej xhepit”, tha Coleman. Sipas saj, pacientët janë të obliguar të ndajnë mjetet e tyre për trajtim jashtë vendit. Coleman tha se rreth 80 milion euro janë shpenzimet e pacientëve kosovarë që marrin shërbime mjekësore jashtë vendit.
Besa Kabashi nga Qendra për Hulumtim, Dokumentim dhe Publikim, tha se siguria njerëzore dhe shërbime, apo kujdesi shëndetësorë nuk është i mirë dhe për këtë janë adresuar disa rekomandime, për evitimin e problemeve në sistemin shëndetësor.
Kabashi ka kërkuar nga autoritetet shëndetësore që t’i marrin më seriozisht këto të gjetura për evitimin e problemeve shëndetësore.
Zv. ministri i Shëndetësisë, Izet Sadiku tha se kanë në prioritet sistemin shëndetësor dhe kanë bërë investime për dhënie më të mira shëndetësore. Sipas tij nga viti i ardhshëm do të fillohet me financimin e sigurimeve shëndetësore.
Nga të pranishmit u tha se duhet të rriten investimet dhe të ketë sistem të mirëfilltë në shëndetësi. /Botasot.info
von Zemraadmin | Aug. 8, 2016 | Kosova
Kryetari i Nismës për Kosovën, Fatmir Limaj përmes një postimi në Facebook ka kritikuar dikur ish kryeatrin e tij, tashmë presidentin Hashim Thaçi, i cili tashmë gjendet në Rio, duke i thënë se po mundohet ta promovojë veten tek sukseset e të tjerëve.
„Hashim, kishte me qenë e rrugës që gjatë kthimit tënd me e vizitu medalistin tonë të dikurshëm dhe sportistin tonë të shekullit z. Aziz Salihun i cili është i shtrirë në një spital në Turqi.! Sportistin të cilin ti Hashim sa ishte i shtrirë në qendrën spitalore në Prishtinë nuk e ke vizituar, sepse ti e ke ditur se nga ajo vizitë nuk ke qka përfiton personalisht, përpos ndojnë telashe (siq i quan ti) apo siq thua ti të del ndonjë kërkes për ndihmë, e ti Hashim nuk je i gatuar/ Hashim ti nuk je i bërë me e ndihmu askënd, sepse ti nuk e njeh dhe sepse ti nuk e ke këtë virtyt.!“, shkruan Limaj.
Lexoni postimin e plotë:
Jam duke e shikuar Hashimin…….ky njeri gjithë jetën e tij ka vrapuar që të duket dhe që të shfaqet mu aty, aty diku tek sukseset e të tjerëve, dhe mu aty tek ato sukseset e të tjerve ka tentuar që të promovoj vehtën e tij, dhe vetëm vehtën e tij, dhe kjo tashmë po dihet dhe kjo tashmë po shifet, ai gjihmonë ka dashur të duket dhe të përfitoj nga puna e të tjerëve, asnjëherë nga puna e tij, ai meritat e të tjerve gjithmonë i’a ka m’veshur vehtës së tij.!
Por sonte, me gjithë përpjekjet e tij, bile deri në limitet e tija qesharake, nuk mundi as titullin, e as medaljen të ia marr Majlindës, Majlindës e cila sonte këtë medalje ia solli Kosovës me punën dhe djersën e saj dhe të trainerit të saj z. Driton Kuka.
Hashim, eja në shtëpi ti, Rio 2016 është e Majlindës, e Majlindës e cila po e promovon Kosovën bre Hashim. !!!
Hashim, kishte me qenë e rrugës që gjatë kthimit tënd me e vizitu medalistin tonë të dikurshëm dhe sportistin tonë të shekullit z. Aziz Salihun i cili është i shtrirë në një spital në Turqi.! Sportistin të cilin ti Hashim sa ishte i shtrirë në qendrën spitalore në Prishtinë nuk e ke vizituar, sepse ti e ke ditur se nga ajo vizitë nuk ke qka përfiton personalisht, përpos ndojnë telashe (siq i quan ti) apo siq thua ti të del ndonjë kërkes për ndihmë, e ti Hashim nuk je i gatuar/ Hashim ti nuk je i bërë me e ndihmu askënd, sepse ti nuk e njeh dhe sepse ti nuk e ke këtë virtyt.! / Botasot.info
von Zemraadmin | Aug. 5, 2016 | Kosova
Presidenti Hashim Thaçi, është treguar i kujdesshëm gjatë bisedave me Adem Grabovcin. Ai flet kryesisht me kode që i njohin vetëm ata. Megjithatë, Thaçi flet edhe për emra konkret të caktimit të njerëzve në institucione. Koordinon veprimet për t’i detyruar deputetët për të votuar për ligje. Shprehet i gatshëm të punojë sipas kërkesave të ndërkombëtarëve, teksa deklarohet se “do të luaj k… me amerikanët”. Insajderi sjell gjashtë biseda të presidentit Thaçi me Adem Grabovcin. Gjashtë tjera do të transmetohen në pjesën e dytë të hulumtimit.
Presidenti Hashim Thaçi është përgjuar duke komunikuar me shefin e grupit parlamentar të PDK-së, Adem Grabovcin.
Komunikimi mes tyre është i rregullt dhe i vazhdueshëm. Ata konsultohen për gjithçka, madje edhe për caktime të njerëzve të tyre nëpër pozita të larta shtetërore.
Kur është puna për veprime të tilla, Thaçi, që aso kohe ishte kryeministër i vendit dhe lider i partisë më të madhe në pushtet, flet me kode.
Bashkëbiseduesit koordinohen që dy ligje të rëndësishme që i jepnin fund mbikëqyrjes ndërkombëtare të Kosovës, të kalojnë në Kuvend me çdo kusht. Ligji për Qendrën Historike të Prizrenit dhe ai për Hoqën e Madhe, herën e parë nuk ishin votuar. Thaçi mobilizohet që ligjet të rikthehen në Kuvend dhe duke u bërë presion, të votohen ato.
Presioni dhe kërcënimet e deputetëve konfirmohen nga bisedat tjera të Grabovcit me kolegun Shaip Muja, si dhe me Naser Krasniqin, i njohur si “Ftyra”.
Grabovci bisedon me “Ftyrën” i cili ishte në paraburgim, i akuzuar për Rastin Kleçka. Atij i tregon se e ka kërcënuar ish-kryetarin e Kuvendit Jakup Krasniqi, se nëse “nxjerr problem, me të merret ‘Ftyra’”.
Lexo edhe këtë: Publikohen përgjimet „Dosja e shefave III“, tani flitet me emra, ja si i shajnë njerëzit
“Ftyra” ishte i akuzuar për krime lufte. Ndër veprimet e tij inkriminuese ishin edhe prerja e dy serbëve me kosë.
Gjatë bisedave të presidentit të vendit, Hashim Thaçi me Adem Grabovcin, Jakup Krasniqit i referohen si “sheqer”, “sheqerash” e i “sëmurë prej sheqeri”. Këtë e bëjnë me përbuzje duke ia përmendur vazhdimisht këtë problem shëndetësor.
Insajderi ka pritur për më shumë se një javë përgjigje nga Presidenca duke ju ofruar paraprakisht edhe bisedat për t’i dëgjuar, por zyra e Thaçit nuk ka pranuar të deklarohet.
Në pjesën e parë të përgjimeve të Thaçit me Grabovcin, Insajderi sjell të përmbledhur gjashtë biseda të tyre. /Botasot.info
von Zemraadmin | Aug. 4, 2016 | Kosova
Sipas analistëve politikë, mungesa e dialogut, mes dy kampeve politike, ka bërë që shumë çështje emergjente për Kosovën të mbeten pa u zgjidhur, ashtu siç ka ndodhur në rastin e Demarkacionit, i cili është edhe kusht për liberalizimin e vizave.
Mospajtimet ndërmjet pozitës dhe opozitës sa i përket çështjes së Demarkacionit të kufirit me Malin e zi, kanë thelluar krizën politike të cilën në Kosovë. Të ndodhur në pozicione të palëkundura, pozita e opozita, duket se nuk po gjejnë zgjidhje dhe si rrjedhojë, po lindë nevoja për ndërhyrjen e faktorit ndërkombëtar. Deputeti nga Lidhja Demokratike e Kosovës, Sadri Ferati, ka thënë për gazetën “Bota sot”, se ndërkombëtarët janë partner të preferueshëm për Kosovës, mirëpo, zgjidhjen duhet ta jep Kuvendi i Kosovës. “Unë mendoj se zgjidhja duhet të gjendet sepse është obligim ligjor të cilin e kemi d.m.th si obligim ligjor që këtë cështje ta sjellim në Kuvend dhe të prononcohemi, defakto të shprehim vullnetin në Kuvend për atë cështje. Votohet apo nuk votohet, Kuvendi është ai që duhet ta jap fjalën përfundimtare ndërsa ndërkombëtarët janë partner të preferueshëm dhe pozitiv, por që Kuvendi duhet ta jap fjalën e vet përfundimtare”, ka thënë Ferati për “Bota sot”.
Por, ndryshe mendon analisti Emrush Ujkani, sipas të cilit, ndërhyrja ndërkombëtare po bëhet e domosdoshme në situatën, ku subjektet nuk po pajtohen ndërmjet vete. “Personalisht, mendoj që institucionet tona por edhe subjektet opozitare, është dashur qysh moti të gjejnë zgjidhje për temën shumë të diskutueshme rreth ratifikimit të marrëveshjes për përcaktimin e vijës kufitare me Malin e zi. Duke vepruar në mënyrën se si kanë vepruar deri më tash, pa përjashtim, kanë sjellë shtetin e Kosovës në një situatë shumë të palakmueshme edhe vet Malin e zi, një partner i yni që e ka njohur Kosovën si shtet, por edhe karshi bashkësisë ndërkombëtare në përgjithësi. Të ndodhur në këtë situatë është pothuajse gati e pamundur që ne t`i japim një zgjidhje kësaj cështjeje pa një ndërhyrje të faktorit të tretë”, ka thënë Ujkani.
(Tekstin e plotë mund ta lexoni të Premtën në publikimin e shtypur të gazetës kombëtare “Bota sot”) /Botasot.info
