von Zemraadmin | Juni 23, 2015 | Kosova
Presidentja e Republikës së Kosovës,Atifete Jahjaga,priti sot në takim sekretarin e forcave detare të SHBA-së,Ray Mabus,i cili shoqërohej edhe nga ambasadorja e SHBA-së në Kosovë,Tracey Ann Jacobson.
Presidentja Jahjaga e vlerësoi ndihmën e vazhdueshme të SHBA-së për Kosovën, posaçërisht në ndërtimin e paqes, të stabilitetit dhe përparimit për të gjithë qytetarët e saj. Ajo tha se Kosova sot është e ndërtuar mbi parimin qytetar, një shtet gjithëpërfshirës me të drejta të barabarta për të gjithë qytetarët pa dallim.
Presidentja Jahjaga tha se Kosova po bën përpjekje për të vendosur sundimin e ligjit dhe të rendit në gjithë territorin e saj, duke u ndërtuar si një shtet i së drejtës, me luftimin e korrupsionit dhe të krimit të organizuar dhe me përpjekje të shtuara në rimëkëmbjen e ekonomisë së saj.
Presidentja Jahjaga tha se Kosova ka nisur procese të rëndësishme, përfshirë atë të krijimit të Gjykatës Speciale, për të cilën duhet të vendosë Kuvendi dhe njëkohësisht është e angazhuar edhe në dialogun me Republikën e Serbisë për normalizimin e marrëdhënieve dhe lehtësimin e jetës së qytetarëve nga të dyja anët e kufirit.
Ajo tha se perspektiva evropiane e Kosovës, sikur edhe e gjithë rajonit të Ballkanit, duhet të jetë e qartë dhe e plotë dhe theksoi përkushtimin e institucioneve dhe të shoqërisë së Kosovës në rrugën evropiane.
Presidentja Jahjaga theksoi se as Kosova nuk është kursyer nga sfidat e shumta globale posaçërisht në fushën e sigurisë, dhe nga kërcënimet ekstremiste dhe radikale, por ka bërë hapa të rëndësishëm në parandalimin e tyre.
Ajo tha se prania amerikane në Kosovë dhe në veçanti përmes forcave ushtarake në kuadër të KFOR-it, kanë ndihmuar në stabilitetin dhe vendosjen e paqes jo vetëm në Kosovë por edhe në rajon në përgjithësi. Presidentja Jahjaga tha se vazhdimi i pranisë ushtarake amerikane dhe kampit ushtarak Bondsteel është e një rëndësie të posaçme jo vetëm për Kosovën.
Presidentja Jahjaga e njoftoi sekretarin Mabus edhe për punën e vazhdueshme në ndërtimin e kapaciteteve të sigurisë në vend në partneritet me faktorin ndërkombëtar dhe theksoi se me përmbylljen e procesit të rishqyrtimit të sektorit të sigurisë në Kosovë është rekomanduar transformimi i Forcës së Sigurisë së Kosovës në Forcat e Armatosura të Kosovës, një force mbrojtëse të armatosur lehtë që do të reflektojë përbërjen etnike të Kosovës.
Presidentja Jahjaga tha se Forca e Armatosur e Kosovës duhet të jetë pjesë e Partneritetit për Paqe të NATO-s për të siguruar zhvillimin e mëtejmë të saj dhe për të marrë detyrat në fushën e sigurisë në periudhat e zvogëlimit të pranisë së KFOR-it në Kosovë. / RTKLive
von Zemraadmin | Juni 23, 2015 | Shqiperia
Ka përfunduar procesi i numërimit të votave në 52 bashki. Në 38 prej tyre kanë fituar kandidatët e majtë, ndërsa në 13 fitues janë kandidatët e së djathtës dhe 1 i partisë së minoritetit grek „Mega“.
Pas Korçës dhe Lushnjes koalicioni i majtë ka marrë 3 nga bashkitë e mëdha të vendit. Fitorja e ASHE-së konfirmohet në Elbasan, Fier dhe Gjirokastër, ndërsa është çështje kohe zyrtarizimi i fitores në Vlorë.
Në Elbasan, Qazim Sejdini ka siguruar rreth 15 mijë vota më shumë se rivali i tij, Ardjan Turku. Në Gjirokastër, Zamira Rami, ka një avantazh prej 1800 votash.
Me mbi 10 mijë vota avantazh, Armand Subashi shpallet fitues i Bashkisë së Fierit, ndërsa në Vlorë, Dritan Leli i ASHE-së ka një avantazh prej 18400 mijë votash ndaj rivalit të tij, Genc Deromemajt, kur ka mbetur vetëm kutia e fundit për t’u numëruar.
Në Shkodër, ku janë numëruar 124 nga 245 kuti, Voltana Ademi udhëheq me rreth 6280 mijë vota avantazh ndaj Keti Bazhdarit. Suprizë mund të konsiderohet rezultati i Malësisë së Madhe, ku udhëheq me rreth 320 vota kandidati i së majtës.
Edhe në Lezhë, kandidati i Partisë Demokratike udhëheq me rreth 4100 vota ndaj kandidatit të së majtës, Viktor Tushaj, kur kanë mbetur edhe 2 kuti nga fundi.
Ndërkohë, sa i përket Durrësit, kur kanë mbetur edhe 66 kuti për t’u numëruar nga 310 në total, Dako prin me 7150 vota ndaj Grida Dumas.
Në Berat, kur kanë mbetur edhe 16 kuti për t’u numëruar, kandidati i ASHE-së, Petrit Sinaj kryeson me 1600 ndaj Kasëm Mahmutaj.
Në Kukës, me mbi 3 mijë vota avantazh, Bashkim Shehu u APPD u shpall fitues ndaj Hasan Halilajt të ASHE-së.
Kandidati i Aleancës për Shqipërinë Europiane, Shukri Xhelili ka arritur të fitojë në Bashkinë e Dibrës me një avantazh rreth 290 vota ndaj kundërshtarit të tij.
Bashkitë e fituara nga kandidatët e majtë:
1. Poliçan, Adriatik Zotkaj
2. Skrapar, Nesim Spahiu
3. Pukë, Gjon Gjonaj
4. Fushë-Arrëz, Fran Tuçi
5. Has, Adem Lala
6. Delvinë, Rigles Balili
7. Kolonjë, Arben Malo
8. Libohovë, Luiza Mandi
9. Belsh, Arif Tafani
10. Himarë, Jorgo Goro
11. Cërrik, Altin Toska
12. Konispol, Shuaip Beqiri
13. Pustec, Edmond Themelko
14. Mirditë, Ndrec Dedaj
15. Roskovec, Majlinda Bufi
16. Ura Vajgurore, Juliana Memaj
17. Gramsh, Luljeta Dollani
18. Sarandë, Floriana Koka
19. Rrogozhinë, Beqir Nuredini
20. Korçë, Sotiraq Filo
21. Peqin, Saimir Hasalla
22. Tepelenë, Tërmet Peçi.
23. Kurbin, Artur Bardhi
24. Lushnje, Fatos Tushe
25. Këlcyrë, Klement Ndoni
26. Shijak, Ardian Kokomani
27. Memaliaj, Durim Rroshi
28. Fier, Armando Subashi
29. Gjirokastër, Zamira Rami
30. Elbasan, Qazim Sejdini
31. Librazhd, Kastriot Gurra
32. Patos, Rajmonda Balilaj
33. Divjakë, Fredi Kokoneshi
34. Maliq, Gëzim Topçiu
35. Vlorë, Dritan Leli
36. Bulqizë, Melaim Damzi
37. Kuçovë, Selfo Kapllani
38. Dibër, Shukri Xhelili
Bashkitë e fituara nga kandidatët e djathtë:
1. Klos, Basir Çupa
2. Tropojë, Besnik Dushaj
3. Përmet, Niko Shupuli
4. Mat, Nezir Rizvani
5. Selenicë, Përparim Shametaj
6. Vorë, Fiqiri Ismaili
7. Pogradeci, Eduart Kapri
8. Vau i Dejës, Zef Hila
9. Kukës, Bashkim Shehu
10. Mallakastër, Agron Kapllanaj
11. Dropull, Arqile Deçka
12. Devoll, Bledjon Nallbati
13. Lezhë, Fran Frrokaj
Bashkia e Finiqit fitohet nga Mega, me Leonidha Kristo.
Në bashkitë e mbetura vijon numërimi i votave. / RTKLive.com
von Zemraadmin | Juni 23, 2015 | Kosova
Partitë opozitare në Kuvendin e Kosovës, kanë braktisur në mënyrë demonstrative mbledhjen e Kryesisë, ku po vendosej për punimet që legjislativi do t’i zhvillojë gjatë javës
Në momentin kur është hapur tema e Gjykatës Speciale, opozita e ka braktisur mbledhjen.
Glauk Konjufca, anëtar i Kryesisë së Kuvendit, nga Lëvizja Vetëvendosje, u është drejtuar medieve, ku ka thënë se e kanë lëshuar mbledhjen në mënyrë demonstrative, sepse aty u hap diskutimi për ndryshimin e amendamenteve kushtetuese, të cilat i hapin rrugë themelimit të Gjykatës Speciale, raporton lajmi.net.
Konjufca bëri të ditur se kryetari i Kuvendit, Kadri Veseli, kishte hapur temën e amendamentimit të Kushtetutës, duke i kërkuar kryesisë që kjo të diskutohet më 26 qershor në Kuvend.
Konjufca tha se qëllimi i mazhorancës, është që përmes kësaj gjykate, vendit t’i paksohet edhe më tej sovraniteti.
“Arsyeja e dytë, pse e lëshuam mbledhjen, është se kjo gjykatë do të jetë etnike”, tha Konjufca.
Ndërsa, shefja e Grupit Parlamentar të AAK-së, Donika Kadaj – Bujupi, ka thënë se askush nuk ka të drejtë që me ngritje dore të votoj për heqjen e sovranitetit të shtetit, edhe ashtu të brisht.
“Këtu bëhet fjalë për një sistem paralel. Madje edhe arkivat do të jenë të paprekura sot e 1000 vjet dhe do të vlejën vetëm për Specialen”, ka thënë Kadaj – Bujupi.
Ajo në mënyrë demonstrative edhe e ka grisur projektligjin për gjykatën speciale.Në të njejtën linjë me dy partitë më të mëdha opozitare është edhe Nisma e Fatmir Limajt.
Valdete Bajrami nga kjo parti ka bërë të ditur se opozita nuk do të jetë në seancën e së premtes.
Ajo u ka bërë thirrje edhe deputetëve tjerë që të mos votojnë në këtë seancë. /lajmi.net
von Zemraadmin | Juni 22, 2015 | Kosova
Imami nga Skenderaj, Osman Musliu, përveç që njihet për qëndrimet e tij të prera kundër islamikëve radikal, e edhe lidershipit të Bashkësisë Islame të Kosovës, mbahet mend edhe si hoxha i cili i bëri ceremoninë fetare të vrarëve të Familjes Jashari nga Prekazi, gjatë luftës në Kosovë.
Imami Osman Musliu ka komentuar sot edhe ngjarjet e fundit në fshatin Llapushnik të Drenasit, ku banorët po kundërshtojnë ndërtimin e një kishe dhe varrezave katolike në një pjesë të fshatit.
Osmani thotë se katolikët e këtij fshati kanë të drejtë të kenë kishën dhe varrezat e tyre dhe nëse komuna e Drenasit nuk u ndanë pronën, ai është i gatshëm t’u falë një pjesë të tokës.
“Në varrezat e qytetit të Drenasit do t’ua siguroj vendin. Mu nuk më pengon nëse vendoset një shqiptar i besimit katolik apo ortodoks në varreza të myslimanëve. Ndaq le ta qes kryqin 2 metra se nuk i frigohem kryqit për arsye se e di që në atë vorr është një vëlla i jemi”, tha Mulla Osmani për televizionin Rrokum.
Osmani ka shtuar se prijësit e bashkësive fetare në Kosovë më shumë janë biznesmen se sa prijës fetar në Kosove. / Reporteri.net
Sie sehen gerade einen Platzhalterinhalt von Standard. Um auf den eigentlichen Inhalt zuzugreifen, klicken Sie auf den Button unten. Bitte beachten Sie, dass dabei Daten an Drittanbieter weitergegeben werden.
Weitere Informationen
von Zemraadmin | Juni 22, 2015 | Kosova
Profesori i Universitetit të Prizrenit, B. Zahiti, i arrestuar ditë më parë për keqpërdorim të detyrës zyrtare, dyshohet se dhënien e notave për studente të caktuara e ka kushtëzuar me shkëmbim të shërbimeve seksuale.
Departamenti për Krime të Rënda i Gjykatës Themelore të Prizrenit ka vendosur një muaj paraburgim ndaj të pandehurit B. Zahiti nga Prishtina, profesor në Fakultetin Juridik të Universitetit të Prizrenit.
Ai dyshohet se në bashkëkryerje ka kryer veprën penale keqpërdorimi i pozitës apo autoritetit zyrtar, duke kushtëzuar dhënien e notave me shkëmbim që t’i ofrojnë shërbime seksuale.
“I pandehuri do të mbahet në paraburgim në kohëzgjatje prej një muaji, i cili do të llogaritet prej kohës së ndalimit, data 18.06.2015 në ora 15:30 dhe do të zgjasë deri me datën 18.07.2015”, njofton zëdhënësja e gjykatës, Afërdita Kicaj.
Gjyqtari Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit.
“I pandehuri dyshohet për shkelje të Kodit Penal, sepse duke qenë profesor në Fakultetin Juridik të Universitetit të Prizrenit e duke e shfrytëzuar detyrën apo autoritetin zyrtar, e më qëllim të përfitimit të çfarëdo dobie për vete gjatë fundit të vitit 2014 dhe gjatë vitit 2015 i fton studentet e caktuara e që pas bisedave të gjata në zyre e gjithashtu jashtë zyrave përmes bisedave telefonike ua kushtëzon dhënien e notave me shkëmbim që ato ti ofrojnë shërbime seksuale”, ka thënë Kicaj. (lajmi.net)
von Zemraadmin | Juni 22, 2015 | Kosova
Akademia e Shkencave dhe Arteve të Kosovës ka angazhuar dy zyrtarë për pozitën “Menaxher i Prokurimit”, duke shkaktuar konfuzitet lidhur me kompetencat e zyrtarëve, dhe shpenzime të panevojshme.
Kështu thuhet në raportin e Auditorit të Përgjithshëm për vitin 2014. Sipas Auditorit menaxhmenti nuk i ka zbatuar kontrollet ekzistuese në mënyrë efektive për të siguruar se janë respektuar kërkesat e ligjit dhe rregulloreve aktuale.
“Edhe pas rekrutimit të menaxherit të prokurimit, (që me rastin e rekrutimit nuk kishte liqencë të prokurimit dhe si rrjedhojë as të drejtë të nënshkruajë kontrata), Akademia ka vazhduar të paguajë për detyrat e tij një zyrtar të angazhuar nga jashtë me kontratë mbi vepër. Kompenzimi mujor për të angazhuarin ishte paguar pa nevojë për dy muaj pas çertifikimit të menaxherit të rekrutuar”, thuhet në raport.
Në një rast ishte angazhuar një zyrtar me kontratë mbi vepër në kohë zgjatje prej 12 muajve për kryerjen e punëve rreth ” Dizajnit dhe zhvillimit të softuerit për menaxhimin e librave në ASHAK” duke u kompensuar 330 euro në muaj, dhe nënshkrimi i kontratave mbi vepër për periudha më të gjata se tre muaj është në kundërshtim më rregullativën ligjore. Zyra e Auditorit, ka gjetur gjithashtu pagesa e dy pagave si paga primare përmes sistemit të Payroll–Prioritet i lartë.
“Pagesat për 37 anëtar (25 anëtar të rregullt dhe 12 anëtar korrespondent të ASHAK) procesohen përmes sistemit të payrollit. Këto shpërblime në payroll figurojnë si pagë e rregullt (primare). Ato i nënshtrohen të gjitha normave tatimore dhe ndaljes së kontributeve të obliguara me Ligjin për Fondet Pensionale të Kosovës. Statuti i Akademisë në përputhje me Ligjin e ASHAK përcakton të drejtën e përfitimit të shpërblimit të përhershëm mujor për personelin akademik. Ne kemi konstatuar se 10 anëtar të Akademisë që janë përfitues të këtij shpërblimi, kanë një marrëdhënie të rregullt dhe kompenzohen me pagë primare, edhe në një organizatë tjetër Buxhetore. Kompensimi i dy pagesave me pagë primare nga Buxheti i konsoliduar i Kosovës dëmton buxhetin, duke marrë parasysh se për pagën primare tatimi në pagë ndalet sipas shkallëve tatimore, përderisa për pagën e dytë do të duhej të ndalej tatimi në lartësinë 10%. Po ashtu, kjo e ul efikasitetin dhe besueshmërinë e sistemit të pagave”, thuhet në raport.
Sipas auditorit, tek mallrat dhe shërbimet të cilat ishin 98 %, është nxjerr në pah një nivel i lartë i ekzekutimit të buxhetit në tre mujorin e fund vitit(45% në vitin 2014). Në raportin e Auditorit të Përgjithshëm janë vërejtur disa nga kontratat të nënshkruar me vlerë më të lartë se sa ishte planifikuar.
Rasti ishte identifikuar tek lënda e furnizimit me mobilje, ku janë planifikuar 3,000€, ndërsa janë kontraktuar 18,047€ dhe, tek lënda për mirëmbajtjen e teknologjisë informative ku janë planifikuar 1,000€, dhe janë kontraktuar 1,650€.
Ndërsa, sipas zyrtarëve të ASHAK-ut, është shpjeguar se kjo ka ndodhur për shkak të ndryshimit të planeve, si dhe rrethanave gjatë vitit.
Po ashtu, zyra e Auditorit ka vërejtur edhe pranimin e faturave të furnitorëve të cilat dërgohen për pagesë, të cilat pranohen e regjistrohen në librin e protokollit, e që ato nënshkruhen nga zyrtarë të ndryshëm, madje edhe nga ai çertifikues e që kjo e fundit është hallka e fundit e zinxhirit kontrollues në procesin e pagesave.
Ky nënshkrim bëhet pasi të kryhen të gjitha procedurat dhe kontrollet e parapara.
Përveç kësaj një pjesë e donacioneve kanë mbetur pa u shpenzuar. Pjesa e donacioneve, megjithëse parashihej të shpenzohet në disa vite, një gjë e tillë nuk është reflektuar në planifikimet buxhetore.
Parregullsi tjetër në Akademinë e Shkencave dhe Arteve të Kosovës, zyra e auditori kishte gjetur shpenzimet në blerjen e tri veprave artistike në vlerë 9,000€, në këtë rast shpenzimi ishte bërë nga kodi ekonomik 13460, ndërsa në regjistrin e pasurisë, pikturat ishin regjistruar në kodin 31900 si kapitale tjera. ASHAK kishte bërë kërkesë në Ministrinë e Financave për të marr një sqarim, mirëpo nuk kishte marrë përgjigje adekuate në lidhje me trajtimin e kësaj çështje./Kosovapress/
