von Zemraadmin | Juni 17, 2015 | Shqiperia
Në intervistën që dha për AbcNews ish-kryeministri Sali Berisha ka rrëfyer për herë të parë se pse doli në krah të kreut të LSI-së Ilir Meta në vitin 2011 pas publikimit të videopërgjimit me Dritan Priftin. Berisha tha se këtë e kishte bërë duke besuar në provat që kishte parë. “Nëse Ilir Meta më ka hedhur “hi syve” për 700 mijë euro, do të them se më ka hedhur “hi syve”. Megjithatë, kishte një proces gjyqësor. Në dokumentin që kam parë shkruhej qartë se dëmi i krijuar nga moszbatimi i vendimit të gjykatës ishte 700 mijë euro. A ishte rregulluar kjo më vonë nuk e di, por kishte një gjyq”, – tha Berisha në emisionin “Vendore 2015” të AbcNews.
Duke vijuar të sqarojë ato që ndodhën më pas, ish-kryeministri Berisha Ilir Meta pas dorëheqjes nuk mori asnjë detyrë publike. “E vetmja gjë që kërkoi ishte të bëhet President në vitin 2012, por doli kartoni i kuq, harroje i thashë”, – tha Berisha. / Lapsi.al
von Zemraadmin | Juni 17, 2015 | Kosova
Me aktivitete të shumta, sot në Malishevë, po shënohet 16 Qershori-Dita e Çlirimit dhe Dita e Dëshmorëve të Komunës së Malishevës.
Aktivitetet kanë filluar me pritjen e qytetarëve në zyrën e Kryetarit të Komunës, për urime, pastaj kanë vazhduar me seancën solemne të mbajtur nga Kuvendi i Komunës së Malishevës.
Në këtë seancë, fjalë rasti mbajtën kryetari i Komunës së Malishevës, Ragip Begaj dhe kryesuesi i KK të Malishevës, Aziz Thaçi, të cilët në mënyrë kronologjike, folën për rëndësinë e 16 Qershorit, Ditës së Çlirimit, por e kjo datë rezulton e me Ditën e Dëshmorëve të Komunës së Malishevës, pasi, me 16 qershor 1998 ra dëshmori i parë, Imer Krasniqi dhe dëshmori i fundit Mentor Gashi, me 16 qershor të vitit 1999.
“ Dëshmorët e kombit dhanë më të shtrenjtën, për ta fituar më të shtrenjtën . LIRINË. Ne gjithmonë do të ulemi me respekt të veçantë para tyre”, tha mes tjerash kryesuesi i KK të Malishevës, Aziz Thaçi në fjalën e tij, të mbajtur sot para anëtarëve të Kuvendit të Komunës së Malishevës.
Më pas, aktivitetet zyrtare kanë vazhduar me nderime pranë Shtatores së Komandantit Legjendar Adem Jashari, në parkun e qytetit, për të vazhduar me homazhe dhe nderime në varrezat e dëshmorëve në Malishevë dhe Kleçkë, ku gjenden varrezat e dëshmorëve të brigadave 122 dhe 121, brigada të cilat vepruan në territorin e Komunës së Malishevës.
Në ora 13 është mbajtur Manifestimi Qendror, ky fjalën kryesore e pati i pari i Malishevës, Ragip Begaj, i cili në fjalimin e tij, i paraqiti zhvillimet në Malishevë, që nga formimi i komunës për herë të parë, pastaj për herë të dytë, luftën e UÇK-së, formimin e komunës për herë të tretë dhe zhvillimin e deritanishëm. Në këtë tubim morën pjesë edhe Ambasadori i Republikës së Shqipërisë në Kosovë, Qemajl Minxhozi, deputetë e Kuvendit të Kosovës, Fatmir Limaj, njëherit edh kryetar i “Nisma për Kosovën”, pastaj deputeti Enver Hoti dhe Haxhi Shala, delegacioni nga Turqia, shoqatat e dala nga lufta, “Miqtë e Amerikës” dhe shumë personalitete tjera.
Në fjalën e rastit, Ambsadori Minxhozi, tha se “ Malisheva e vogël me peshë të madhe ka lënë gjurmë në historinë tonë, në mënyrë të veçantë në luftën e lavdishme të UÇK-së. Për liri duhen vepra, e këtë e bëri më së miri populli shqiptar dhe UÇK, e cila bëri një luftë të madhe që solli drejtësinë në vend”.
Ndërsa, kryetari i “Nisma për Kosovën, Fatmir Limaj, në fjalën e rastit, bëri thirrje për punë dhe angazhim nga të gjithë, pasi sipas tij “Malisheva ka pasuri të madhe intelektuale, ndërsa 16 qershori, duhet të jeët një festë për të gjithë të rënët në të gjitha kohët. Ai më pas tha se “liria ka ardhur nga gjaku u derdhur i dëshmorëve dhe këtë ju them atyre që ende kanë dyshime për këtë”. Limaj, foli edhe për luftës, si njëri nga protagonistët kryesor të luftës në këtë pjesë dhe sipas tij, “Malisheva dhe treva e Llapushës, gjithmonë kanë ditur të organizohen në luftëra dhe ta mbrojnë vendin”.
Këtë ngjarje, e ka përshëndetur edhe kryetari i Komunës së Orhangazit, Heset Çaglajan, i cili shprehi kënaqësinë e tij që gjendet këtu, në këtë ditë të rëndësishme për Malishevën, duke festuar së bashku me popullin e Malishevës.
Më pas u ndanë edhe çmimet tradicionale. Çmimi për trimër dhe heroizëm “Imer Krasniqi, ju nda Skënder Hotit dhe Isë Hoxhës, çmimi për kontributin e dhënë në arsim “Hamdi Berisha”, ju nda Iliaz Zogajt dhe Mihriije Bytyçit dhe çmimi për kontribut në shëndetësi ju nda Selim Krasniqit dhe Afrim Krasniqit.
Në këtë manifestim, u lexua edhe vendimi për shpalljen “Qytetar Nderi” i Malishevës për Christopher Hill, e me këtë rast, në pamundësi të prezencës së të Hillit, kryetari shoqatës “Miqtë e Amerikës”, Agim Rexhepi, lexoi një deklaratë të Christopher Hill, lidhur me dhënien e titullit “Qytetar Nderi” i Malishevës. Në letrën e Hillit, dedikuar ditës së sotme, thuhet: Është nderë të jem qytetar i një qyteti që pagoi një çmim kaq të shtrenjtë që kosovarët të gëzojnë lirinë tani. Jam shumë i prekur nga gjesti juaj gjentil dhe bujar. Për fat të keq, nuk mundem të marr pjesë fizikisht me 16 qershor, por ju siguroj se do të jem atje me shpirtin tuaj.
Po ashtu kryetari i Komunës së Malishevës, Ragip Begaj, ka ndarë mirënjohje edhe për mërgimtarin Nuhi Mazreku, për kontributin e dhënë shkollën shqipe në Suedi dhe për kontributin e dhënë për Malishevën.
Pas manifestimit qendror, po në parkun e qytetit, është bërë zbulimi pllakës përkujtimore me emrat e të gjithë të vrarëve nga forcat e armikut, gjatë periudhës së luftës 1998-1999. Zbulimi i tri pllakave me emrat e të gjithë të rënëve, e bënë, kryetari i Malishevës, Ragip Begaj dhe kryetari i Orhangazit, Heset Çaglajan, pllakën e dytë Ambasadori i Republikës së Shqipërisë, Qemajl Minxhozi dhe kryetari i “Nisma për Kosovën”, Fatmir Limaj, ndërsa pllakën e tretë, e zbuluan disa nga familjarët e të vrarëve gjatë luftës 1998-1999.
Manifestimet do të vazhdojnë me koncertin e madh që mbahet në qendër të Malishevës, e ku do të marrin pjesë emra të njohur të estradës kosovare, malishevas dhe të mysafirëve të tjerë dhe të gjitha aktivitetet do të përmbyllen me ndezjen e fishekzjarrëve. / RTKLive.com
von Zemraadmin | Juni 17, 2015 | Kosova
Pala Kosovare dhe ajo serbe, nuk kanë arritur marrëveshje për heqjen e barrikadës mbi urën e lumit Ibër në qytetin e Mitrovicës.
Në takimin e sotëm të zhvilluar mes grupeve punuese nga Kosova dhe Serbia, në Bruksel, për gjetjen e një zgjidhjeje për urën mbi lumin Ibër, palët nuk kanë arritur pajtim.
Sipas një njoftimit të lëshuar nga zyra për komunikm e Zyrës për Punë të Jashtme të Bashkimit Evropain, kryesuesi i takimit, shefi i Zyrës së BE-së në Prishtinë, Samuel Zhbogar, ka paraqitur idenë për zgjidhjen e kësaj çështjeje, mirëpo palët kanë kërkuar të takohen sërish të hënën, për të diskutuar mbi këtë çështje.
I kontaktuar nga lajmi.net, kryetari i Komunës së Mitrovicës, Agim Bahtiri që ishte pjesë e takimit për urën e Ibrit, ka refuzuar të komentoj më shumë por ka pranuar që ende nuk ka marrëveshje për largimit nga ura e Ibrit të “Parkut të paqes”, që në fakt është një barrikadë e vendosur nga serbët lokal që prej vitesh në këtë qytet.
“EEAS ka pritur sot palët e angazhuar në dialogun Beograd – Prishtinë në Bruksel për të diskutuar mbi lirinë e lëvizjes si dhe gjetjen e një zgjidhjeje për urën në Mitrovicë. Kryesuesi i grupit punues që diskutoi mbi çështjen e urës (Samuel Zhbogar) paraqiti para të dyja palëve vlerësimin teknik që është bërë së fundmi si dhe sugjerimet për tejkalimin e këtij problemi. Pjesëmarrësit u pajtuan që të takohen sërish të hënën për të diskutuar edhe më tej elementet e një marrëveshjeje që do të parashikojnë revitalizimin e urës në periudhën e ardhshme”, thuhet në njoftimin për media.
Më tej në njoftim thuhet që grupet punuese mbi çështjet tjera të ndërlidhura me implementimin e marrëveshjeve të arritura në kontekst të dialogut për normalizim të marrëdhënieve mes Beogradit dhe Prishtinës si për energji, telekom, asociacionin e komunave do të vazhdojnë punën e tyre këtë javë. /RTKLive
von Zemraadmin | Juni 17, 2015 | Kosova
Qendrimi zyrtar i Ramush Haradinajt per ndalimin ne Slloveni.
Kryetari Haradinaj nuk pranon te del vullnetarisht para gjykatesit slloven.
Pafajesine e kam te deshmuar nderkombetarisht.
Nuk kam asgje me sistemin e drejtesise sllovene e as nderkombetare.
Sllovenet te pastrojne sa me pare sistemin e tyre nga reliktet shpifese te Beogradit qe datojne qe nga viti 2004 dhe ende edhe sot i konsideron si valide.
Kjo sjellje dhe veprim nga shteti slloven eshte e papranueshme dhe shume ofendues si per mua poashtu dhe Kosoven.
—–
Ramush Haradinaj në një prononcim për Gazetwn Express nga Sllovenia, ka thënë se autoritetet sllovene kamë reaguar ndaj një fletë arersti të Serbisë, i cili daton që nga viti 2006 dhe tash sipas tij ai do ta vazhdojë itinerarin e paraparë pasi të hiqet nga sistemi ky fletë -arrest.
“Nuk jam i arrestuar por po merr kohë pastrimi i listës nga sistemi slloven” ka thënë ai
Derisa me humor ka komentuar se gjithë kjo i ka kushtuar me humbje të avionit.
Ditëve të fundit Haradinaj ka qëndruar për vizitë në Gjermani.
——————
Burime të lajmi.net bëjnë të ditur se është arrestuar Ramush Haradinaj në Lublanë të Sllovenisë.
Arsyet e arrestimit ende nuk dihen, por dyshohet se kanë të bëjnë më një fletarrest të Serbisë.
Në vazhdim ju mbajmë të informuar me ngajrjen./LAJMI.NET/
von Zemraadmin | Juni 16, 2015 | Kosova
Institucionet përgjegjëse për sigurinë në Kosovë kanë marrë informata se njerëz të afërt me liderin e shqiptarëve të ISIS, Lavdrim Muhaxheri, kanë urdhëruar njerëzit e tyre në Kosovë dhe Maqedoni që të kryejnë sulme terroriste në Prishtinë dhe Shkup.
Lajmi.net e ka siguruar komunikimin në mes të personave përgjegjës për sigurinë në vend, ku urdhërohet Policia e Kosovës që t’i ndërmarr të gjitha veprimet e nevojshme për t’iu përgjigjur këtyre kërcënimeve.
Në këtë komunikim i tregohet policisë se një person shqiptar nga Maqedonia (emër i njohur për policinë, e në këtë rast edhe për lajmi.net), i cili aktualisht ndodhet në zonën e konfliktit në Siri dhe Irak, dhe që është shumë i afërt me Lavdrim Muhaxherin, ka kontaktuar me individë të besueshëm të tij për sulme të mundshme gjatë muajit qershor në Kosovë dhe Maqedoni.
Institucionet e sigurisë në Kosovë, momentalisht nuk janë në dijeni të identitetit të personave të kontaktuar nga bashkëpunëtori i Lavdrim Muhaxherit, por besojnë se ata kanë eksperiencë në xhihadin e dhunshëm.
Në këtë komunikim, të cilin e kanë siguruar institucionet e sigurisë në Kosovë, personi i afërt me Lavdrim Muhaxherin ka porositur njerëzit e tij në Kosovë dhe Maqedoni se gjatë sulmeve terroriste në Prishtinë dhe Shkup, duhet të shkaktohen sa më shumë dëme materiale dhe pasoja në njerëz pa dallim religjioni.
Ata edhe pse kanë potencuar Prishtinën dhe Shkupin, si dy qendrat më të mëdha në rajon, kanë thënë se sulmet nuk duhet kufizuar vetëm aty.
Policia i ka të ditura edhe objektivat e parapara për sulm nga xhihadistët, që përbëjnë pika të rëndësishme për funksionimin e jetës së qytetarëve.
Me këtë rast Policia e Kosovës është rekomanduar që të rris vigjilencën, duke përmendur edhe lokacionet se ku duhet të fokusohet më shumë. Ky kërcënim vjen disa ditë pasi xhihadistë nga Ballkani, duke përfshirë edhe shqiptarë, që luftojnë në Siri dhe Irak, lëshuan një kërcënim përmes një videoje për këtë pjesë të rajonit, duke paralajmëruar sulme, që sipas tyre do të përfshinin Kosovën, Maqedoninë, Shqipërinë, Serbinë e Malin e Zi. (lajmi.net)
von Zemraadmin | Juni 15, 2015 | Kosova
Të indinjuar me vonesat e shumta rreth publikimit të listave për verifikimin e veteranëve, këta të fundit do të ngritën sërish në protestë.
Por, kësaj radhe protesta organizohet në një formë më ndryshe.
Xhevdet Qeriqi, udhëheqës i Këshillit për Mbrojtjen e Veteranëve të UÇK-së, ka konfirmuar për KosovaPress, se veteranët do të bllokojnë magjistralen Kosovë – Maqedoni dhe se protesta po organizohet nga përfaqësuesit e veteraneve të komunës së Kaçanikut.
Qeriqi, tha për KosovaPress se Këshilli i ka dhënë mbështetje të plotë kësaj proteste duke theksuar se publikimi i listave po vonohet qëllimshëm dhe tashmë nuk mund të presin.
“Protesta organizohet në mes të Kaçanikut dhe Hanit të Elezit të shtunën duke nisur nga ora 12:00 dhe do të zgjasë plotë 24 orë. Ka qenë kërkesa e veteranëve të Kaçanikut edhe e kemi përkrahur sepse edhe ne kemi bërë përgatitjet për një protestë të ardhshme në Prishtinë për arsye se po vonohen qëllimshëm listat e veteranëve. Kanë kaluar tri vite dhe është dashur të përfundojnë më shpejtë mirëpo janë politizuar si komision. Sikur të kishin qenë serioz, ky proces do të ishte mbyllur brenda javës”, tha Qeriqi për KosovaPress.
Të bllokuar nuk do të jenë qytetarët që me veturat e tyre do kalojnë nëpër këtë rrugë, por kamionët me mallra që do të vijnë nga Maqedonia.
Krejt kjo sipas Qeriqit, është vendim i veteranëve të Kaçanikut.
Komisioni Qeveritar për njohjen dhe verifikimin e statusit të dëshmorit të kombit, invalidit, veteranit, pjesëtarit dhe të internuarit të Luftës së Ushtrisë Çlirimtare të Kosovës, nuk ka ndonjë informacion rreth kësaj proteste.
As Xhavit Jashari, si kryetar i OVL UÇK-së, nuk është i njoftuar për këtë protestë, por tha se listat do publikohen së shpejti.
“Po besoj që shumë shpejt do të përfundojnë këto lista dhe do të kryhen”, tha Jashari shkurt për KosovaPress.
