von Zemraadmin | Jan. 27, 2015 | Kosova
Lideri i Aleancës për Kosovë të Re Behgjet Pacolli thotë se dita e sotme, me protestën ishte e vështirë për Kosovën, por se po rrezikohet e nesërmja.
Pacolli nëpërmjet Facebook, tha se Kryeministri Isa Mustafa duhet të shkarkoj Ministrin Aleksandër Jabllanoviq.
Shkrimi i plotë i Pacollit në Facebook:
Kosova sot ndodhet në një ditë të vështirë. Ne të gjithë duhet të punojmë me maturi që e nesërmja të mos jetë po kaq e vështirë sa e sotmja, apo më e vështirë akoma.
Pse Kosova sot gjendet në një ditë të vështirë dhe rrrezikohet dhe e nesërmja? Pse kanë munguar përgjegjshmëria dhe reformat sovrane, kam thënë që nga dita e parë e protestave.
Duhet përgjegjshmëri në nivel personal- ministri Jablanoviq do duhet ta japë vetë dorëheqjen.
Duhet përgjegjshmëri në nivel të kryeministrit: nëse Jablanoviq nuk e jep vetë dorëheqjen, atëherë profesor Mustafa duhet ta largojë. Qeveria krijohet nga koalicionet e partive, dhe kryeministri zgjedh vetë se me cilin ministër do të qeverisë. Në çdo vend të botës është kështu.
Duhet përgjegjshmëri dhe nga ana e udhëheqësve të protestës. Protesta ka në themel kërkesa të ligjshme, por kur abuzohet me dhunë, atëherë kemi tejkalim të së drejtës.
Dhe le të vimë tek çështja e Trepçës.
Pse LDK-ja, Vetëvendosja, AAK-ja, disa ekspertë të ekonomisë që sot kanë ardhur tek idetë e mia e kundërshtonin në maj të 2014-ës, projektligjin që e bënte Trepçën kompani publike?
Pse Serbisë i intereson më mirë që kompleksi Trepça të administrohet nga AKP-ja, armikja më e madhe e ekonomisë së Kosovës, sesa të jetë kompani publike?
Serbia s’ka sovranitet mbi Kosovën dhe as mbi pasuritë e saj, por pse ne po e lejojmë që ajo të ketë sovranitet mbi pasuritë tona?
Pse Vetëvendosja në janar 2015 e ka shndërruar në flamur të protestës kërkesën themelore të ligjit tonë të majit 2014, që Trepça të shndërrohet në kompani publike?
Pse PDK u bind vetëm në maj të 2014-ës për këtë ligj që ne si partnerë të saj e propozonim prej vitesh, ligj që do ta shpëtonte Trepçën?
Pse të gjithë kundërshtonin, apo pse e mbroja unë atë ide që prej 2007-ës?
Pse isha unë autor i platformës që parashikon nga A deri tek ZH shndërrimin e kompleksit Trepça në një kompani publike multimiliardëshe?
A do kishte sot protestë për Trepçën nëse do të kishte miratim të ligjit të AKR-së që në maj të 2014?
A ja vlen të sakrifikohet Trepça vetëm për inat të Behgjet Pacollit? A ja vlen të sakrifikohet pasuria e Kosovës, jeta e qytetarëve për inate personale? A ka dikush turp për këtë?
Trepça kërcënohet dhe sot nga likuidimi me ligjin që u miratua.
– Unë e kam zgjidhjen që i jep sovranitetin Kosovës mbi Trepçën.
– Unë kam zgjidhjen që e bën Trepçën njerën ndër kompanitë më të fuqishme në botë në fushën e mineraleve.
– Unë kam dhe diturinë dhe guximin.Për zgjidhjen e çështjes së Trepçës duhet dituri,guxim dhe veprim në kohën e duhur.
Mjerisht kjo qeveri nuk i ka këto cilësi dhe ka humbur dhe po humbet shumë kohë.
von Zemraadmin | Jan. 27, 2015 | Kosova
Derisa gjatë tërë ditës në qendër të Prishtinës pat protesta që eskaloi me dhunë, kundër Qeverisë së Kosovës, në mbrëmje stacioni i autobusëve është përplot me qytetarë.
Ata hipin në autobusë që shkojnë në Beograd për të ikur nga Kosova për në vendet perëndimore.
KosovaPress ishte në vendin e ngjarjes në momentin kur tre autobusë të stërmbushur me qytetarë u nisën nga Prishtina për në Beograd.
Një dëshmitar që ishte në vendin e ngjarjes ka thënë se edhe dy autobusë janë nisur më herët për në Beograd ndërkaq natën e kaluar janë nisur katër.
Përveç kësaj nëpër autobusë nuk ka vend dhe se shumica detyrohen të rrinë në këmbë sepse biletat për në Beograd shiten shumë më herët.
von Zemraadmin | Jan. 27, 2015 | Kosova
Kryeministri Isa Mustafa tha se protesta më së paku i ngjau titullit për çka ishte thirrur.
Kryeministri Isa Mustafa thotë se protesta e sotme në kryeqytet më së paku i përshtatej motos së protestës. Tha se me Jabllanovic bashkëpunoi edhe Blloku, pjesë e të cilit ishin LDK, AAK, NISMA dhe VV.
Kryeministri Isa Mustafa tha se protesta më së paku i ngjau titullit për çka ishte thirrur.
„Vetë kërkesat të cilat u shfaqën sot në protestë, fjalimet, sjellja e protestuesve, flet se më së paku protesta i ngjau motës së paralajmëruar. Këtu u kërku që të shkarkohet Qeveria“, ripërsëriti Mustafa.
Tha se Qeverisë që ai udhëheqë nuk iu dhanë as 100 ditë për të dëshmuar vetën.
„Dhuna nuk është e arsyeshme, të gjitha këto parti politike kanë pranuar rezultatet e zgjedhjeve, kanë hyrë në Parlament dhe tani për 45 ditë të Qeverisë kërkojnë shkarkimin e Qeverisë. Ne s’na është dhënë as një ditë, qysh ditën e parë jemi përball me kërcënime“, tha Mustafa
Sa i përket ministrit Aleksandër Jabllanovic, Mustafa tha se janë serbët ata që zgjedhin përfaqësuesit e tyre, dhe se po të duhej djegur qyteti për deklarata verbale s’do të mbetej shtëpi në këmbë.
Sipas tij Jabllanovic nuk lindi nga koalicioni në mes të PDK’së dhe LDK’së dhe se me të ka bashkëpunuar edhe Blloku, pjesë e të cilit ishte VV, AAK dhe NISMA.
Tha se Jabllanovic më gjatë ishte në koalicion me Bllokun se me Qeverinë aktuale, e cila sipas tij ka vetëm 45 ditë punë.
„Jabllanovici nuk ka lindur prej që ne kemi bërë këtë koalicion me PDK’në dhe që kemi formuar këtë qeveri. Me Jabllanovicin ne kemi bashkëpunuar për nja pesë muaj si Bllok ku kanë qenë edhe Aleanca edhe Nisma e pas disa muajsh edhe Vetëvendosje. Nëse Jabllanovici ka qenë pjesë e një koalicioni atëherë ai më gjatë ka qenë pjesë e atij koalicioni se sa e këtij koalicioni. Ai koalicion ka punuar pesë muaj, gjërë e gjatë. Edhe atëherë është konsideruar se qeveria nuk mund të bëhet pa pjesëmarrjen e Listës Serbe. Bile disa njerëz që sot po dalin e po flasin kundër tij e kanë pasur shok për krye kreje dhe i kanë bërë nderime më të mëdha se sa që ai ka merituar“, tha ai.
Në emisionin “Debat” në RTK kryeministri Mustafa tha se arsyeja për protestë ishte shkarkimi i Jabllanoviqit dhe ligji për Trepçën.
“Në protestë u kërkua që të shkarkohet komplet Qeveria. Kjo nuk është e arsyeshme sepse të gjitha partitë politike kanë pranuar rezultatin e zgjedhjeve prandaj asnjë arsye nuk ka për shkarkimin e Qeverisë”, tha Mustafa.
Sipas tij, një deklaratë e një individi që të shkatërrohet pronat dhe sheshi.
“E as sheshi e as policia nuk janë pronë e Jabllanoviqit”, tha ai.
Mustafës tha se disa njerëz nga partitë opozitare që sot po flasin kundër Jabllanoviqit e kanë pasur shok dhe i kanë bërë nderime më shumë se sa që e ka merituar.
von Zemraadmin | Jan. 27, 2015 | Kosova
Kryetari i Prishtinës, Shpend Ahmeti, ka reaguar ndaj deklarimeve të kryeministrit dhe zv/kryeministrit, duke thënë se Mustafa dhe Thaçi me dhunë e kanë shpëtuar pushtetin.
“Mustafa e paska thirr kryeministrin e Punëve të Jashtme me i ndihmu në konferencë për me kërcënu edhe më shumë qytetarët. Sipas tyre me dhunë e paskan shpëtu pushtetin që natyrisht është halli më i madh i tyre.
Muatafa nuk mujti pa më përmend duke treguar se i ka shpenzuar 8 milionë në shesh dhe se unë po tentojsha me ja prish. Më mirë është me fol për keqpërdorimet milionëshe në shesh. Më mirë është me fol për Jabllanoviqin. Më mirë është me fol për migrimin e jo për paranojën e ruajtjes së pushtetit. Më mirë është me fol për atë çka po na pret si Kosovë me këtë qeveri.
Duke i parë rrahjet e qytetarëve, jam i tmerruar me masat që Mustafa i merr duke menduar se qytetarët po dojnë me ja marr karrikën” (sic), ka shkruar Ahmeti në Facebook /Telegrafi/
von Zemraadmin | Jan. 26, 2015 | Kosova
Lideri i Partisë Radikale Serbe (SRS) dhe i akuzuari i Hagës, Vojisllav Sheshel, ka komentuar spekulimet rreth dorëzimit të Trepçës, “regjimit të Prishtinës“.
Shesheli tha se “Regjimi në Prishtinë tenton në çdo mënyrë të marrë Trepçën“, ndërsa regjimi nga Beogradi aktron se e mbron Trepçën. „Në prapavijë shihet se diçka po përgatitet, këtë kanë deklaruar disa zyrtarë të huaj, që Serbisë t’i ofrohet një shumë, gjithsesi shumë e vogël, që në këtë mënyrë ajo të heqë dorë nga Trepça“, deklaroi Sheshel.
I pyetur se nëse ka ndërmend të vizitojë Kosovën, Sheshel tha se „për fat të keq, unë nuk jam në gjendje të bëj këtë, vetëm nëse e kaloj ilegalisht kufirin administrativ.
„Mua më është lëshuar letërnjoftimi menjëherë pasi jam kthyer në Beograd dhe me atë letërnjoftim kam marrë vendim me shkrim se këtë letërnjoftim nuk mund të përdori si dokument udhëtimi. Përdorët si dokument udhëtimi për Republikën Srpska, Federatën e Bosnjës dhe Hercegovinës, Malin e Zi, Maqedoni dhe Kosovë dhe Metohi. Pra, në vendkalime askush nuk mund të kalojë pa letërnjoftim. Ndërsa në letërnjoftimin tim kanë vendosur se nuk vlen si dokument udhëtimi, dhe pa marrë parasysh se Qeveria e Serbisë nuk e ka njohur Kosovën si Shtet të pavarur, faktikisht me këtë ndalesë mua që të përdori letërnjoftimin për të udhëtuar në Kosovë tregon se ajo e ka shlyer këtë territorin serb”, u shpreh Shesheli.
I pyetur të komentojë deklaratat e presidentes të sapozgjedhur kroate Kolinda Grabar-Kitaroviç, në lidhje marrëdhëniet me Serbinë dhe vendet e tjera të rajonit Shesheli tha se me Grabar Kitaroviç komunikon dhe se janë në „marrëdhëniet e ngushta“. „Ne jemi në marrëdhënie shumë të ngushta, komunikojmë përmes internetit, Tëitterit, para se gjithash. Nuk do t’ju sqaroja më hollësisht se cilat janë plane tona. Kjo bën pjesë në intimitetin tonë të rreptë“, ka thënë Sheshel.
Ai në konferencën për shtyp në selinë e SRS-së në Zemun gjithashtu paraqiti një sërë akuzash në llogari të ish-kolegut të partisë dhe kryeministrit të Serbisë Aleksandar Vuçiç.
Dhoma gjyqësore e Tribunalit të Hagës më 6 nëntor 2014 ka marrë vendimin që i akuzuari për krime lufte të bëra në Kroaci, Bosnjë e Hercegovinë dhe Vojvodinë Vojisllav Sheshel të lirohet përkohësisht në Serbi, për trajtim mjekësor. Ai më 12 nëntor u kthye në Serbi.
Gjykata Penale Ndërkombëtare për ish-Jugosllavinë lëshoi padi kundër Sheshelit në janar 2003 për krime lufte në Kroaci, Bosnjë e Hercegovinë dhe Vojvodinë. Shesheli u dorëzua vullnetarisht në 24 shkurt të njëjtin vit, ndërsa gjykimi i tij i cilo filloi më 7 nëntor 2007 ende nuk ka përfunduar.
Është akuzuar për persekutime në baza politike, racore dhe fetare në Slloveninë lindore dhe perëndimore, Bosnje dhe Hercegovinë dhe pjesë të Vojvodinës, duke përfshirë vrasjet në Vukovar, rrethinën e Sarajevës, Mostarit, Nevesinje dhe Zvornik, si dhe paraburgimi i civilëve në kampet në kushte çnjerëzore, torturat, rrahjet dhe vrasjet, dëbim dhe transferimin me forcë të dhjetëra mijëra kroatëve dhe muslimanëve nga ato territore dhe pjesë të Vojvodinës, dhe shkatërrimin e qëllimshëm të shtëpive të tyre, të mbjelluarve dhe objekteve fetare.
Për shkak të gjuhës së urrejtjes dhe paraqitjet publike Tribunali i Hagës ka kërkuar kthimin e Sheshelit në Hagë, por kërkesa e parë e nënshkruar nga kryeprokurori Brammertz është refuzuar.
(reporteri.net)
von Zemraadmin | Jan. 26, 2015 | Kosova
Më vonë e rishikuan qëndrimin dhe shprehën gatishmëri për të hyrë në pushtet bashkë me LAN me kusht që negociatat të ndaleshin dhe që Lista Srpska të mos përfshihej. Më pas edhe nga këto dy pozicione hoqën dorë.
Shkelja programit premtimeve dhe qëndrimeve pat shkaktuar pakënaqësi në strukturë dhe anëtarësi dhe te militantët tradicional.
Në turin e bërë nëpër degë nga lidershipi i VV thuhet nga burime të brendshme të VV-së se zhgënjimi e kritika nga anëtarësia është shfaqur hapur.
Dhe duke parë këtë, dhe dështimin e planit të tyre për të qenë në qeveri me Bllokun, VV ka radikalizuar retoriken, i është rikthyer protestave për të rikthyer militantet, larguar vëmendjen nga ngërçi dhe flirtimi me pushtetin, mohimin e negociatave, afrimin me Srpskan dhe jo konsistencën në qëndrime.
VV pritet të vazhdojë, me gjasë edhe të ashpërsojë gjuhen dhe veprimet në mënyrë që ajo periudha 6 mujore, kur kishin vluar kritikat ndaj tyre të harrohet.
(lajmi.net)
