von Zemraadmin | Apr. 25, 2016 | Kosova
Lajmi për vdekjën e zonjës Mona njëherit nënës së motrave Ismaili u pranua me shumë pikëllim.
Kjo për faktin që kujtojmë një grua mjaft të zonjën dhe të përkushtuar për suksesin e vazhdueshëm të vajzave të saj të cilat i rriti e vetme.
Është Zanfina, vajza e vogël e saj e cila me gjasë ishte më e përkushtuar për të emën dhe kështu pa dyshim ajo do ta ndjejë më së shumëti mungesën e nënës e cila ka ndërruar jetë sot.
Për të gjallë të zonjës, Zanfina nuk hezitonte në asnjë moment të vetëm të tregonte se sa e lidhur është ajo më përsonin më të cmuar për të, më atë që i fali jetën.
Kujtojmë një moment tepër emocionues ku ajo ishte e ftuar në një edicion festiv të vitit të ri në emisionin Prive.
Nëna Mona kishte shkruajtur një kartolinë me vargje tepër prekëse për ta pamundësuar kështu leximin nga vetë Zanfina.
Ishte Ermali ai që lexoi kartolinën derisa Zanfina shpërtheu në lotë nga fjalët e nënës së saj. “Dali jem” fillon kartolina, dedikuar kështu Zanfinës të cilën shpesh me përkëdheli i jepte epitetin e djalit të cilin nuk e pati. Ndiqeni leximin e letrës nga min.7:40/PRIVE.AL
{media id=2963,layout=blog}
von Zemraadmin | Apr. 21, 2016 | Kosova
Kryeministri i Republikës së Kosovës, Isa Mustafa, kërkoi përkrahjen e Gjermanisë dhe të Francës për liberalizimin e vizave.
Kryeministri Mustafa, priti në takim ministrin gjerman të Shtetit për Evropë, Michael Roth dhe sekretarin francez të Shtetit për Çështje të Evropës, Harlem Desir.
Në takim, ku ishte i pranishëm edhe ministri i Integrimit Evropian, Bekim Çollaku, kryeministri Mustafa i njoftoi për progresin konkret në zhvillimin ekonomik, për proceset integruese evropiane dhe reformat tjera në fuqizimin e shtetit, njofton Zyra për informim e Kryeministrisë.
Kryeministri Mustafa theksoi punën e madhe që po bëhet në implementimin e MSA-së, me përkrahje të gjerë, si dhe për rëndësinë që ka për Kosovën liberalizimi i vizave.
“Ne i kemi përmbushur kriteret dhe tani presim vendimin politik të BE-së. Kosovarët kanë mbetur qytetarët e vetëm të rajonit që nuk mund të lëvizin të lirë, që është e padrejtë. Andaj, ne besojmë që BE-ja së shpejti do të marr vendim pozitiv për liberalizimin e vizave, duke qenë se lëvizja e lirë është e rëndësishme edhe për MSA-në, pasi që do t’ia lehtësonte bizneseve kosovare të marrin pjesë në panaire, të gjejnë tregje adekuate dhe t’i shfrytëzojnë pa vështirësi mundësitë ekonomike e tregtare që iu krijon MSA-ja”, tha kryeministri.
Duke falënderuar për kontributin e madh të Gjermanisë dhe të Francës për Kosovën në të gjitha fazat e deritashme, kryeministri Mustafa kërkoi përkrahje të mëtejshme të tyre në rrugën integruese evropiane, zhvillimin ekonomik dhe proceset e tjera.
Me këtë rast, kryeministri Mustafa shprehu përkushtimin e Qeverisë së Kosovës për bashkëpunim të gjithanshëm me Gjermaninë dhe me Francën.
Ministri gjerman i Shtetit për Evropë, Michael Roth, vlerësoi progresin në Kosovë duke shprehur përkrahjen e mëtejshme të Gjermanisë.
Ministri Roth tha se kjo vizitë është dëshmi e përkushtimit të Gjermanisë dhe të Francës për Kosovën dhe për tërë rajonin.
Sekretari francez i Shtetit për Çështje Evropiane, Harlem Desir, po ashtu, çmoi të arriturat e Kosovës dhe përkushtimin e Qeverisë së Kosovës për të adresuar një varg çështjesh të rëndësishme.
Sekretari Desir foli edhe për përgatitjet e Samitit të Parisit, i cili do të mbahet në vazhdën e Procesit të Berlinit, si proces tejet i rëndësishëm i bashkëpunimit dhe zhvillimit për vendet e Ballkanit Perëndimor.
Gjatë takimit, u bisedua edhe për proceset tjera që lidhen me Kosovën, për zhvillimet politike, dialogun me shtetet fqinje, etj. / RTKLive.com
von Zemraadmin | Apr. 9, 2016 | Kosova
Një zjarr ka shpërthyer sot në orët e mëngjesit në qytetin e Ferizajt. Banorët kanë treguar se zjarri është afër fabrikës së këpucëve në këtë qytet derisa po rrëzohet edhe mobilieritë që janë afër.
Në vendin e ngjarjes kanë dalë njësitet policore dhe ato të zjarrfikësve dhe po mundohen të fikin zjarrin.
Policia e Kosovës për rajonin e Ferizajt ka thënë për portalin Koha.net se nuk ka të lënduar, por dëmet janë të konsiderueshme.
“Njoftimin e kemi marrë në orën 09:00 të mëngjesit. Persona të lënduar nuk ka, por dëmet janë të konsiderueshme”, ka thënë Basri Shabani nga Policia e Kosovës për rajonin e Ferizajt.
{media id=2889,layout=blog}
von Zemraadmin | Apr. 5, 2016 | Kosova
Kryeministri i Republikës së Kosovës, Isa Mustafa, priti sot në takim delegacionin e Grupit Parlamentar të Miqësisë për marrëdhëniet me shtetet e Evropës Juglindore në Bundestagun Gjerman.
Gjatë takimit, kryeministri Mustafa i njoftoi parlamentarët gjermanë për progresin e Kosovës në shumë fusha, për prioritetet e Qeverisë për zhvillim ekonomik, hapje të vende të punës dhe fuqizim të shtetit ligjor.
“Tani është momenti i duhur për zhvillim të hovshëm dhe të qëndrueshëm ekonomik. Andaj, Qeveria e Kosovës është e fokusuar tërësisht në reformimin e mëtejshëm të ambientit ekonomik si dhe ofrimin e përkrahjes së plotë për bizneset që të shfrytëzojnë MSA-në për shtrirjen e veprimtarisë dhe depërtimin e prodhimeve të tyre në tregun evropian”, tha kryeministri.
Kryeministri Isa Mustafa ka veçuar rëndësinë e liberalizimit të vizave për Kosovën nga BE-ja, duke kërkuar përkrahjen e Bundestagut dhe të Gjermanisë në këtë çështje shumë të rëndësishme për lëvizjen e lirë të qytetarëve dhe zhvillimin ekonomik të Kosovës.
“Liberalizimi i vizave do të mundësojë efekte dhe rezultate më të mëdha nga Marrëveshja e Stabilizim Asociimit, pasi që do lehtësojë qarkullimin e ndërmarrësve kosovarë në vendet e BE-së”, tha kryeministri Mustafa.
Gjatë takimit, kryeministri Isa Mustafa i ka njoftuar parlamentarët gjermanë edhe për proceset dhe zhvillimet tjera politike në Kosovë dhe më gjerë.
Anëtarët e delegacionit të Bundestagut Gjerman, Peter Weiss (CDU/CSU), Andreas G. Lammel (CDU/CSU) si dhe Josip Juratovic (SPD), vlerësuan progresin që po arrihet në Kosovë në shumë fusha, duke theksuar përkrahjen e tyre për Kosovën në proceset eurointegruese dhe liberalizimin e vizave.
Ata u interesuan për zhvillimet në Kosovë, për prioritetet e Qeverisë në zhvillimin ekonomik, për situatën politike, për çështjet që lidhen me marrëdhëniet me shtetet në rajon e më gjerë.
Edhe parlamentarët gjermanë vlerësuan se tani është koha e duhur për fuqizimin e zhvillimit ekonomik dhe social në Kosovë.
von Zemraadmin | Apr. 5, 2016 | Kosova
Rasti i hulumtimit të gazetarëve të “Panama Papers” ka qenë lajmi më i madh që mund të jetë hulumtuar nga ta në botë, ku njerëz të pasur përfshirë politikanë, biznesmen e edhe sportist të cilën i shmangen tatimit duke i fshehur paratë e tyre në offshore.
Këto janë kompani të cilat nuk paguhen taksat. E një rast i ngjashëm si ky kishte ndodhur edhe në Kosovë, në vitin 2002, kur një përfaqësuesi i UNMIK – mision i Organizatës së Kombeve të Bashkuara në Kosovë kishte dërguar në Gjibraltar një shumë prej 4.3 milionë euro.
Jo Hans Dieter Trutschler është ky person që kishte bartur këtë shumë në një offshore.
Më pas është vërtetuar se ai kishte keqpërdor 220 mijë euro në emër të faturave të rreme të UNMIK.
Skandali milionësh i Truschler ishte i lidhur me Kompaninë Energjetike të Kosovës.
Në korrik të vitit 2002 rasti i tij kishte rënë në duart e autoriteteve gjermane, shtetas i vendit nga i cili vinte Truschler. Ai ishte akuzuar për veprat, shkelje besimi, falsifikim dhe keqpërdorim i një titulli akademik. Për këtë ai ishte dënuar me tre vjet e gjatë muaj burgim, njofton Klan Kosova.
von Zemraadmin | März 18, 2016 | Kosova
Ngjarja ngjan si një histori e vërtetë filmash triller. Vrasësi i hyn në “zemër” viktimës, ndajnë bashkë momente të bukura gëzimi, krijon besim e më pas e vret pabesisht për t`i grabitur kursimet e të birit.
Më tej, sikur të mos kishte ngjarë asgjë, merr pjesë qetësisht në varrim, duke i dhënë lamtumirën e fundit, madje me dhimbje e lot ndër sy!!! Kjo ngjarje drithëruese ndodhi në fshatin Shalës të Cërrikut, ndodhi pikërisht në “Ditën e Verës”, kur të gjithë njerëzit kishin dalë të festonin. Edhe në familjen Shinkolla kishte festë, por një festë me skenar makabër që i mori jetën kryefamiljarit Bajram Shinkolla. 56-vjeçari kishte zbritur në qendër të fshatit për të blerë një arkë me portokalle ndërsa nusja e djalit bashkë me nipin ishin nisur për në Elbasan për të marrë pjesë në festime. Vrasësi duket se ka llogaritur gjithçka. Bajram Shinkolla u gjend i vdekur në kuzhinë mesditën e 14 marsit. Fillimisht ngjarja u klasifikua nga policia si vetëvrasje, ndoshta qëllimisht për motive hetimi, por familjarët dhe të afërmit e kanë kuptuar që ishte një vrasje dhe të gjithë ditën e mortit për këtë pëshpëritnin.
Rrëfehet nusja e djalit
Alma Shinkolla tregon se si e ka gjetur vjehrrin e saj të vrarë në kuzhinë. “Bashkë me motrën që është e martuar këtu në këtë fshat u nisëm për në Elbasan për të festuar ‘Ditën e Verës’. E kishim lënë që të iknim bashkë. Për këtë njoftova më parë bashkëshortin tim që punon në Greqi dhe ai më tha shko. Para se të nisëm i bëra gjërat gati babait. Një pjatë me ballakume, ca vezë, ca arra, qumështin. Ja lashë aty para se të ikja. Por babai më tha se do të zbriste në fshat të blinte një arkë më portokalle. I thashë që mos ik se ke bagëtitë. Por ai u nis. Doli para meje. Shkuam në Elbasan, u ulëm në lokal, pamë festimet, dërgova djalin tek lojërat për fëmijë që të argëtohej dhe nga ora 12.30 u nisa për në shtëpi. Motra tjetër bashkë me bashkëshortin u nisën për në Gjinar, tek familja e prindërve të mi. Ndërsa unë me djalin në shtëpi. Kur arrita në shtëpi pashë derën të mbyllur. Trokita disa herë por nuk po e hapte njeri. I thërrita babait, i rashë derës me forcë, por ai nuk po përgjigjej. Mora një karrige për të parë çfarë ka ngjarë. Pashë nga dhoma e vjehrrit dollapët e hapura, varicet e shqyera të hedhura për tokë. Pastaj mora sërish karrigen dhe shkova tek dritarja e kuzhinës. Aty pashë se ai ishte shtrirë në dysheme. Pashë edhe gjak. U trem ba shumë. S’po dija çfarë të bëja. Mora në telefon burrin dhe ai më tha:- mos bëj asgjë, por njofto policinë. Ashtu bëra! Njoftova policinë e cila erdhi menjëherë në banesë. Gjetëm një palë shkallë të gjata dhe unë hyra nga dritarja e banjës për të hapur derën. Hapa derën dhe hynë policët. Nuk hyra në dhomën ku ndodhej babai. Ata njoftuan shokët e tyre të cilët erdhën dhe kryen dhe më pas e nisën për në Elbasan. Kur hyra në kuzhinë tavolina ishte ende e shtruar. Aty ndodheshin dy gota rakie, arrat, vezët e ballokumet. Më vonë mora vesh se në sobë policët kishin gjetur edhe një celular. Kur na erdhi kufoma në shtëpi mësuam se kishte të çara prapa kokës. Ai ishte mbledhur me fashë. Të gjithë njerëzit pëshpëritnin vrasjen”.
I biri
Ndërsa 30-vjeçari, Andi Shinkolla, ka 11 vjet që shkon në Greqi. Ai është djali i vetëm i familjes. Ka edhe tre motra të cilat janë të martuara. Banesa është shumë e vjetër, familja jeton në varfëri ndaj edhe Andi ikën e punon me sezone në Greqi. Ai tregon: “U nisa në Greqi në janar të këtij viti. Punoj në bujqësi në një fshat të Katerinës. Më 14 mars, pasdite më merr në telefon shefi i policisë. Më tha duhet të vish pasi babai ka ndërruar jetë. U nisa me taksi dhe erdha. Gjithçka kishte përfunduar. Im atë kishte vdekur. E pashë dhe kuptova që e kishin vrarë. Ai kishte një gropë të thellë pas koke. E kishin qëlluar pabesisht nga prapa”. Ndërsa mësohet se e ëma e viktimës, Adile Shinkolla është 97 vjeçe. Ajo ende nuk e di se i ka vdekur i biri, ndonëse ka qenë në banesë atë ditë. E moshuara jeton në katin e parë dhe nuk dëgjon mirë. Ajo nuk e di çfarë ka ndodhur. Familja Shinkolla ka përjetuar tragjedi pas tragjedish. Para tre vitesh gjen të varur në një pemë në oborrin e shtëpisë bashkëshorten e tij Shqipen. Atë e bir kanë qenë të pranishëm në varrim. Andi kujton një detaj, i cili i ka ngjallur shumë dyshime atë çast. “Ishim mbledhur të gjithë baxhanakë dhe dhëndurë. Po bisedonim se si mund ta kishin qëlluar. Unë thashë: E kanë qëlluar pas koke me çekiç ose me pinca. E kishte gropë kokën prapa. Në atë çast Iliri u drodh. Ai nuk u ndje mirë”. Por ndërsa ishte në tavolinë me vrasësin një koincidencë mund t`i kishte shpëtuar jetën Bajram Shinkollës. Atë e ka marrë në telefon për ta uruar një nga dhëndurët që rri në Itali. Ai e ka përshëndetur, ka dëgjuar zhurma njerëzish por nuk e ka pyetur se me kë ishte. “Nëse babai do t`i kishte treguar Altin Tafanit se me kë ishte, ata nuk do ta kishin varë se zbuloheshin”, thotë Andi. Edhe nusja e shtëpisë ka dyshime të forta se vjehrri është vrarë nga bashkëshorti i motrës së saj. “Unë mendoj se ata e kanë vrarë. Ata nuk ndjeheshin mirë në varrim. Unë e konstatova këtë gjë. Pastaj fakti që gjetën të hollat në rrënjët e ullirit, celularin. Kush ja tregoi policisë. Ata i kanë treguar se ku fshihen lekët. Para ca ditësh babait i humbi celulari. Një celular u gjend nga policia në sobën e zjarrit. Ata e dinë se kush e vrau. Por ne kemi dyshime të forta se ata janë vrasësit”.
Baxhanaku i dyshuari për vrasje
Në komunikatën e policisë thuhet se pas një punë investigative, nisur nga provat dhe nga të dhënat e ekspertizës mjekësore rezulton se shtetasi Bajram Shinkolla është vrarë. Më pas autorët kanë tentuar ta maskojnë vrasjen duke inskenuar vetëvrasje. Autorë të ngjarjes dyshohet se janë shtetasit Naim Çekrezi 56 vjeç dhe Ilir Çekrezi 25 vjeç, tashmë të shpallur në kërkim. Pjesëtarët e familjes Shinkolla kanë dyshime të forta se vrasës së Bajram Shinkollit janë atë e bir. Madje 25-vjeçari Ilir Çekrezi, sipas tyre, është i përfshirë direkt në vrasje. “Unë kam dyshime të forta se ata më vranë babanë. Para një vit e kusur, i dhashë 840 mijë lekë dhe më tha se do m`i kthente shpejt. Por nuk mi ktheu. Prit e prit dhe vetëm më gënjente. Para disa kohësh babai mori këstin e disa të hollave. Nuk di se si ishte takuar në Cërrik me baxhanakun dhe kishin pirë atje. Pastaj erdhën të dy dhe po pinin edhe në lokalin e lagjes. I fola tim eti të vinte në shtëpi. Nuk më pëlqente tipi i baxhanakut tim. Ai na kishte borxhe dhe i ishte vardisur babait duke i kërkuar para sërish. I thashë të mos i jepte më. Donte t`i zhvaste para. Personalisht nuk kisha mendim të mirë për të. Gjithsesi, gjithçka fitoja ja jepja babait. Donim të kursenim të ndërtonim një shtëpi të re, pasi kjo që banojnë në të është shumë e vjetër”.
Policia dokumenton krimin
Paraditen e 14 marsit Bajram Shinkolla është kthyer me një arkë me portokalle në shtëpi. Në katin e parë ndodhej e ëma e zhytur në pleqëri të thellë që nuk dëgjon, por edhe nuk sheh mirë. Ende nuk dihet nëse vrasësit kanë ardhur bashkë me Bajramin apo e kanë gjetur atë në shtëpi. Por duket se vrasësi ka qenë njeri i besuar pasi është futur brenda dhe ka qëndruar me Bajramin në kuzhinë. Aty kanë nisur të kthejnë nga një gotë raki. Në tavolinë ka pasur edhe arra, ballokume vezë dhe ziarete të Ditës së Verës. Nuk dihet se kanë qëndruar bashkë apo sa kanë pirë. Një version është ai që në vrasje mund të kenë marrë pjesë 2 persona. Njëri pinte raki me Bajramin dhe tjetri zbrazte valixhet në dhomën tjetër. Një version tjetër është se vrasësi, pasi e ka trullosur Bajramin me alkool ka shfrytëzuar rastin dhe e ka qëlluar atë direkt pas koke me çekiç, daltë apo pinca kur ai është ngritur për të marrë shishen e rakisë. Por duket se goditja ka qenë e fortë dhe vdekjeprurëse. Sepse Bajram Shinkolla fill pas kësaj ka rënë me kokë në çimenton e dyshemesë dhe i është nxirë edhe një pjesë e syrit. Familjarët tregojnë se plaga në kokë ka qenë e thellë dhe fatale. Më pas autori ose autorët mund të kenë shkuar dhe kanë hapur me forcë valixhet ku kanë grabitur të hollat dhe valutën.
“T`i varin, burgu s`është asgjë”
Familjarët e Bajram Shënkollit kërkojnë ndëshkim maksimal për autorët. I biri Andi pohon: Burgu nuk është asgjë. Ata duhet të torturohen e më pas të varen në litar. Kjo me burg nuk është zgjidhje. Shihni sa ngjarje kanë ndodhur kështu. Vrasin dhe pastaj rrinë në burg, Po ne familjarët sa vuajmë ne. Ndaj kërkoj ndëshkim maksimal për ata. Mua nuk më kthehet më babai. E vranë pabesisht. E masakruan pas shpine. Ashtu duan edhe unë të vuajnë ata”. Vëllai i Bajram Shinkollës, Petrit Shinkolla gjithashtu kërkon ndëshkim të rëndë për fajtorët. “Mua nuk më hiqet nga mendja ajo që pashë tek vëllai. Ata e kishin qëlluar me një çekiç pas koke, duke ja bërë gropë. Nuk ka mëshirë për njerëz të tillë. Shoqëria ka vetëm dëm prej tyre. Ata nuk bëhen njerëz. Do bëjnë sërish vrasje për të grabitur. S’ka mëshirë varje në litar”. /Shekulli
