von Zemraadmin | Apr. 8, 2015 | Lifestyle
Rritja e mjekrës është ndoshta gjëja më e mirë që një mashkull mund ta bëjë për fytyrën e tij, por përveç pamjes seksi që ajo i jep një mashkulli, ajo ka edhe përgjegjësi të madhe. Keni për të mësuar shumë për qimet e fytyrës më poshtë!
Më poshtë janë faktet të cilat nuk i keni dëgjuar ndoshta më parë për mjekrën:
1. Meshkujt me mjekër janë 38% më pak bujar, 36% më pak të dashur dhe 51% më pak gazmor se meshkujt pa mjekër.
2. Mjekra rritet më shpejtë gjatë stinës së verës.
3. Meshkujt më shumë e rrisin mjekrën për shkak që iu duket më e lehtë për të gjetur grua. Shkencëtarët thonë se meshkujt filluan të rruheshin në mënyrë që t’i bëjnë femrat të ndihen më të sigurta.
4. Shkencëtarët besojnë se mjekra ka këto efekte në fytyrën e mashkullit: e mbron fytyrën nga shumë elemente dhe krijon një linjë më të mirë të nofullës.
5. 98% e listës së 100 meshkujve më të pasur në botë janë pa mjekër.
6. 33% e meshkujve në SHBA mbajnë mjekër, kurse 55% në mbarë botën.
7. Mjekra rritet më shpejtë kur një mashkull nuk ka bërë seks për një kohë të gjatë.
8. Mes viteve 2008 dhe 2013, operacionet e “transplantit të mjekrës” janë rritur për 600% për shkak të rritjes së popullaritetit të mjekrës në botë.
9. Mbajtja e mjekrës quhet ndryshe “pogonotrofi”.
10. Në mesjetë, ta prekësh mjekrën e një mashkulli konsiderohej ofenduese dhe nxiste një duel.
11. Meshkujt me mjekër u duken të tjerëve: më të vjetër, më të respektuar, më të fuqishëm dhe të një statusi më të lartë se sa ata pa mjekër.
12. Studimet tregojnë se në një mesatare, femrave iu duket një mashkull 2 herë më shumë tërheqës se sa kur është i rruar.
13. Koha mesatare që një mashkull shpenzon gjatë jetës së tij duke e rruar mjekrën është 3,350 orë.
14. Në vitin 345, Aleksandri i Madh ua ndaloi ushtarëve që të mbajnë mjekër. (Kjo për arsye që të parandalonte që armiqtë gjatë betejave t’i kapnin ushtarët e tij për mjekre)
15. Mjekrën më të gjatë në botë e kishte një norvegjez në vitin 1927. Mjekra e tij ishte 17.4 metra e gjatë.
16. Abraham Lincoln e rriti mjekrën e tij të famshme pasi një vajzë e vogël i shkroi atij një letër ku i thoshte se ai do të dukej më mirë nëse do të kishte mjekër.
17. Mjekra mund të ju ndihmojë që të mbani pluhurin larg fytyrës dhe të ju mbrojë nga alergjitë.
18. Në Egjiptin e lashtë, mjekrat metalike ishin një shenjë e besimit dhe statusit. Madje edhe disa gra i kishin ato. /lajmi.net/
von Zemraadmin | Jan. 30, 2015 | Lifestyle
Ka një kohë të caktuar në çdo lidhje, kur partneri fillon të tërhiqet pak dhe juve ju duket sikur është duke u distancuar nga ju.
Ky ndryshim mund t’ju bëjë të ndiheni në panik për vazhdimin e lidhjes suaj duke ju bërë të ndiheni e pasigurt dhe duke humbur vetëkënaqësinë. Cila është mënyra më e mirë për të reaguar në një rast të tillë?
Mos bëni asgjë!
Është koha që të keni një pauzë. E vetmja gjë e mirë që mund të bëni është që të merreni me jetën tuaj, duke mos pasur kohë për t’u marrë me këtë çështje. Mos u mundoni ta pyesni atë menjëherë se çfarë është duke ndodhur, sepse kjo do t’ju bëjë të dukeni shumë ‘e ngjitur’ pas tij dhe ai do të mendojë se ju keni nevojë për të për të pasur një jetë të lumtur.
Qëndroni mendjehapur!
Mund të ketë arsye për këtë distancim që nuk kanë të bëjnë me ju. Është më së miri që të jeni mendjehapur dhe të mos nxirrni përfundime shumë herët duke u mërzitur kot.
Flisni më vonë për këtë!
Ju keni të drejtë të zbuloni pse ai është distancuar nga ju. Nëse është në gjendje t’ju tregojë se çfarë është duke ndodhur, biseda mes jush do t’ju afrojë më shumë. Nëse ai refuzon të bisedojë në lidhje me këtë çështje, atëherë është koha që ju të ecni përpara në jetë, pa praninë e tij.
von Zemraadmin | Jan. 30, 2015 | Lifestyle
Acidi folik nuk është një vitaminë e zakonshme, por është një supervitaminë! Nëse një grua merr çdo ditë acid folik në dozë 400 mikrogram (mcg) përpara se të mbetet shtatzënë dhe në tre muajt e parë të shtatzënisë, i parandalon defektet e trurit dhe të palcës kurrizore tek fëmija.
Acidi folik, ndonëse quhet acid është në fakt një vitaminë e cila bën pjesë në familjen e vitaminave B.
Acid folik ka edhe në ushqimet të cilat i konsumojmë, por kjo nuk e përjashton domosdoshmërinë që një grua shtatzënë ose që provon të mbetet shtatzënë të merr 400 mcg acid folik në ditë.
Arsyeja se përse acidi folik duhet të merret edhe përpara se një grua të mbetet shtatzënë është se anomalitë e tubit neural shfaqen në 3-4 javët e para të shtatzënisë, prandaj në organizmin e asaj gruaje duhet të ketë një depozitë të mjaftueshme gjatë javëve të para kur zhvillohet truri dhe palca kurrizore e fëmijës.
Rekomandohet që acidi folik të merret së paku një muaj përpara shtatzënisë. Ka rekomandime që kjo vitaminë të merret edhe shumë muaj përpara shtatzënisë.
Acidi folik duhet të merret në dozë 400 mikrogram (mcg) ose 0.4 miligram (mg). Doza e acidit folik duhet të jetë më e lartë vetëm në rastet:
1. Kur një grua merr barna për epilepsi, sepse këto barna e pengojnë përthithjen e acidit folik, prandaj doza e acidit folik duhet të jetë më e madhe
2. Nëse indeksi i masës trupore është mbi 30 (që do thotë se nëse një grua e gjatë 170 cm peshon rreth 90 kilogram e më tepër). Gratë e shëndosha kanë tendencë që të kenë vlera më të ulëta të acidit folik në gjakun e tyre, prandaj doza duhet të jetë më e lartë.
3. Nëse një grua ka diabet (sëmundje të sheqerit).
von Zemraadmin | Jan. 30, 2015 | Lifestyle
Humbja e flokëve mund të jetë një problem i së shkuarës…nëse besojmë një grup shkencëtarësh të Institutit Kërkimor Mjekësor Sanford Burnham në Kaliforni.
Studiuesit e këtij instituti pretendojnë se kanë gjetur formulën që ‘lind dhe rrit flokët’ duke përdorur qelizat staminale.
Ky nuk është studimi i parë në këtë fushë, por të gjitha përfundimet e mëhershme dështonin në prodhimin dhe qendrueshmërinë e qelizave përgjegjëse për rritjen e flokut.
Shkencëtarët amerikane thonë se tejkaluan këtë problem duke përdorur qelizat staminale të njeriut.
“Metoda jonë e përfitimit të qelizave staminale siguron një burim të pakufi nga pacienti për transplantim dhe nuk kushtëzohet nga pasja ose jo e rrënjëve të flokëve”, thotë Alexey Terskikh, udhëheqës i studimit.
Ai thotë se teknika është zbatuar me sukses tek minjtë dhe është një hap domethënës drejt trajtimit të problemit të humbjes së flokëve me anë të qelizave staminale.
von Zemraadmin | Jan. 1, 2015 | Lifestyle
Mandarinat janë të shijshme dhe rrallëkush nuk i do ato. Por, a e dini se ato ofrojnë më shumë se një shije të mirë gjatë ngrënies? Kjo frutë agrume ka përfitime të shumta shëndetësore – ajo redukton rrezikun nga kanceri, promovon humbjen e peshës…
Mandarinat mund ta ulin rrezikun nga kanceri
Mandarinat mund ta ulin rrezikun nga kanceri i mëlçisë. Shkencëtarët në Universitetin e Kyotos kanë zbuluar se njerëzit me hepatit viral kronik mund ta zvogëlojnë rrezikun e zhvillimit të kancerit të mëlçisë, nëse pinë lëng të mandarinës së freskët. Gjatë studimit njëvjeçar, 30 pjesëmarrës të cilët kishin hepatit viral konsumuan pije që përmbante lëng mandarine në baza ditore dhe në fund nuk kishin asnjë shenjë kanceri të mëlçisë. Ndryshe nga ata, në mesin e 45 pjesëmarrësve të cilët nuk pinë lëng të mandarinës, 8.9 për qind e tyre zhvilluan kancer të mëlçisë.
Mandarinat janë burim i mirë i vitaminës C
Mandarinat mund t’ju japin deri në 80 për qind të sasisë ditore të nevojshme të vitaminës C. Vitamina C është e dobishme në shumë mënyra, për shembull për t’i luftuar radikalet e lira. Këto janë molekula të paçiftëzuara të elektroneve të cilat e kërkojnë çiftin e tyre duke “vjedhur” elektronet nga radikalet e lira të qëndrueshme. Kjo shkakton një reaksion zinxhir, pra tranzicion të radikaleve të qëndrueshme në radikale të lira të paqëndrueshme, gjë që në fund mund të rezultojë në dëmtime fizike, si dëmtimet e proteinave dhe dëmtimit e ADN-së. Antioksidantët ndihmojnë në parandalimin e këtij reaksioni zinxhir dhe në ndalimin e dëmtimit, dhe kjo, ndër të tjerash, forcon imunitetin.
Mandarinat ndikojnë në kolesterinë
Antioksidantët në mandarinë mund t’i ulin nivelet e kolesterinës “së keqe”. Ato e bëjnë këtë duke luftuar radikalet e lira të cilat e oksidojnë kolesterinën, dhe kështu ai lehtësisht mblidhet në muret e arterieve. Nëse kolesterina akumulohet, gjaku lëviz ngadalë në arterie, gjë që mund të rrisë rrezikun e shtypjes së lartë të gjakut, goditjes në tru, sëmundjeve në zemrës dhe sëmundjeve të mëlçisë, përcjell koha.net.
Mandarinat ndihmojnë të humbni peshë
Mandarinat janë një burim i fibrave dietike, me madje 3 gramë fibra në 100 g. Konsumimi i rregullt i fibrave ndihmon të ndiheni të ngopur më gjatë. Në përgjithësi, fëmijët dhe të rriturit duhet të marrin rreth 20 gramë fibra në ditë. Megjithatë, mund të keni nevojë për më shumë, në varësi nga sasia e kalorive që konsumoni. Për shembull, meshkujt dhe adoleshentët mund të kenë nevojë të konsumojë rreth 30-35 gramë fibra në ditë. Ngrënia e mandarinave e përmbush këtë nevojë të përditshme.
von Zemraadmin | Aug. 16, 2014 | Lifestyle
Lëkura e yndyrshme është një problem më vete për të gjithë personat që bëjnë pjesë tek ky tip lëkure, pasi ato duan punë dhe durim të madh për tu pastruar.
Më poshtë po ju paraqesim një maskë mjaft efikase.
Vendosni në ujë të nxehtë një fetë trangulli, prisni sa të zbutet dhe shtypeni. Bashkoje në një gotë të vogël me një lugë lëng limoni dhe 1 lugë kos të bardhë. Aplikojeni në të gjithë fytyrën dhe lëreni për 10 minuta. Më pas shpëlaje fytyrën me ujë të vakët. Bëjeni këtë maskë një herë në dy javë.
/Repoteri.net/
